هـــياط فــــــي هيــــــــاط !!!!!!!!! - نادي الهلال السعودي - شبكة الزعيم

abo_nasser · #1 05/09/2007, 12:04 PM

بسم الله الرحمن الرحيم

صباح الخير جميعا عن بكرة ابيكم

والله من قوة الطفش والفضاوه الي انا فيها الان ...طمرت على غرفة اخوي

علشان اصحيه ..ويشوف شغله ...بينما ارفس فيه

حصلت كتاب عنده

فيه ورود وحركات ...طبعا ان ملقوف اخذت الكتاب واقراه حصلت

فيه اسامي ذكور واناث ...وجالس المؤلف يمدح في ذا الاسامي بابيات

شعر

فقلت لنفسي ليه ما اضبط علاقات مع بعض الاعضاء

...واساوي اني انا

الشاعر....لكن خفت لا يكون واحد قراه

...بعدين وجهي بيصيرو مثل خرقة البنشري

المهم خلونا نبدا

الشايب فيـــــــــاض

فاضت الاشواق من قلبك بحـــور
والعطا منك كرم ...اذكر حنينـــي
عندكم فياض يا كــثر الــشعور
والمشاعر فيهــا ايامي وسنيني

الكلاسيـــــــكي(عـــادل)

كفة الميزان مالــت من صفاتــك
وابتهج قلبي على ذكـر الحقيقه
غـالي قلبك..والغلا منك وذاتـك
عــادل الوافي..دفا عمري وبريقه

المشاغب(سلتان)

كل الادب فيكم..قالوها في الامثال
عالي النخل ثابت..يرمي تمر اكمل
سلطان في اسمك ...تتبدل الاحوال
باخلاقكم صرنا ..نحتار مين اجمل

طـــلال(ابوطــلال)

دايــم الاحســاس يجذبني اليـــك
ما اشوف غيرك ولا عالبال طاري
ماخذ فكري..وخوفي بس عليـــك
ما بقى لي في الحياه اي اختياري
تسرق احلامي وقلبي بين يديــك
ياطـلال روحي معك,صعبه اداري

واعذروني اللي ما كتبت عنهم ..والله تعبت من الكتابه

واخيـرا

وش رايكم في الهياط الي مال امــه داعــي

تعرفــون اني اكتب وانا غيــر مقتنع بها الابيات

سلااااااااااااااااااااااااام

بريماكس · #2 05/09/2007, 12:10 PM

صدقني الهياط حلو وجربه تبي تدعيلي

..

خلك مهايطي بكل مكان بس اذا ضربت مالي دخل

بس الموضوع مافيه شئ يدل للهياط او بس رفسك لاخوك

! ..

إقتباس

الرسالة الأصلية كتبت بواسطة abo_nasser


	المشاغب(سلتان) كل الادب فيكم..قالوها في الامثال عالي النخل ثابت..يرمي تمر اكمل سلطان في اسمك ...تتبدل الاحوال باخلاقكم صرنا ..نحتار مين اجمل

غير مكانه مع احترامي للغالي سلطان

! .. >> امزح ياقلبي لاتزعل

لو انت قائل انا ولا هامور ولافياض يمكن

..

كونتراتاك · #3 05/09/2007, 12:11 PM

هههههههههه

يستاااهلووون والله

تسلم

Hilali88 · #4 05/09/2007, 12:11 PM

هلا وغلا يا بوناصر
أحد يقول صباح الخير في الظهر

موضوعك رهيب وفكرته حلوة
والأبيات كلها حلوة والأعضاء إللي ذكرتهم يستاهلون

يعطيك العافية

كاريزمـا · #5 05/09/2007, 12:17 PM

هلا ابو ناصر

مساء الظهر

رحمتك قلت شكلك تبي دكه بطريقه خربزاكيه منزل قصايد

الحين انت اتصالك اول نت ليش مايعلق مثلي >> مقهوره

عجزت ارد هناك بدكتي اوووف قصدي موضوعي

الف عافيه ابو ناصر على المجهود المسائي

كان صبرت لحد اوقات الستر >> ماقلته من عبث

لك تحيه معطره بأجمل خرفاان المشاغب

سور الهلال العظيم · #6 05/09/2007, 12:20 PM

يستاهلون الشباب

بس وشوله تفتح شي مو لك

<< وش دخلك

leo messi · #7 05/09/2007, 12:37 PM

هلا والله ابو ناصر .. زعيم سابقا .. المهايطي مستقــبلا <-- وش رايك باليوزر

من جد شكلك خرمان للـدكــه على قولة ريــري

بيني وبينك حتى انا بعد خرمان حـولك شـيء

مشكور اخوي المهايطي

.

