نادي الهلال السعودي - شبكة الزعيم - الموقع الرسمي

انسان ظريف مع زملائه خارج الملعب ...

انسان ظريف مع الكرة داخل الملعب ...

مواقــــــــف طريفة ليوســـــــــف الثنـيـان

*********************

في احد معسكرات المنتخب ( حط يوسف لوحة على باب غرفته يقول

فيها ممنوع دخول العبـيد .. جاه احمد جميل وقال له : ما يصير يا أبو يعقوب الكلام اللي

أنت كاتبه وحنا كلنا عبيد لله .. حس أبو يعقوب إن أبو جميل زعل .. وطبعا يوسف

حساااااس :d قام شال اللوحة وحط بدالها

ممنوع دخول العبـيد إلا احمد جميل :laugh:

*********************

يوسف الثنيان له صديق قريب على قلبه أسمه إبراهيم القصيمي إداري نادي الرياض السابق

إبراهيم يحب أبو يعقوب حبا جما.. قام الأستاذ الحكير بوضع إبراهيم القصيمي ضمن

الجهاز الإداري لنادي الرياض .. وفي أحد مباريات الهلال والرياض مررت كرة

ماكرة للثنيان فأحرز منها هدفا جميلا فأنطلق يجري بأتجاه إحتياطي الرياض

وبالضبط في أتجاه القصيمي ولم يكذب إبراهيم خبرا إذ قفز فرحا وأحتضن الثنيان

ومن يومها وإبراهيم القصيمي خارج نادي الرياض :d

*********************

موقف آخر للثنيان

كان في مباراة مهمة للمنتخب ولابد من الفوز ولا الخروج من البطولة وللأسف

إنهزم المنتخب , وفي غرفة الملابس شاف أبويعقوب خالد مسعد وهو يصيح , قاله قم

قم يا خالد احنا يالسعوديين ما صحنا عشان تصيح أنت ووجهك:laugh:

*********************

مواقف أخرى لأبو يعقوب المهستر

مره كانوا في المنتخب وكان حاتم خيمي معهم والرجال مشتري له ملابس جديده بدل

وحركات ( اللي هو حاتم خيمي ) المهم قبل لا يلبسهم المسكين طلع من الغرفه و

دخل الثنيان ولبسهم وطلع للاعبين شكله يموت من الضحك لانها كبيره عليه كثير..

يوم شافهم يضحكون الا حاتم خيمي مولع من القهر والغضب ضحك الثنيان وقال: هذي

الملابس اشتريتها وطلعت وسيعة وكبيره لذلك قررت اعطيها حاتم خيمي . :whacko:

*********************

طلع الثنيان من المعسكر ويوم بغى يركب سيارته لقى سيارة الطرير مفتوحة

والمفتاح داخلها..المهم اخونا في الله ما صدق خبر..خذ السياره وراح يقضي

اشغاله الخاصه..يوم طلع الطرير ما لقا السياره فعرف ان الثنيان هو اللي خذها..

ويوم شاف الرجال طول ما جا راح الطرير وبنشر سيارة الثنيان المهم رجع النمر

اخر الليل لقا السيارة مبنشره..اول ما دخل لقا الطرير وباقي اللعيبه

يستنونه...و الشرار يتطاير من عيون الطرير وصاح في الثنيان : ليش خذت سيارتي؟؟

فجاوبه الثنيان بسرعة بديهة : والله لقيت سيارتي مبنشره قلت اروح في سيارتك :d

*********************

في احد معسكرات المنتخب في الملز ... كان الثنيان اذا أذن الفجر يقّوم

اللاعبين لصلاة الفجر ويقولهم : قوموا صلوا ... لا يغضب الله عليكم ويخلي

أشكالكم مثل خالد مسعد:laugh:

*********************

مره كان في مباراة للهلال والنصر على ايام خالد الفرحان ومصطفى ادريس والشلة

.. المهم كان أبو يعقوب معه الكورة وخالد الفرحان مراقبه .. أبو يعقوب وقف

ويناظر خالد الفرحان .. وقال لخالد الفرحان : صك فمك لا يدخل جراد ..:laugh:.

*********************

مرة ... كان منتخب السعوديه فايز ببطوله وقفهم المذيع هو وماجد . قال المذيع

طبعا بعد ماانتهو من الكلام لمن تهدي هذا الانتصار قال ماجد اهديه لامي رجع

المذيع ليوسف قال لمن تهديه يا يوسف قال يوسف : اهديه لام ماجد .. :whacko:

*********************

في تصفيات مربع غرب اسيا والي اقيمت في لبنان.. كان تذكرون الملعب الي اقيمت

علي التصفيات كان سيء جدا وكله حفر وحالته حاله وزراعته الله بالخير ... عاد

بعد إحدى المباريات سأل احد المراسلين ابو يعقوب عن رايه بالملعب ؟

قال ابو يعقوب الصراحه انا اول مره اشوف ملعب مزروع نعناع !!!!!!:eek:

*********************

... كانت مباراه للهلال والنصر

جا فاول للهلال واخذ ابن نصيب الكورة قاله الثنيان..هات الكوره انت وراسك الي

كنه مرتبة سيكل:laugh:.

*********************

في لقاء مع مجلة اليمامه زمان قال له : متى يتوقع يوسف الثنيان ان يعتزل ماجد عبد الله

وكان ماجد ذاك الوقت يتلزق بالكورة غصب

قال ابو يعقووووب بسرعة بديهه:thumbup:

إذا نسّمت الكورة :d

ياسفآبك والله يبويعقووووب

الموضوع منقوول :pleased:

******* تحياتي للجميع *******