شوفوا سالفة اخوي الشاعر..وجابوا على الأسئله..!! - نادي الهلال السعودي - شبكة الزعيم

عبث طفلة · #1 11/09/2007, 08:02 PM

السلام عليكم ورحمة الله وبركاته...
كيف حالكم وش اخباركم هاه احد سمع ان بكره رمضان ولا لا؟؟
<<انجزي لايجيك طراق

السالفه ومافيها ان عندي اخومبهذلني بكثرة كلامه وقرقرته

>>من شابه اخته فما ظلم

بس عاد هو فيه ميزه انه يلطش في اليوم عشرطعشر بيت شعر ويرطنها علي..

يقال انه يحب الشعر ولاهو وين الدنيا وين أهلها..!!

الموهم كلما طنت عليه وفضى ناداني قال اسمعي اسمعي تكفين ذا البيت توني مألفه قلت تكفى يالمتنبي ولا سعد علوش أقول قم بس قم الله يستر عليك..

بعدين يجي يسردها علي مره وحده أتحداك يعيدها مره ثانيه ولايكثر الأبيات يعني تقريبا اربع ابيات واذا خلص قال هاه قيميني كم تعطيني؟؟

قلت أعطيك تحت الصفر لأن الصفر يخب عليك أنت ووجهك..

لأنه واضح انه مب هو اللي مألفه باين انه زارفها وحافظها..

بس وش وراه لقى من يعطيه خشه انا وخشتي..

وياليتها أشعار على سنع وتستاهل من يلطشها<<يالله تنبلع..

يوم جا ذاك اليوم ولاني جالسه أقرقع على سريره وهه كأني سمعت حس خرفشه
ولاكأن تحتي شئ يخرفش

يوم رفعت المفرش مار ألقى كومة أوراق مقصصه
وملفوزه يوم فتحتها ولاها كلبوها أشعار مزروفه...

قلت اها

وأنا اقول وراه يرطنها علي كأنه ملحوق بس الظاهر يخاف ينسى منها شئ ثمين أكفشه فعشان كذا مايكثر الأبيات...

>>بس صدق من قال فك اثمك*يرزقك الله..

(اثمك:فمك)>>للي مايفهم لهجتي الخاصه

وصار أخونا في الله كلما طق عود حصاة قام يزرف وينسبها لنفسه
>>عاد أقول في نفسي وين الشعراء يشوفونك

ان كان مدري وش بيسون بك
ان كان بتروح في خرايطها وأنا أختك..

بس صراحة مابي اظلمه وياي صحيح انه يلطش عيني عينك وماتعوق معه
بس عليه خمات يجلس يألف فيها أشعار

بس متى

...في السنه حسنه..

وسأوافيكم باخر مستجداته الشعريه وأسدحها عليكم ان شاء الله

بس عساه يطيع..
ساعه اقول لكم السالفه وش عشانه

عشان ابيكم تجاوبن على الأسئله...

والأسئله المطروحه.....
1)ماهو أفضل بيت شعر قرأته او سمعته أو مألفه بنفسك..؟!!
2)من هو أفضل شاعر بالنسبة لك..؟!!

واللي مايدير الشعر ولايدري وش سنعه<<يترزق الله

واللي مايحب الشعر ولايدري وش سالفته

يجاوب على هالسؤال..
1)ماهي حكمتك في الحياة..؟!!
الله الله بالردود السنعه المسنعه ..

ياويل احد يطلع لي خطأ املائي لأن كلها قاصدتها

تحياتي...

هامور البورصه · #2 11/09/2007, 08:09 PM

الله ياليت اخوي شااعر

اقول والله موضوعك كله سوالف

على العموم الله يعطيك العاافيه

وافضل بيت حفظته هو

حب ايه الي انت جاي بتقول عليه ... ابلك الحب يعني الحب ايه

للفنانة القديره الله يرحمها ام كلثوم

حكمتي في الحياة

بيتزا تجمعنا ولا برقر يذل اثنين

قمرليلي · #3 11/09/2007, 08:18 PM

[quote=عبث طفلة;6185048]السلام عليكم ورحمة الله وبركاته...

1)ماهو أفضل بيت شعر قرأته او سمعته أو مألفه بنفسك..؟!!
ياترى تشتاق لي وأنت بعيد ؟!
تبغى قربي مثل مااتمنى لقاكـ ؟!
ياترى حبكـ مثل حبـي يزيد ؟!
ياترى تحتاجني دايم معاكـ ؟!
ودي أسأل خافقكـ هذا السؤال
واعتبر ياسيدي هذا فضول ..
هل صحيح تحبني أو هو خيــال ؟!!
أنشدكـ بالله جاوبنــي وقولffice

ffice" />

هذي أبيات أحسه تتكلم عني في بعض الاوقات موانا كاتبته(ماكل من يضحك من الناس مبسوط ويكثر من يضحك ونفسة حزينة)

2)من هو أفضل شاعر بالنسبة لك..؟!!
الشاعر المبدع(فيصل العدواني)و(محمد بن ساقان)*
أختكم(*قمرليلي*)
ي(*(0اويل احد يطلع لي خطأ املائي لأن كلها قاصدتها ((

الـمـشـاغـب · #4 11/09/2007, 10:48 PM

ماهو أفضل بيت شعر قرأته او سمعته أو مألفه بنفسك..؟!!

يا بنت دوكِ القلب لو تطلبينــــه
................................. تلقين اسمك واضح ٍ بين الأحبـــاب

تلقين قلبٍ مايشيل الضغينـــــــة
................................. قلبٍ على شرواك ما سكر البـــــاب

ماني من اللي بالحسد تعرفينــــه
................................ وماني من اللي لو حكى قيل كـــذاب

عز الله إني ما عرفت النميمــــة
............................... ولا ني من اللي للنشائب بشبــــــــاب

أعفي عن اللي نالني بالشتيمــــة
.............................. من أجل عين ٍ نرخص عيون وأهداب

لأجل الجزيرة والرجال الحشيمة
.............................. ولأجل الخوات اللي لهم قدر وإعجاب

يا بنت هذا القلب كان إنك فهـيمة
.............................. ولا ترا ما بيننا خط وكتــــــــــــــــاب

2)من هو أفضل شاعر بالنسبة لك..؟!!

شعراء كثر .. ضيدان بن قضعان - ابن الذيب - ابن فطيس - ابن عبيان..!!

<<----

1)ماهي حكمتك في الحياة..؟!!

لو حسبنا حساب العصافير ما زرعنا الدخن ..!!

عوافي أختي عبث طفلة .. وسلمي لي على أخوك الشاعر الحرامي

وأنا رديت هنا عشان أعزيك على الخروج المبكر من البطولة بعد مقابلة فريق الغريب والسامي

عبث طفلة · #5 11/09/2007, 10:55 PM

إقتباس


	الله ياليت اخوي شااعر

شاعر صدقي موشاعر لاطوش

وان كانه على التمني وسعة الصدر ياليتني انا شاعره

إقتباس


	حب ايه الي انت جاي بتقول عليه ... ابلك الحب يعني الحب ايه

ذكرتني بذيك احبك حبة حب من حب الأحباب.......الموهم ماأذكرها نصا ولكن كلها احبك وحبيتك..

إقتباس


	للفنانة القديره الله يرحمها ام كلثوم

الله يالدنيا...

إقتباس


	بيتزا تجمعنا ولا برقر يذل اثنين

ههههههههههه

حكمتك مب صاحيه

ومشكوووووور اخوي هويمير

إقتباس


	ماكل من يضحك من الناس مبسوط ويكثر من يضحك ونفسة حزينة)

راااااااااااااائعه وشاكرة لك اختي قمر

...

عبث طفلة · #6 11/09/2007, 11:06 PM

اخوي المشاغب شعرك راااااااااائع ...

