|
▓█ إحلف بالنبـــــــــي ولا تحلف بالله ▓█ السلام عليكم ورحمه الله وبركاته صباح الخير / مساء الخير على حسب القارئ الكريم :d قبل ما أبدأ بموضوعي عن الحلف ، حبيت أنوه على موضوعي السـابق ( العجوز الشمطاء تتحدث ) ، وبعضكم إستغرب ليه ما رديت على الردود. السبب أن الموضوع طلع من يدي :d لأن أغلبية الردود كانت تتهجم على الكاتبة وما كان قصدي التهجم على الكاتبة ، والأعضاء تركوا الفكرة اللي حبيت أوصلها اللي هي ( إن جميع المحاربين للدين لا يردون على أيه أسئله بغير مجال تخصصهم كالطب مثلا ، أما بالدين فتجدهم يفتون بدون علم ). _________________________________________________ أرجع لموضوعي الأساسي ، وهي قصتي مع حلاق :d : قبل ثلاث سنوات كنت أعمل بوظيفة تتطلب مني التنقل ما بين الرياض وجدة ، ولما أكون بجدة تنقلب حياتي فوق تحت ( حياة عزوبي :d ). وكان الداوم شفتات 24 ساعة على 24 ساعه ، والوقت الوحيد اللي الموظف يستغل فيه وقته بالتلاعب والخروج من الدوام وفي رواية ( الفختة ) هو وقت المساء من 3 العصر إلى 11 بالليل ، وطبعا كل الموظفين بوقت العصر يستغلون عدم وجود مدراء الأقسام بالخروج من الدوام للغداء أو التسدح بالسكن إلى أن يجي وقت المغرب ( طبعا أنا سعودي مع السعوديين ولازم أستغل الأوقات هذي :d ). بعد الإفتتاحية لحياة العزوبية الفاشلة أدخل بالموضوع : بيوم من الأيام ، كنت مداوم فتره المساء ، وطلعت مع زميلي بالدوام علشان نتغدى في مطعم البيك ، وقلت له نزلني قبل المطعم علشان بحلق وبجيك مشي. دخلت سوق بحي الخالدية قريب لمطعم البيك ومالقيت إلا حلاق واحد ، ولما فتحت الباب شفت اللي قدامي شخص كبير ، ضخم الجثة ، عريض المنكبين ( عليه يد لو صفق كافر أسلم :d ). بعد ماسلمت رد علي الحلاق السلام وعرفت إنه من أحد الجنسيات العربية المعروفة بكثرة الكلام :d. * نبذة مختصرة عن الجنسية العربية هذي : يعرفون جميع العلوم بالحياة ( جيلوجيا ، علوم الذرة ، فيزياء ، كيمياء ، تاريخ ........ إلخ ) إنت إسأله بس وبتتورط حتى لو كان سباك يجاوبك :d. أنا وقفت عند الباب لفتره خمسة ثواني متردد أدخل أو لا ( المشكلة أنا مجبور إني أحلق عنده ما معي سيارة والوقت ما يسمح إني أتشرط :d ). دخلت وقلت بنفسي ما راح أفتح له المجال للكلام ، بعد ما بدأ يحلق ، وهو ساكت وأنا ساكت ، والصمت يعم المحل. قبل ما يخلص أنا ما أدري وش اللي لقفني وخلاني أقطع الوعد اللي أخذته على نفسي ، وسألته عن قيمة إيجار المحل :d. كأني شغلت راديو ، بس الفرق بين الجنسية هذي والراديو ، إن الراديو تقدر تطفيه :d. جلس يتكلم عن نفسه ، وعن مهاراته بالحلاقة ، وإن رجال الأعمال اللي بجدة يرسلون له سيارة شخصيا علشان تآخذه :shocking:. أنا طبعا كبر رآسي من الكلام اللي أسمعه ( وطبعا كل ما كبر راسي ، زادت قيمة الحلاقة ، يعني بيطلع حسابي على حلاقة الراس 75 ريال :d ). هو يتكلم وأنا ألوم بنفسي ( ليه سألته ، ليه تكلمت :uhoh::uhoh: ) ، لحد ما سمعته يقول ( والنبي :d ) ، أنا إلتفت