برد برد برد بــــــــــــــــــــــــرد ياناس يا اخوان هل تعتقدون ان توقيت المباريات في دورة الخليج فيه مشقة على الجماهير فهل من المعقول ان يخرج اهل الرياض الى منطقه مفتوحه ((بر)) لحظور مباريات المنتخب في هذا الجو البارد جدا جدا جدا ((الناس وهم في بيوتهم ميتين من البرد )) وش لون في الملعب وسلامي .......... |
يا حبيبي انا من الدمام وبحضرها وترى لو ثلج بحضرها بحضرها اذا انت تقول برد اجل اللاعبيين مساكيين وش يقولون والله الي بيقعد يتفرج وهو ساكت اكييد بيبرد اما الي بيصارخ ويشجع هذا ما اظن انه بيبرد بس تكفى اخوي هلا هلالي احضرها لانها كل كم سنة تجينا كل 12 سنة اذا البرد بيخليك تتنازل عن منتخب بلدك وش بيقولون المشعيين في الدول الخلييجية |
شكرا اخوي على الرد وانا لم اكتب هذا الموضوع الا لأنني سأكون من اول الحاضريين في الملعب وبصارخ لين تتطلع (بلاعيمي)) بس ترى البرد الذي اتى لرياض هذي السنه ((مرعب)) فلم نشهده منذ سنوات وراح تجي وتحس فيه بنفسك واح تعذرني ويخسى البرد((ولو كان ثلج)) انه يخليني اتقاعس عن نداء الوطن وشكرا مره ثانيه على اهتماك وتسلمون يا اهل الدمام على حضوركم وسلامي........ |
اقامتها في عز الصيف اهون من هالوقت |
في اختراااع اسمه جاكيتات وارجوكم الحضور الحضور هذا المنتخب مو اي منتخب هذا منتخب الكويت تحياتي لكم : اخوكم / نايف |
مشكور اخوي هلا هلالي على شعورك الرائع وترى انا من اهل الرياض بس ساكن في الدمام للدراسة ومكلم اهلي وقالولي برد بس زي ما قلت ويخسى البرد((ولو كان ثلج)) انه يخليني اتقاعس عن نداء الوطن ومشكور يا الغالي،،،، |
هل تستطيع ان تحضر مباراة في الواحدة ظهرا وفي عز الصيف مستحيل نفس الشيء ينطبق على لقاء الافتتاح |
ايه احضرها ليش لا الملعب بيكون مظلل ليش لا بعدين المشروبات موجودة بعدين ما قد صارت في الظهر لأن الحر عندنا اشد من البرد |
الحر بامكانك تتحمله وتمشي حالك لكن البرد صعب |
ياخوان البرد حله بسيط البس ثلاث فنايل وسروالين وجاكيت وخلاص. |
يااخوان فيه اختراع اسمه فروه ........ وتلطم والله ان تنسى البرد ..... وانا من القصيم مااعتقد ان الرياض ابرد من عندنا ولكن اول من بيجي للمباراة انا ان شاء الله......... |
البرد حله انك تلبس زين لاكن الحر مااعتقد الي يخاف من البرد يلبس زين والله اني خايف من جمهور الرياض اتوقع مايجي 20 الف يمكن انهم يتابعون مسلسل ولا شي :) |
والله قهر إذا كان البرد هو اللي يخليكم ماتحضرون للمباراة... وش دعوة يعني بزران تخافون من البرد؟؟ اللي راح يشجع صدقوني راح ينسى شي اسمه برد.. |
بصراحة انا مع اخوي الفن كله سامي فيه اختراع اسمه جكيتات وعلى فكره ياشباب الساعة كم يفتحون الملعب لأني اول مرة بجي مبكر مررررررررة بخربها لعيون المنتخب لا وراشد بيغني في الأفتتاح ايه هين ان ما جيت |
بعد الزيادة الأخيرة في أسعار التذاكر سطرووووووووووووووووووووووووني إذا شفتوا حضور جماهيري يتناسب مع أهمية الدورة |
الوقت المعتمد في المنتدى بتوقيت جرينتش +3.
الوقت الان » 04:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd