اللي يسب اللاعبين وخاصة المفرج!! قال جمهور قال انا اللي اعرف الجمهور هو اللي يبني الفريق مو هو اللي يهدم الفريق ويحطم اللاعبين يا ناس والله المفرج هو اللي ماسك الدفاع مع تفاريس قسم بالله حرام عليكم خلوا الرجال بحاله كرهتوه بنفسه ياخي واذا ما انت قادر ابد تخليه بحاله انتقدوا زي الناس والله جمهووور للاسف استحي اسميه راقي كانه ما دخل مدرسة ابد يا ناس متى تتعلموا تتكلموا زي الناس كله سب ومسخره واستهزاء والله اني كرهت هالمنتدى من اسلوب الجمهوووووور ما في شي اسمه بهداوة اعطي رايك بصراحه ما قلنا شي بصراحه بس بدون تجريح اللي يقول انقلع واللي يقول فكنا واللي يقول نادي ضمك ما ياخذك يا شيخ رووووح انت واياه والله حرام يلعب المفرج عشان يفرحكم بس والله ما تستاهلوووا مثل ما قالوا لغيرهم انا اقولهم فهد المفرج القافله تسير والكلاب تنبح ما عليك منهم اقسم بالله انك في عيني كبير والكبير يبقى كبير اشكرك لكل ما تقدمه للهلال وننتظر استكمال ابداعاتك في السفينة الزرقاء وتمثيل الكيان الهلالي |
ياخي حنا نناقش ولا نزود ولانكره حنا هلاليين فهمت مانسب بس النفرج حنا نلاحظه يعني عليه اغلاط بس معطى الفرصة الغيره ليهرنا |
انا واللــه مثلـك ودي أشجـع المفـرج بكلامـي وأدعمــه بـس واللــه مقـدر تفـاريس ما يـدري هو يمسـك مهاجمين الخصم ولا يمسـك المفـرج |
إقتباس:
عجيب الحين صارت مناقشه اللي يقول ضف وجهك واللي يقول نادي ضمك ما ياخذك واللي يقول اجيبلك الهلال السوداني تلعب معه يا ابوي اي مناقشه الا مصخره قسم بالله هو يسوي اللي عليه وش ذنبه اذا ما يقدر يعطي اكثر من كذا والاداره تبيه ياخي تراه بني ادم ورجال وعنده مشاعر مثل ما انت عندك واتوقع لو واحد من الشارع يتمهزا على مشيتك او لبسك للشماغ بتعصب طيب ليش تعصب لان مشيتك كذا صح والا لا هو نفس الشي لعبه كذا والادارة والمدرب يبونه وبعدين والله ما اتوقع ان حضرتك والجمهور اعلم من المدرب والمدرب بيشوف مصلحة الفريق ولا تقول واسطه وما واسطه هذا زمن اول الحين اللي يعطي يلعب غير كذا لا تقول وبعدين جبلي اي مدافع بالعالم لازم يغلط الدفاع غير الهجوم الدفاع هو اللي لازم يفهم اللي قدامه اما الهجوم هو اللي لازم يضيع اللي قدامه واتوقع الهجوم اسهل وتعال ياسر وعلى عيني وراسي يا ياسر يا كبير لكن ياسر يوم يضيع ما احد يقوله شي وتذكروا في العام اللي راح كم صار له ما سجل ما احد قاله شي وتقول فتره وتعدي وترفعوا المعنويات المفرج من يوم عرفته والجمهور تجريح في تجريح ويعطيك العافيه على مرورك يالغالي انا ثقلت بس قسم بالله لاني راحم الرجال والله لو انه يهودي يا شيخ مشكور يالغالي إقتباس:
جاك مطفي الانوار الحين كلمتك هذي وش لها داعي بالله بدال ما تقولها قل يعطيك العافيه يت مفرج بس انتبه غلطاتك كثرت ولازم تشد حيلك من هالكلام اما ما اقدر ليه بتغص بالكلام وهو طالع والا بينقطع لسانك والله عالم على العموم يعطيك العافيه على مرورك ولا تحرمنا من هالطله |
جمهووور الهلال مشكلته مع النجووم بس بس وربي واقووله من جد تفااريس بدون المفرج ولا شي |
بصراحه المفرج أفضل من غيره كلمة حق لازم تنقال |
إقتباس:
ناس تفهم والله تقول الصح والف شكر لك على مرورك |
صدقت.. |
مشكرور وانا مععاك |
مشكووووورين على المرور وهذا الكلام اللي يونس ويوسع الصدر |
والله ثم والله سبب هدف أم صلال المفرج والله أخطاء الدفاع نصها من المفرج والله أنا المرشدي أحسن منه بواجد بشهادة ثلاث أرباع المحللين و(((الفاهمين))) بالكوره |
اخوي سجين الشوق شي واحد اكد ان عقلك طفيلي وهو انك قلت القافله تسير والكلاب تنبح والظاهر انك من........ اللي هم اعذاء الهلال ياخي الكريم الاعب الوحيد الذي اتفقا عليه النقاد والمحللين والكتاب والجمهور السعودي والله العظيم انه عاله على الهلال هو فهد المفرج ياخي بعدين تقول انا سبينا فهد المفرج ياخوي انت تتهمنا يعني لو تسوي استفتاء بالمنتدى عن المفرج انه يرحل ولا يبقاء احلفلك بالله العظيم انه ماينزل عن ال80% اللي يتمنون المفرج يرحل خلنا واقعيين حنا مانحارب المفرج حنا مصلحة الهلال اهم من كل شي حتى لو كان على حساب يار القحطاني ومحمد الشلهوب ومحمد الدعيع ونواف اهم شي الهلال وبس |
انا اقول المفرج مبدع صح انه يخطي وينكب بعض الاحيان بس ينقذك بكم فرصه بغة تجي هدف والله معاك يامفهد واصل ابداعك وتركيزك |
إقتباس:
انا ما حددتك بالجمله بس الظاهر ان المثل صدق اللي على راسه بطحه يحسس عليها وبعدين اقرا زين ما تعرف تقرا انا قلت ان المفرج يغلط بس عاتبه او فهمه بدون ما تسب او تقعد تجرح خل اسلوبك راقي تقول جمهور مثالي وزحمه شف مصلحة الهلال انا قبلك اشوف مصلحة الهلال بس الفرق اللي بيني وبينك انه انت تشوفه على حساب كرامة غيرك يا ناس اكبروا تكلموا بعقل مو بهمجيه اطرح رايك بصراحه بدون سب وشتم او استهزاء يا .............. اخي الكريم |
شكلك ياخوي من ربعه ,, من جماعته وجاي هنا تمدحه على فكره ترى المفرح كوبي 17 تسبب لنا بأهداف كثيرة والله ماييستحق يحمل قميص الهلال يما خسرنا ,, اتحدى احد شاف هدف للمفرج ,, ياخي شوف تفاريس ماشاء الله مدافع هداف ,, ياااااااخي الحق تقال المفرج 0% واللي يزعل يزعل |
إقتباس:
شف العقليه بس طيب انا اسألك سؤال اوكي اذا انت الحين تقارن لاعب محترف بلاعب محلي وتبي اللاعب المحلي نفس مميزات اللاعب المحترف ليش نجيب محترفين حنا هاااااااااااااااااااااا؟؟؟ يعني بالعرب هذا محترف وبرازيلي لا تقارنه بمدافع هلالي او حتى بالانديه السعوديه كلها تفاريس لا بالاتحاد ولا النصر ولا الاهلي ولا الشباب ولا الوحده ولا كل اندية المملكه في واحد مثله مع احترامي لكل الموجودين جاي انت الحين تلوم المفرج شكرا على مرورك وعلى تجريحك |
المفرج أحسن من اللى أرداء منه على قول شيباننا ياخوى فكنا من التطبيل وتعامل مع الواقع المفرج خلوق ملتزم وووووو ولكنه مفلس فنيا ومكانه المسابقات الثقافيه وليس الملعب تحملنا وجوده سنوات ضاع خلالها العديد من الألقاب بسبب وجود لاعب معدوم الإمكانيات بموقع حساس الخطاء فيه بهدف |
ياحبيبي يالغالي الله يطولي بعرك مافي احد بهالكيان الكبير يسب المفرج مو كل البشر اساليبهم وحدة كل انسان وله اسلوب معين في النقاش مهما انتقد اللاعب سواء يمدح فيه او يجرح اللاعب . لكن يالغالي تقول القافلة تسير ومدري ايش هذي كبيرة بعدين مافي احد يجرح المفرج بشهادة الجميع المفرج ابدع مع الهلال لكن خلاص .. انتهى اللي عنده يعطي غيره فرصة .. المرشدي موجود وكما ذكر بعض الاعضاء الغاليين انه هو سبب هدف ام صلال .. بعد ماتعداه اللاعب رفع يده لحكم الراية وقعد يصرخ يعتقد انه تسلل .. ياحبيبي المفرج الحين ماعنده كفائة دفاعية مثل اول .. الرجال كبير الحين ومايقدر يقدم مثل ماقدم قبل .. يعني المرشدي افضل منه بكثير .. لصغر سنه لكفائته الدفاعية .. وعذراً عزيزي مابي اطول عليك .. المفرج مايصلح يكمل وهو على العين والراس والله يعطيه العافية على قد مايتعب .. تحياتي للزعاء .. |
والله المفرج لاعب كبير بس طاح مستواه |
جمهور الهلال الراقي ابدا لن يقع أخي الكريم في مثل هذه المستنقعات جمهور الهلال ينتقد مستوى اللاعب بدون تجريح او شتم ومن يفعل غير ذلك بالتأكيد سيقف الجميع ضده |
إقتباس:
