|
بأقولكم شي أنا نصراوي>>قصه تشجيعي للهلال<< بسم الله الرحمن الرحيم السلام عليكم ورحمه الله وبركاته اهلا بالشباب هلا والله انا ماقهرني الى أرتفاع سعر الشاورما ياناس قهر المهم ماعلينا يوم كنت صغيير يعني بزر كنا نجتمع خالاتي وخولالي في بيت جدي المهم كنا صغار ودورنا عند الجالكسي والحلويات وحليب الككاو يعني تعرفون البزران كان خالي الله يجزاه خير كان يدخل علينا ويقول : النصراوي بأعطيه ككاو وبطاطس وحلاو بس يقولي مين النصراوي في هذه الحاله كل البزران يصيرون نصراويين موت مع اني مادري وشو النصر وشو الهلال هالكلام وعمري يمكن من 4الى 5 سنوات أهم شي الحلاو يجيني وبس وفي ذلك اليوم كان أ؟ن يوم خميس كانت مباراه الهلال والنصر كان في ذلك الوقت الجميل الي عرفت فيه معنى الهلال كان خالي جالس ومتحمس أما أبوي كيسه فص فص قدامه 10 كيلو وكنت أتسلل وأخذ فص فص وهو كان لاهي مع المباراه المهم قلت بيني وبين نفسي وشو الشي الي يشدهم للمباراه خلوني أشوفها المهم وناظر المباره الى وقوووووووووووووووووول للهلال وعلى مأذكر الي سجله لذيب ابوي ماسك ضحك على خالي وتطنز المهم وتمسي المباراه وتمشي وأنا لفت نظري لاعب رقمه 15و9و8 بس دبشه ماعرف أساميهم المهم أنتهت ذيك المباراه لللهلال وأنا ودي أعرف أسماء اللاعبين الي براسي وذاك اليوم صارت عزيمه ببيت خالتي وكان وقتها فيه مباراه للهلال طبعا مسوي متحمس وأنا بزر لكن فعلا ضحيت من أجل الروحه والككاو والحلاو والعصير عشان أناظر رقم 9 و 15 و 8 بدت المباراه والله مادري كنت ضد مين بس برضه رقم 9 جاب هدف ألتفت لابوي وقلتله مين رقم 9 قالي هذا اسمه سامي الجابر وبدا يقولي انه مهاجم قوي ودايم يجيب اهداف طيب قلت منهو 15قال أبو يعقوب بس ماقالي الاسم يعني ماقالي يوسف الثنيا بس ثال أبو يعقوب قلت ورقم 8 قال خالد التيماوي قلت طيب خلاص المهم ومع مروور الوقت وجت عزيمه وكالعاده قال خالي مين النصراوي كل البزارين أنطلقو الى أنا ظحيت بالالحلويات من اجل الهلال والحمد لله أني قعدت أشوف مباراه الهلال والنصر ذاك اليوم الصراحه الي خلاني أشوفها كيسه الفصفص أم 10 كيلو الي قدام أبوي ولا كان الحين أسمي !!نصراوي الرس!!:d تحياتي لكم سبب أنزال الموضوع:1-فضاوه 2-حزنا على أن الدراسه تبي تجي>>>>ماله دخل:d برايفت>> هاه انا من الموضوع الفايب قايل أبي شاورما أحد جابلي؟؟:d |
وعليكم السلام ورحمة الله وبركاته ..!! هلا والله بأهل ديرتي ..!! والله من زود التعصب لخالك الله يهديه .. حتى الاطفال كانوا مايعرفون الا بالهديا ..!! يعطيك العافية ..!! |
اول شي وش دخل الشامورما بالموضوع ؟؟ هههههههههه الحمد لله انك صرت هـلالي ,, بس ابي اسألك خالك للحين وهو نصراوي؟؟؟؟ |
يوووووووه لك ماضي شنيع بالنصر الموهم راجع موضوع صادوه :D |
هههههههههههههه مشكووور على الموضوع |
أحسن شي سويته وما راح تندم |
خخخخخخخخخخخخخخخخخخخخخ ,, احلى مافي الموضوع المقدمه الحمرا :d اما بخصوص خالك والله مع أحترامي له ما راعى شعورك ,, تخيل انك نصراوي الحين والله عذااااب يا حبيبي عذاااب ,, :d والله لو أني منك كان صليت لي ركعتين أشكر الله انه خلاني هلالي :d تقبلوا تحياتي .. |
خخخخخخخخخخخخخخخخخخخخخخخخخخخخخخخخ زين انك عرفت المعنى الصح ومشكور |
شاتسر لكم مرووكم تحياتي لك !!نصراوي الرس!! |
والله ــ ياهلالي الرس ــ أنك في نعمه ماراح تعرف قيمتها الأ لما تروح الى أفريقيا ........... وش جاب أفريقيا في الموضوع !!!!!!!!!!!!!!!!! المهم ... عساك صليت صلاة الكسوف ؟؟؟ أقصد صلاة الشكر .. يعني ركعتين .... حمدآآآ لله على سلامة حياتك من الهموم والأوجاع اللتي قد تعصف بك جراااااء بقاااائك نصراااااوي ...... أحب أتفلسف ....... والله ماعرفة أكتبها الأ من أخوي الجامعي ..... كلمه قويه وصعبه .... المهم مافيه أن شاء الله ــ صـــااااااااادوه ــ لاني قد عرضت موضوعي على مدرس خصوصي ــ سودااااانــــي ــ ودمـــــتـــــم ســــاااااالمين ...... |
تحمد انك هلالي ولا كان الحين فيك ضغط وسكر من سبب النصر ,, :d برايفت تبي الشاورما دبل نيز :d |
هلالي متيم20 شكلك سهرااان والله مادري وش تقووول ع العموم شاكر لك مروورك |
إقتباس:
أولا شاكر لك مروورك دبل نيز دبل تبن أهم شي شاورما:d |
حلوه قعدت عشان كيست الفصفص بس اقول وش اخبار خالك الحين <<<< الا الحين يشجع النصر مرسي يمرسك |
ههههههههههههههههههههههههههههههههه خالي الله يعنيه الى الحين نصراوي |
| الوقت المعتمد في المنتدى بتوقيت جرينتش +3.
الوقت الان » 05:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd