السلام عليكم ورحمة الله وبركاته


لا يختلف اي متابع للكرة السعوديه سواء كان مشجع هلالي او لا على موهبة الكابتن خالد عزيز الكبيره وتطور مستواه الافت للانظار في السنوات الاخيره حتى اصبح افضل محور دفاعي في الملاعب السعوديه وربما الاسيويه

وكما يقول المثل (( الزين مايكمل ))

تشوب موهبة خالد عزيز الكبيره بعض التصرفات الغير انضباطيه في تمارينه مع ناديه الهلال او المنتخب والحوادث والشواهد عن هذا الاعب كثيره ولا داعي لذكرها في هذا الموضوع الذي هو مجرد نصيحه لهذا الاعب حتى لا نخسره مستقبلا كما خسرنا عبدالله الجمعان

يا خالد عزيز لا يختلف هلالي على موهبة زميلك عبدالله الجمعان الكبيره وهي الموهبه التي لو خالطها التزام في التدريبات لكان الجمعان حاليا من افضل مهاجمين المملكه ولكان اساسي في هجوم مع المنتخب مع الكابتن ياسر القحطاني

لكن اين الجمعان الان ياعزيز ؟؟

هو على قائمة التنسيق رغم مايمتلكه من مواهب كبيره

فاتمنى منك ياخالد ان تنظر لمصير زميلك عبدالله وتحاول ان تلتزم مع ناديك او المنتخب في التدريبات ولم يكن يظرك شيء هذا اليوم لو استأذنت من الكابتن فهد المصيبيح قبل خروجك من المعسكر

بتصرفك هذا ياخالد قد يخسرك الهلال في قادم المنافسات الاسيويه والمحليه والخليجيه وقد يطالك ماطال محمد نور عندما اخطىء مع المنتخب في كاس الخليج واوقف سنة كامله قبل ان يشمله قرار عفو

اخشى ما اخشاه ان تكون نهايتك بيدك ياعزيز


ملاحظه :: كلامي هذا في حالة خروج الاعب من المعسكر لمجرد الخروج او مخالفة الانظمه اما ان كان للاعب ظروف قاهره تجبره على الخروج فهو معذور ولا يلام ويجب تقدير ظرفه ومعرفة ملابسات الموضوع

الله يهديه .. عربجي ومايبطل حركاته ..

انا ابي افهم يعني وين رايح ؟؟ وش عنده ؟؟

مع اني حاس ان المصيبيح مطلع ريحتهم ويعاملهم معاملة أطفال ويخليهم يطفشون ..

المشكلة في المصيبيح
هو اللي عقد اللعيبة تعقيد

الله يهديه

يراجل وربي المصيبيح مريض نفسي

ابو اثنين والتيماوي وتركي الصويلح والعويران جننهم وربي جننهم تجنين
عاد الجمعان يشتكي من المصيبيح
من زمان وابو يعقوب يشتكي كلهم ماحد يحب المصيبيح الا ؟؟؟؟؟

والله المصيبيح ما يدري وين هي هابه

<<<الله يهديه

طيب دامك كتبت اللي بالاحمر كان سمعت عذره بعدين كتبت موضوعك هذا


ولا علطول ماتصدقون زله على المحارب !!!


وبعدين تقارن الجمعان بعزيز

االجمعان منتهي اذا كان دخل التادي وهو سكران بتقارنه بعزيز !

إقتباس الرسالة الأصلية كتبت بواسطة زعيم زعيم زعيم الله يهديه .. عربجي ومايبطل حركاته .. انا ابي افهم يعني وين رايح ؟؟ وش عنده ؟؟ مع اني حاس ان المصيبيح مطلع ريحتهم ويعاملهم معاملة أطفال ويخليهم يطفشون ..

عشانه طلع من المعسكر وماتدري هل الرجل عنده عذر او لا حطيته عربجي ومايبطل حركاته ّّ!!!


قلي اي حركات اللي تتكلم عنها !!!

مانذكر الى سفره للبحرين هذي الزله الوحيده له

وتقول حركات وعربجه ومادري وشو سبحان الله

الغايب عذره معاه

غريبه بس الي ظاهر انه مقفل جواله واكيد اذا قال للمصيبيح اني بروح لان اهلي تعبانين موب قايل معصي


عموماا الله يستر على خالد والله ياجمااعه من اهم الاعبين في الهلال اتمنى ان لاتطاله عقوبه تحرمناا من ابدااعاات

يعطيك العافيه أخوي
وبالتوفيق لعزيز مع المنتخب والزعيم

إقتباس االجمعان منتهي اذا كان دخل التادي وهو سكران بتقارنه بعزيز !

اسغفر الله العظيم لا تقذف احد بدون دليل

استغفر ربك

....
...
..
.

اصلا انا متوقع هذا الشيء .. يعني مو لهالدرجه خالد عزيز غبـي ويخرج من معسكر المنتخب من غير سبب مقنع ..

أكيد انه تعلم من خطأ الخروج من معسكر نهائـي الدوري .. بعدين هذا منتخب والمنتخب يفرق عن النادي .. النادي يمكن يمشيها بس المنتخب اكيد لا ..

وخالد أكثر لاعب شارك مع المنتخب والنادي هو وسعود كريري .. يعني لو يبي يسحب كان سحب من زمان ..