:وليه ماتكلمتي؟
:يووه يايمه لا تكبرين السالفه..كنت بقوول لاابوي واخواني لما يطلعوون يصلون الفجر بس النوم سلطان وغفت عيني ..
:عسى مايذبحنا ابووك لا درى ان البنت والده من امس..وتونا نحكي..
ســارة:يمه تونا الصبــح ..يعني مـاصار شي ووقت الزياره اكيد العصر بنقولها كنا ناوين نجيك من اول مادرينـا بس الزياره ممنوعه..
أم نـاصر:ولو سالنا ليش مااتصلتوووا؟!
ســارة:يمه..ناااصر وديما حليوين مب قايلين شي..
:صباح الخير..وش فيكم؟شكل النقااش بينكم حاامي..
*قامت سارة وحبت راس ابوهـا
سـارة:هلا يبه صباح النووور والسروور..كيف اصبحت.؟.
أبو ناصر:باجمل حال الله يجمل حالك...
*وجلس ابو ناصر معاهم حول الطاوله يشاركهم الفطووور..
أبو ناصر:أجل وين الدحمي وفهدان؟!
أم ناصر:الحين جاين يبدلون هدوهمهم بس..
ســارة:الا صحيح يبه عالبركه عروسة نـــاصر..
أبو ناصر"وفوق راسه علامات الاستفهام":عروووسه نااصر؟
ســـارة:ايه يبه ديما ولدت امس..!!
ابو ناصر:ولـــــيه توك تحكين الله يهديــــــــك؟!!!!!!
ســـارة"رفعت كتوفها يعني زيكم لما تقولون مدري"
أبـــو نــاصر:قوومي جيبي جوالي من غرفتنا بسرعه..
ســــارة:ان شاء الله"وراحت تركـــــض"
......وطاحت..!!
ام ناصر"وهي تقوم من الكرسي بسرعه":بسم الله على بنيتي..""ويووم وصلت لساره الي وقفت..!!""
قالت:وش فيك بسم الله عليك؟
ســـارة"وهي معصبه":الله ياخذهم هم ومرايّلهم المفروض مايخلونها طويــــلة..!!
أم ناصر"وهي كاتمه الضحكة":انت الله يهديك رجه..
ساره:الله يسامحك..بروح اجيب جوال ابوي لايكفخني..
*ورقت سارة لغرفة امها وابوها وخذت الجوال وسكرت الباب وصادف تسكير الباب خروج اخوانها من غرفتهم..
فـــهد:اعترفي وش كنتي تسرقين من الغرفة؟
عبدالرحمن:او او حرررراميه..
ســـارة:مب رايقة لكم انا صرت عمه!!"ونزلت عند ابووها"
فهـد:الي التفت لعبدالرحمن":وش السالفه؟
عبدالرحمن:لما تعرفها بلغني..!!
فهد:خخخخخ اسف نسيت انك الدحمي
عبدالرحمن:سهلا واهلا..
فهـــد:اقــول يللا..اكيد ابوي بيقولنا عن كل شي..!!
=-=-=-=-=-=-=
فالبارت الجاي رااح نسدح لكم البطاقات الشخصيه لابو ناصر وامه وفهد والدحمي