عليه وسألته بإستغراب. قلت له : أنا ملاحظ عليكم ما تحلفون إلا بالرسول عليه الصلاه والسلام ، إنت ما تدري إن الحلف بغير الله حرام. رد علي وقال : الله سبحانه وتعالى يقول ( ولا تجعلوا الله عرضه لأيمانكم ):eek:. أنا عصبت وتنرفزت وإشرئبت نفسي ( ما أدري ترا وش معنى إشرئبت نفسي بس تجي كنايةعن العصبية :d ). قلت له وأنا معصب : والله سبحانه وتعالى يقول ( ولا تشركوا ). هو سكت وأنا سكت وعم الصمت من جديد لحد ما طلعت من المحل . ما يستفاد من القصة: 1- حاول إنك ما تسأل أيه سؤال لإخوانا العرب اللي أقصدهم وخلص شغلك معه بصمت علشان ما تبلش :d. 2- لا تضغط نفسك وتخلص ألف شغله بوقت واحد علشان ما تتورط :d. 3- إذا إشرئبت نفسك ( إذكر الله ) :d. |
ياهلآ واللهـ بمواصل مادري ليش إذا شفت اسمكـ أو موضوع من مواضيعكـ أتذكرت هالسمايل >>> :d إقتباس:
لآزم هالتحيهـ بكل مواضيعكـ شكلي بسرقها منكـ :d إقتباس:
إقتباس:
اييييهـ واللهـ أنكـ جبتهااااا كثرة الكلآم والمشكلهـ مايتعبوون :rolleyes::d مدرستنا بالمدرسهـ من هالجنسيهـ واحياناً ماتعطينا درس تقلب الحصهـ سوالف :d إقتباس:
إقتباس:
إقتباس:
بس صراحهـ استغفر اللهـ الحلف بالنبي هذا زي مانقول حنا ((والله)) :rolleyes: اللهـ يهديهم ولآيبلآنا .... عوآآآآآآآآفي ياموااااصل ...:) |
وعليكم السلام ورحمة الله وبركاته..!! هلا فيك أخوي مواصل ..!! انا اشرئبت نفسي يوم سمعت قصتك ..!! لكن والله عجبتني ..بقولة ولا تشركوا .. وإن شاء الله ..ماراح أتكلم مع احد بعد قصك ..<<< أصلا مايقدر يصبر ..:d يعطيك العافية ..:) |
وعيكم السلام ورحمة الله وبركاته صبااااح الور واليااااسمين .. الله يرجك انت وقصتك بس ابي اقووولك شي ولاتنساه دايم ترى اتطفل بعض الاحيااان ماهو زييييييين مشكوووووووووور مواصل بس اقول شي بس ماتزعل ياليته اضربك بيده ضربه تنسيك امك وابوووك ههههههههههههه <<<<<<< البنت غاويه مشااااكل يعطيك العافيه ...... |
وعليكم السلام ورحمة الله وبركاته في البداية أنا أستغربت إنك ما رديت على الردود في موضوعك السابق قلت شكل الردود واجد والأخ كسلان :d ـــــــــــــــــــــــــــــــــــــــــــــــ بالنسبة للمصاريا وهذرتهم أنا حصل معي موقف مع مؤذن المسجد مرة من المراريت بعد صلاة العصر لقيت المؤذن جالس في الأخير ( ورى الصفوف ) عاد مريت أسلم عليه وهو يعرف أخوي قالي اجلس وقام يسولف عن المدارس في مصر وعن الجيش قالي في مصر جيش ابن كلب :d وما خلاني أقوم إلا بعد نص ساعة عاد أنا صرت أتجنب أسلم عليه مشكور على الموضوع |
:d إقتباس:
الظاهر لي انه من جمهورية مصر بس مهوب من مصر :d والله شف بالنسبه للحلف بالنبي فالمصري سكتك :d ابو ابو ابوه من وين جاب التصريفه هذي :d خذها عبره ودرس لا تتكلم مع مصري ترا يدخلك مع اذنه ويطلعك من خشمه :d |
وعليكم السلام ورحمه الله وبركاته الله يهديهم بس قال الرسول صلى الله عليه وسلم(وهل يكب الناس على وجوههم الا حصائد السنتهم) بعضهم يتكلم من غير حساب للكلام اللي يقول وخصوصا بالحلف لان الحلف بغير الخالق عز وجل شرك والعياذ بالله قال الرسول صلى الله عليه وسلم :"من حلف بغير الله فقد كفر أو أشرك". جزاك الله خير عالموضوع... |