ومن شعرائك ماأعرف الا ضيدان ...

إقتباس


	عوافي أختي عبث طفلة .. وسلمي لي على أخوك الشاعر الحرامي

الله يعافيك اخوي ..
بوريهياه ذا الفاقوش...

إقتباس


	وأنا رديت هنا عشان أعزيك على الخروج المبكر من البطولة بعد مقابلة فريق الغريب والسامي

لي عوده في كلامك هذا بس اصبر علي شوي وانا اختك

عازفة الناي · #7 12/09/2007, 02:48 AM

هاي عبووووث

<<احلى دلع

قصه اخوتتس قديمه

<<احلفي
وصلتني حكاويتس من وكاله الـ ري ري الاخباريه

وضحكت الين قلت لها حسبي الله على ابليستس

فردت متهجمه:وجعن يوجعتس وش دخل ابليسي..اجل تدعين عليه

قلت:اي رمضان جاي والدعاء مستجاب

نعووووووووووووود لموضوعتس
او بالاصح اسئله موضوعتس

1)ماهو أفضل بيت شعر قرأته او سمعته أو مألفه بنفسك..؟!!

ضاقت فلما استحكمت حلقاتها . . . .فرجت و كنت أظنها لا تفرج

<<مدري هو تسذا ولا لا
والله ناسيه بس دايم اردده
<<مدري كيف تركب ناسيته ودايم تردده

2)من هو أفضل شاعر بالنسبة لك..؟!!
كل من يقول قصيده صادقه .. وجميله..هو شاعر مفضل لدي

بس فيه شعراء اتابعهم بإستمرار
زي
حامد زيد-فهد المساعد-عبدالرحمن بن مساعد_فيصل اليامي_ربيع القلب_سعد علوش
وكم واحد نسيت اسمائهم

يلا C y

عزفزف

فهد عاشق البرسا · #8 12/09/2007, 03:01 AM

إقتباس


	حب ايه الي انت جاي بتقول عليه ... ابلك الحب يعني الحب ايه

لا ياهمور ماهكذا تورد الأبل

حب ايه الي انتا جاي تقول عليه .... منت عارف ابلَ معنا الحب ايه

1)ماهو أفضل بيت شعر قرأته او سمعته أو مألفه بنفسك..؟!!

ما اقدر احدد بالضبط بس فيه بيتين عسل في توقيعي افضلهن..

2)من هو أفضل شاعر بالنسبة لك..؟!!
نزار قباني يئبر البي

" عيناك كنهري احزاني ، نهري موسيقى حملاني ، لوراء وراء الأزمان ، نهري موسيقى قد ضاعا سيدتي ثم أضاعاني "

اتحيبني بعد الذي كانا ،، اني احبك رغم ماكانا
ماضيكِ لا انوي اثارتها ،، حسبي انكِ ها هنا الأنا
تتبسميــــــــــــــــــن ،، وتمسكين يـــــــــدي
فيصبح شكي فيكي ايمانا

عذرا ع الأطاله
وشكرا ع الموضوع

الهنوووف · #9 12/09/2007, 03:15 AM

وعليكم السلام ورحمة الله وبركاتة

الحمد لله بخيرر نزقح

وشخبارتس انتي

اخوتس يذكرني بولد خالتي

يحب يعطيك شعر على الطاير بس خرابيط طبعاا
يجيب اسم ويكمل عليه
يعني يقول الهنووووف ...........الخ

1)ماهو أفضل بيت شعر قرأته او سمعته أو مألفه بنفسك..؟!!
والله كثير تعجبني قصايد او ابيات تعجبني ودايم اقتبس بعض العبارات مدري هي اصلا قصيده او مجرد عبارات

ولو بكتب الي يعجبني ماراح اخلص

تبكينا ظروف الوقت واحنا في زمان ابكمغموض لف عالمنا وكل اللي حواليناانا مبكي غموض الوقتانا ابكي مرار الهمانا مدري هي الايام ولا فعلايديناانا مقدر اقول الا تكفى يا زمن ارحم

