هلا بك أخوي أبو ريمان كلماتك مثل البلسم على الجرح
أهنيك على هالموضوع القيم وارفع القبعة احتراماً لك أستاذي الفاضل ..
بالنسبه للموقفين الأول والثاني الظروف متشابهه والرابط بينهم الواسطة
وفي هالزمن اللي ماعنده واسطة ماراح يعيش وطبعاً هالواسطة فووق الجميع
تقدم البليد وتأخر المجتهد وهذا أمر تعودنا وتعايشنا عليه .. وبناتنا صاروا
ضحايا للمعلمات المتعاقدات مع أن بناتنا أولى بمدارسنا وهالمتعاقدات مو أحسن
من بناتنا في التعليم لكن للظروف أحكام وتعب تعب مع وزير التعليم العالي .!!
وفي المستشفيات ماراح يعالجونك الا بواسطة من وزير الصحة والبنادول
مايصرف الا بواسطة
يعني عالج نفسك بنفسك ويمدحون الكوي
والا مالك الا انك تدفع من دم قلبك على علاجك وفي مستشفيات خاصة
عشان يحطونك فوق رؤوسهم .. والا سنع نفسك والبس البشت والله يخلي شيوخنا
والمشكلة العظمى من هالبطانة الغير صالحة هي اللي ضيعت الشعب
وماهي كفو للأمانة اللي أعطيت لهم من ولي أمرنا الله يطول بعمره ..
والموقف الثالث بنتعب وحنا نتكلم عنه لاحياة لمن تنادي الأغلبية صابهم الفقر
الله يجيرنا وياهم والسبب البطانة الغير صالحة .. وزير التجارة لايبالي للي يصير
لأنه مستفيد من هالقصة .. ويعتقد أن الأمور يتمشي على كذا طول السنين
لكن مصيره بيندثر مثل سابقيه من الغير صالحين .
| إقتباس | | | | | | | | | تعـــب .... تعـــب !!
يا ملك دولة تخاف في شعبها الله ، الله يعينك و يرزقك بطانة صالحة تخاف فينا الله ، نحبك و تعلمنا من والدينا و علمائنا ندعي لك الله ، نحبك و على حبنا لك يشهد الله . | | | | | |
الله يطول بعمره انشهد أنه ماقصر .. والله يرزقه البطانة (الصالحة ) ويخليه لشعبه وأملنا في الله ثم بأبو متعب كبير
ومشكور أخوي أبو ريمان .. وموضوعك يتعب .. يتعب
ولاهنت ياغالي .. ودمت بوود وعافيه ..
الغدير الأرزق ..