مواصل يا أبو مخ فاصل .. كيف الحال؟ :D ما شاء الله عليك .. أصابعك تكتب حكم :D الله يعطيك العافية على الموضوع الظريف اللطيف ..!! ويا رب تطيح لك بمدير من هالجنسية ويقعد يتفلسف عليك مع كل صبحية :D <<<<< نذل :D تقبل تحياتي يا أبو مخ فاصل :) |
الله يعين ياعليهم شلخ واحد تحديته على اقوى شلخه قلت ميده ابوي بكره بيشتري بورش قال : والنبي ابوي بيشتر تياره ><<<<<< يعني طياره |
إقتباس:
احسك اخر مره بتتوب معد بتكلم الحنسيات العربيه عندى احساس انهم مصاريه مدرى ليش:d:d |
هههههههههههههههههههههههههههههههه مدري ليش كل ما شفت مصريتذكرتك ههههههههههههههه |
يعطيك العافية و راجع حالا ______________________________________________ رجعت ابشرك :d إقتباس:
و للأسف محد فاهمك في مواضيعك :d الحمد لله إني ما رديت بس إقتباس:
قلت له : أنا ملاحظ عليكم ما تحلفون إلا بالرسول عليه الصلاه والسلام ، إنت ما تدري إن الحلف بغير الله حرام. رد علي وقال : الله سبحانه وتعالى يقول ( ولا تجعلوا الله عرضه لأيمانكم ):eek:. أنا عصبت وتنرفزت وإشرئبت نفسي ( ما أدري ترا وش معنى إشرئبت نفسي بس تجي كنايةعن العصبية :d ). قلت له وأنا معصب : والله سبحانه وتعالى يقول ( ولا تشركوا ). هو سكت وأنا سكت وعم الصمت من جديد لحد ما طلعت من المحل . [/quote] عادي ليش معصب :d أذكر مدرب التنس السابق كان يسمع أغاني و قلنا له يا اخي الأغاني حرام قال بوص يا عم دهوا الأغاني مش كلها كلها حرام دي يا ما أغاني كانت حلال لمقرد أنها تعبير صادأ للنفس ما شاء الله عليهم مفتينهم في كل زاوية الله يهديهم بس و يهدي الجميع إقتباس:
5- إن ما عندك سالفة :d <<< أمزح بس فيه سؤال محيرن إقتباس:
في أمان الله و يعافيك ربي s13s |
وعليكم السلام ورحمة الله وبركاته .. صباح الفل واليامسين مواصل .. هــلا فيك .. نورت المجلس .. اول شي الله يكون بعونك في الوظيفه اللي تلزمك السفر لمدينتين :sick: .. الشي الثاني حبكت تحلق هالفتره .. اجل الحلاقه حتى اشعار آخر.. :wink: الشي الثالث للاسف ان اخواننا العرب من الجنسيه اللي وصفتها كل ايمانهم وحلفهم بغير الله . واكثرها بالنبي صلى الله عليه وسلم .. وهذا شرك .. وجزاك الله خير انك نبهته .. إقتباس:
لك الف شكر لك الموضوع ... تقبل فائق احترامي .. دمت بخير |
إقتباس:
نسيت الفايدة الرابعة لاتنحاش من الدوام عشان مايجيك واحد من الجنسية المقصودة :D |
وعليكم السلام دخلت الموضوع وانا اقول وش جاه ذا الظاهر انه ...مصري :d بالنسبه للاخوان اللي من الجنسيه المقصوده خذ وخل من كلامهم يعني لو يقولك ان صلاح الدين ولد عمه لا تستغرب :eek: مشكووور ع الفوائد :) تحيــــ لك ــــــاتي |
| الوقت المعتمد في المنتدى بتوقيت جرينتش +3.
الوقت الان » 10:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd