تخيل :الدنيا فوضى لمده ساعه كامله بالظبط - نادي الهلال السعودي - شبكة الزعيم

ابو طـــــلال · #1 02/09/2007, 06:27 PM

السلام عليكم ورحمة الله وبركاته

اعضاء منتدى الزعيم الكرام .. تحيه عطره

تخيل الفوضى بكل ماتعنيه الكلمه من معاني ... فوضى لمدة ساعه .. لاتوجد انظمه .. لامرور .. لاشرطه .. لاقواعد .. لاقوانين ... لااحكام ولااي شي ..لاعادات .. لاتقاليد ... فوضى يعني فوضى .. لمدة ساعه فقط .. بعدها يرجع النظام والتنظيم وكل مااختفى يعود من جديد ...

في هالساعه الفوضويه وش تتمنى تسويه .. او وش اول شي تفكر فيه ...

دعوه للجميع .. وكلن يدلوو بدلوووه

مع انتظار تفاعلكم وتعليقاتكم ... خلونا نشوف كل شخص وش اللى بداخله واللى راده النظام والاحكام وبصراحه

تحيات اخوكم الصغير ابو طلال

للأمانه هذا الموضوع غير منــقول

الهلالي الثقفي · #2 02/09/2007, 06:30 PM

هلا و الغلا

أبو طـــــلال

الحمد لله على سلامتك و تو ما عاد النظام للمنتدى

إقتباس


	لاتوجد انظمه .. لامرور .. لاشرطه .. لاقواعد .. لاقوانين ... لااحكام ولااي شي ..لاعادات .. لاتقاليد ... فوضى يعني فوضى

ليش أحنا كيف عايشين

ههههههههههههههههههههههه

إقتباس


	في هالساعه الفوضويه وش تتمنى تسويه .. او وش اول شي تفكر فيه

راح أطبق النظام على النظام

بأبدأ بالبنك عندنا و أسحب مبلغ و قدره

و أكتب حقل الغوار بأسمي

و أسجل كاكا و جيرارد و جون تيري بالهلال

و أخرج المساجين و أدخل بدالهم وزير التجارة و العمل و ووووو

هههههههههههههههههه

الصدق الصدق

لو يحصل هالشي

ماراح أصدق

هههههههههههه

راح أثبت مواضيعك كلها يا أبو طلال و أعطيك الاشراف

و أهم شي عندي يتوظفون الشباب و يتعين الخريجين

و ينزوجوا البنات

و مشكور على موضوعك الحلو

و سلم لي على الغلا طلو

و شكراً

عاشقة الزعيم15 · #3 02/09/2007, 06:37 PM

^^
^
جاري كتابه الرد <<< ماتقلد احد
اول شي افكر فيه اقوم اصفق الحكم اللي لغالنا قول قبل شوي

بروح اكمل المباراه ولي عودة
سلام

هلاليه@ميلانيه · #4 02/09/2007, 06:39 PM

وعليكم السلآم ورحمة اللهـ وبركاتهـ ,,

ياهلآ واللهـ وغلآ بأبو طـــــلال

من زمااااااااان عن مواضيعكـ واللهـ غبت غيبهـ عسى ماشر ؟؟

نجي للموضوع :

واللهـ أتوقع أني بسووي أشياء كثيييييييرهـ

يمكن أرووح أدخل الملعب

وأسوق السيارهـ مع أني ضد قيادة المرأهـ للسيارهـ بس بخربها في ذا الساعهـ

وكل شي كان ممنوع بسوويهـ

يعني الي يعجبني

صراحهـ موضوع خطيييير يابوطلوو يعطيكـ العافيهـ ...

تحيات أختكـ الصغيرهـ يعني أنت صغير بس أنا أصغر منكـ

هلاليه@ميلانيه

د.هلالية · #5 02/09/2007, 06:50 PM

أحضر مباراة للهلال ,,

فتاة الهلال · #6 02/09/2007, 06:52 PM

اسوي الي مااحد سواه

وش اسوي

اسوق سياره واسوق سياره بوووورش كشف (مفتوحه من فوق)

وعباتي يداعبها الهواء

ولا اقولك خلي نسمات الهواء تحرك خصلات شعري >>>ماني لابسه عباة

>>>خلها بالقوانين ازين ترا اخرب الدنيا

تســـــــــــــلم يااخونا الصغير بو طلال على هيك موضوع

Hictar · #7 02/09/2007, 06:54 PM

ما شاء الله ابوطلال رجع للمجلس ، ومع رجعته حيا المجلس
___________________________________
بصراحه أبوطلال المجلس بدونك ملحق

ولا يهونون الأعضاء والعضوات يستاهلون والله ، بس إنت غير يا أبوطلال

أنا بقولك وش بسوي لو تعم الفوضى

1- سرقه بنك الراجحي

2- سرقه فانتوم كوبيه

3- سرقه مواد غذائيه تعيشني 200 سنه قدام أنا وعيالي وعيال عيالي ( علشان إذا غلت المواد الغذائيه إلا أنا مضبط نفسي )

4- سرقه كروت بنزين لمده 100 سنه قدام

الحقيقه تفكيري كله إجرامي يعني ما أدري وش أخلي ووش أترك

عاشقه المان-رونالدو7 · #8 02/09/2007, 07:08 PM

ساعه ما تكفينى

اولا: ابشلح طياره

ثانيا: ابروح اشوف مباراه المان مع تشيلسى و طبعا نطقهم

سبعه

ثالثا:ابروح احط حرتى فى واحد و اذبحه

ما دام ما فى شرطه توقفنى <<لا تفهمون غلط ابروح احط حرتى فى براون

رابعا:ابروح بطيارتى اللى شلحتها اسبح فى شلاشلات نايجرا

خامسا: ما دام الدنيا فوضى ابروح احط الاولد ترافورد باسمى

الساحـــ10ـــر · #9 02/09/2007, 07:19 PM

وش غير الهجولة نسوي

على طول هجولة لاشرطة ولا شئ الشوارع مفتوحة للجميع

تفحيط في تفحيط

هجولة ي هجولة

888888888888
هذا تفكير الي مهوب عاجبه لا يدخل<<ترا امزح

$ميلاني(فجاة)هلالي$ · #10 02/09/2007, 07:25 PM

هجـــــــــــــــــــــــــــــــــــــــــــــــــــــــــــــول وأحلى فـــــــره وأحلى شيء
تكفى لو تصير كذا
ويعطيك العافيه وترنا نمزح

د.هلالية · #11 02/09/2007, 07:26 PM

إقتباس

الرسالة الأصلية كتبت بواسطة مواصل من عام 1413هـ


	أنا بقولك وش بسوي لو تعم الفوضى 1- سرقه بنك الراجحي 2- سرقه فانتوم كوبيه 3- سرقه مواد غذائيه تعيشني 200 سنه قدام أنا وعيالي وعيال عيالي ( علشان إذا غلت المواد الغذائيه إلا أنا مضبط نفسي ) 4- سرقه كروت بنزين لمده 100 سنه قدام الحقيقه تفكيري كله إجرامي يعني ما أدري وش أخلي ووش أترك