انا انسان مع نفسي قبل اكون معك انسان

الخ

يا كثر أحس بك مني وبي منك"=" روح قسمها على شخصين مولاها

ffice

ffice" />هذا بيت من قصيدة الجمهرة القصيده كلها روعه بس هالبيت يعجبني

شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

وهذي القصيده

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب
قلطتهم صدري على ذكري قصيد وحنجره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره
والله ماحطيت بين الحقد والخوه حجاب
حتى غدوا ربعي يحدوني على الضيق أشكره
البارحه ثارت علي رقاب وأوتني رقاب
البارحه ياثقل دم البارح ويامحقره
أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
لابارك الله في رفيق ٍ تزعله كلمت عتاب
ولاجمع الله الرجال اللي تفرقهم مره
عو ّدت نفسي كل ماشددت لليمّه ركاب
مأصد وجهي عن طموح (طريق) إلا لياجبت خبره
الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي بـ أهجره
من يفتح لفرقاي باب أفك له عشرين باب
وأذا خويي مايقدر خوتي ما أقدره
أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
شفني (انا) جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره
ماكنت أحاتيهم صغيّير ..عاد أحاتيهم شباب
اما ذخرني صاحبي لليوم الاسود مااذخره (الصاحب اللي ما أذخره لليوم الأسود ما أذخره)
عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
انا تجرعت الظما لين أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالم ٍ ماتستحق المغفره
انا أكثر (أنسان ٍ ) تعلم من كثر ماأخطأ وصاب
انا أخر (لسان) يتكلم في زمان الثرثره
انا القصيد اللي نزع من دفتره مليون ناب
وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب
دمعي هدر، ضحكي ندر، عمري وضيعت أكثره
شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني (حوليني ) ذياب
ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره
في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره

2)من هو أفضل شاعر بالنسبة لك..؟!!
ماركز على شاعر معين

القصيدة الي تعجبني اسمعهاا
فيه بعض الشعراء يمكن افضلهم
حامد زيد فيصل اليامي سعد علوش عبدالرحمن بن مساعد
نسيت الباقي

يعطيك العافيه

الهنوووف

كانت

هنا
ورحلت

ea32 · #10 12/09/2007, 03:33 AM

اناا من النووع الثااني اللي ماا لي في الشعر شي..
بس حكمتي في الحيااه اسمعوواا وتعلمووا

......
ادا لم تكن في جميع الأموور ذا عزيمه..فاليووم ماا عندك ماا عند جدتي...ورقصني ياا قداااااااااااع.....

لالا الجد...
رووح بعيد ورجع ساالم<<<امحق حكمه بس تمشي الحاال

هاا وش راايك في الرد الخزعبلي

لالا

مَاهِينُورْ · #11 12/09/2007, 03:41 AM

هلا وغلا عبث طفلة ..
وعليكم السلام ورحمة الله وبركاته ..
ما شاء الله أخوتس شاعر طيب ليش تحطمينه ورا ماتشجعينه بالعكس ممكن يرفع روسكم بعدين

أجل انا عندي احساس ان اخوي وأختي بيطلعون شعراء عشان كذا دايم احاول اشجعهم بس ماطلع معهم الا بيتين

:: ، ::
أما عن اسلتتس فمالي بالشعر عشان كذا بروح اترزق الله

بس بحاول أجاوب ..
# ماهو أفضل بيت شعر قرأته او سمعته أو مألفه بنفسك..؟!!
# من هو أفضل شاعر بالنسبة لك..؟!!
شعر الوالد وجدي

<< ترا ماتهرب الاجابه

..
لا والله كثير تعجبني أبيات بس ما أحفظ ولا أتذكر شي

:: ، ::
# ماهي حكمتك في الحياة ؟؟
هاه .. مادري

ماعندي اجابة

والله مافي حكمة اسير عليَه بحياتي ،،
الا كما قيل اعمل لآخرتك كأنك تموت غدا واعمل لدنياك كأنك تعيش ابدا << مادري صح ولا لا

الله يرحمنا برحمته ويغفر لنا ..
:: ، ::
عوافي عبث طفلة ..
واعذرين على ردي الي مدري كيف جا بس تجوزلي مواضيعك وحبيت أشارك

........................