ولد وايل · #8 05/09/2007, 12:40 PM

صح عليك يابو ناصر

اللقافه احيانا تجيب نتيجه بس مافيه شي عن سعد

دور شف منا والا منا

عوافي واللي ذكرتهم يستاهلون

LBa your heart · #9 05/09/2007, 01:06 PM

ماكتبوا شي عن سالم

Hictar · #10 05/09/2007, 01:33 PM

إقتباس


	طـــلال(ابوطــلال) دايــم الاحســاس يجذبني اليـــك ما اشوف غيرك ولا عالبال طاري ماخذ فكري..وخوفي بس عليـــك ما بقى لي في الحياه اي اختياري تسرق احلامي وقلبي بين يديــك ياطـلال روحي معك,صعبه اداري

اووووووه هذا تغزل عيني عينك

صح لسانك ابوناصر ، ولسان أخوك

يعطيك العافيه

ڪـيــف الـζــآل ؟ · #11 05/09/2007, 01:37 PM

صح عليك أخوي أبو ناصر ...!!

اللقافة أنواع ..حلوة ..غير حلوة ..

وهذي ضمن الحلوة..!!

(((أخلاق سامي))) · #12 05/09/2007, 01:54 PM

ههههههههههه حلوه فكرتك

ويستاهلون الاعضاااااء

f*y*d · #13 05/09/2007, 02:14 PM

نقول محجوز للشايب فياض

إقتباس

الرسالة الأصلية كتبت بواسطة abo_nasser


	الشايب فيـــــــــاض فاضت الاشواق من قلبك بحـــور والعطا منك كرم ...اذكر حنينـــي عندكم فياض يا كــثر الــشعور والمشاعر فيهــا ايامي وسنيني

وهـ بس

انت يازينك ويحليلك من غيروا يوزرك

ياليته تغير من زمااااان

قلبي يفيض شكر ودعوات بالعافية لك أبو ناصر,,,

سلملي على نويصر الله يحفظه

معليش ع الرد البايخ لأن اشتراك الدي اس ال خلص وانا متصل الحين (دايل أب)

بس بفهم وش دخل الهياط ف الموضوع!!!!!!!!!

عوااااااااااااااااافي ,, واذا قدرت لي عودة أكيد يا الغالي

أبو ناصر ما اقول الا

سلامـ

abo_nasser · #14 05/09/2007, 04:05 PM

هلا وغلا بكل من شاركني موضوعي التحيف

بريماكس

إقتباس


	صدقني الهياط حلو وجربه تبي تدعيلي .. خلك مهايطي بكل مكان بس اذا ضربت مالي دخل بس الموضوع مافيه شئ يدل للهياط او بس رفسك لاخوك ! ..

والله ياخوي بعض الهياط انه يودي الواحد في ستين داهيه

اما ان الموضوع ما فيه هياط ....فالابيات كلها هياط في هياط

إقتباس


	غير مكانه مع احترامي للغالي سلطان ! .. >> امزح ياقلبي لاتزعل لو انت قائل انا ولا هامور ولافياض يمكن ..

افا شو هالحكي

...سلطان والله انه تمام ....ممكن لانه صريح ولا يعرف
يجامل تشوفونه غير <<<<وش رايك اعرف امدح

شرفني مرورك يالغالي ...والله يعطيك العافيه

الازرق المتعصب

إقتباس


	هههههههههه يستاااهلووون والله تسلم

يسلمووووووووووو اخوي على المرور

Hilali88

إقتباس


	هلا وغلا يا بوناصر أحد يقول صباح الخير في الظهر موضوعك رهيب وفكرته حلوة والأبيات كلها حلوة والأعضاء إللي ذكرتهم يستاهلون يعطيك العافية

الله يسلمك اخوي ....ولا تشره علي والله اني مواصل

من ذووقك يا طويل العمر ...واسعدني مرورك

وان شاءالله اكمل الردود لما اصحى من النوم

سلااااااااااااااااااااااااام

مستر جوكر · #15 05/09/2007, 05:09 PM

فكرك ولا اروع هههههه ننتظر جديدك