بنت الزعيـــــم · #12 12/09/2007, 03:45 AM

اول شي يعيطك العافية على الموضوع

وياحليله اخوك مو لازم يكون شاعر اهم شي يقول لك اشعار ويعطيك وجه

إقتباس


	1)ماهو أفضل بيت شعر قرأته او سمعته أو مألفه بنفسك..؟!!

والله كثييييييييييييير عاد انا مدمنه شعر

بس اللي جا ببالي الحين بيت شعرلحامد زيد

لو يزيد الشوق جمرة تحولني رماد
لو يزيد العشق شعره باوصل للجنون

إقتباس


	2)من هو أفضل شاعر بالنسبة لك..؟!!

اكيييييييييييييييييد حامد زيد مايبيلها

جرح يشكي · #13 12/09/2007, 03:52 AM

لا تجرح خدودك ترى الدمع يجـرح
......................................ان ما جرح خدك جرح قلب مغليـك
ما للبكا فـي عينـك اليـوم مطـرح
..............................قلّي وانا ابكي عنك يا عل ما ابكيـك
ما احتاج اقول الك انت واعيد واشرح
...............................ان الغلا يـا اول غـلا هايـمٍ فيـك
وشلون يبرح قلّـي اشلـون يبـرح
..............................حـب تمكـن فـي خفـوقٍ يباريـك
الخافق الـي فيـك بالحـب يسـرح
.............................كنّه سفينـه مـن بحـرك لموانيـك
يحب..يهوى..يعشق..القلب مسـرح
.............................لحبك عسى قلبي مع الـروح يفديـك
واعرف تراني فيك اضيق وبك افرح
.............................وازعل على شانك وازعّلك وارضيك
بس انتبـه للدمـع لا سـال يجـرح
.............................قلبٍ يضمّـك مابـه احـدٍ يساويـك

قصيدة اشتهرة ، ونسبة لعدة شعار منهم من نسبها لـ حامد زيد

لكن تبقى القصيدة هذي لـ [ خالي ] ممثل المملكه في شاعر المليون بإذن الله

skroo · #14 12/09/2007, 04:16 AM

وعليكم السلام والرحمة

سبحان الله ما رربي عطاني بالشعر , كل اللي اعرفهم شعار او يسمعون الشعر الا انا !!
اقصد الشعر الشعبي طبعا

والصراحة صرت اكره كل الشعراء <-------- على كذا بيكره نص اخوياه

1)ماهو أفضل بيت شعر قرأته او سمعته أو مألفه بنفسك..؟!!

سيذكرني قومي اذا جد جدهم .... وفي الليلة الظلماء يفتقد البدر

2)من هو أفضل شاعر بالنسبة لك..؟!!

المتبني بلا منازع

1)ماهي حكمتك في الحياة..؟!!

اذا اصابك هم فلا تقل يارب لدي هم كبير , ولكن قل يا هم لدي رب كبير

واسف على الاطالة

كل الفن هلالي · #15 12/09/2007, 04:36 AM

والله ما أدري كيف ابدأ لكن مو مشكلة ببوح لك باللي عندي
انا ماعرف الشعر او بمعنى اصح لست من عشاقه او متابعيه
اتفاعل ربما معه بعض الاحيان لكن هوايتي لا ..

يعني مثل ما قلتي ما أدير الشعر ولا أدري وش سنعه

وحكمتي في الحياة
من جد وجد ومن زرع حصد

مشكورة على الموضوع وبانتظار جديدك
تقبلي تحياتي ،،