يا سلام عليك هذا الاسلوب ولو كل الاعضاء يتكلموا عن المفرج بهذي الطريقه والله ما اكتب الموضوع يالغالي والله ما اقصدك انت والناس الطيبه اللي مثلك انا اقصد بالمثل اللي يتمهزوا ويسبوا ولا تقول ان ما في احد يسب والله نص المواضيع سب واستهزاء ومسخره وهذا مثال يناديه واحد المهرج بدل المفرج وش لها داعي الف شكر لك يالغالي على مرورك وطرحك الجميل واسلوبك الراقي ولا تحرمنا من اطلالتك |
اخي الكريم الجمهور الهلالي مختلف الاعمار واللي شتم اكيد اخطأ لان نحن كجمهور لا نرضى لا بالشتم ولا بأي شي يسئ للاعب لكن والحق يقال لو ان المفرج ممتاز كان الهلال ما فكر في هوساوي اخي الكريم انا لي متابع الهلال 20 سنه يعني قبل ما المفرج يلعب بالهلال وعن نفسي اقولها لك وللمفرج لأي شخص يا المفرج ماقصرت واترك مكانك لغيرك |
المفرج يلعب بروح قتاليه لكن بعض الهفوات اللي تجي منه هي بسبب الضغوط الجماهيريه مثل ما انتم عارفين اللاعبين يدخلون الشبكة و يقرون مايكتب عنهم و اكثرهم الصويلح و مع ذلك المفرج يحاول و يجاهد و يضغط على نفسه علشاننا |
إقتباس:
الله يكثر من امثالك وياليت الزعماء كلهم مثلك بس مثل ما قلت انت مختلف الاعمار الف شكر لك يالغالي |
يا اخوانى قريت الموضوع والردود بصراحه ولا احد منكم يزعل ............ الهلال يملك افضل اللاعبين ونحن شفنا قائمة الاربعين لاعب المعتمده هذا الموسم وهى تجمع بين لاعبى الخبره والشباب وهى من سنيين لم نشاهدها بصراحه واتمنى من الجميع الوقوف مع اللاعبين والدعاء لهم ولاننسى انهم يمتلون الزعيم اما كل ساعه واحد منا ينزل موضوع وينتقد لاعبين وهذه ظاهره غير صحيه لنادينا اخوانى الهلال دخل معمعة المباريات المحليه والخارجيه ولابد من نسانده وان لانسمح لاى شخص ان ينتقده بطريقه ليست انتقاد فقط ولكن لخلخلة الفريق وعدم استقراره مشكوور اخوى وانا معك صح لسانك الله الموفق |
اخي العزيز,,, اولاً اشكرك على هالموضوع الجميل لانه يخص المفرج والمفرج اجمع الكل على احقيته بالتنازل عن خانته للاجدر والافضل .. وانت يالغالي جاي وبكل فنون الكتابه واساليبها المحترمه تقول عن جمهور الكيان الهلالي (( القافله ,,,, الخ.. الكلام)) .... لابد ان تعلم شي واحد وهو ان الجمهور الهلالي ليس له ذنب بذلك بل اللاعب هو من جلب لنفسه المشاكل .. وعندك اكبر دليل القائد الاسطوري سامي يوم شاااف نفسه مايقدر يخدم الهلال اعتزل .. ولايمنع ان المفرج يعتز او يدور نصيبه بنادي ثاني .. ومو معنااااتها انه نسينا امجاده مع ناديه بالعكس له الشكر والتقدير على ماقدم قبل سنوات اما الان مع احترامي الشديد هو جالس يرد الدين من ناديه ,,, واتمنى اخوي انك ماتطبل لان النااااس له اعين وتعرف تقييم وتكلمت بما فيه الكفااايه ولكن..!! لا حياة لمن تنادي . لو الكلاااام موجه على جداااار صدقني لسقط وتزحزح عن الطريق .. وفي نهاية كلااااامي الذي اعتقد ولعلي اجزم انه يثير اعصاااابك ... (( ترجل وارحل مشكورا يابن المفرج فالنادي لايحتمل تفرررررررررريط )) واشكرك مرة اخرى على الموضووووع المهم ... |
إقتباس:
لا مهوب انت الي تجي تعلمنا الادب وكيف نتعامل مع مانطرحه من كلام هذا اولا ثانيا ياليت اذا بتنصح تطبق النصيحه على نفسك والاهم نادي الهلال لا هو ملكك ولا ملك مفرجك ولا تقعد تستعبطنا قال ايش قال وش ذنب المفرج !! المفرج له قوة نفوذ في الهلال اكثر من سامي الجابر والثنيان لاتستهين بالمفرج والمفرج عندي اثباتات بطرحه في المنتدى انه سبب المشكله الي قامت في الطياره بين الدعيع وسامي وعزيز من جهه والامير محمد بن فيصل من جهه لما جا المفرج بينصح اللاعبين هو الخثران قاموا وردوا عليهم برد مااعجب المفرج ارسل رساله لمحمد بن فيصل ومن عقبها الامور خربانه بين الرئيس من جهه والجابر والدعيع من جهه مفرجك منتهي وقاضي من زمان وبنلومه دامه يلعب في نادينا ودامه نكبه وممر سهل لاسوء لاعبين المملكه قبل افضلهم مفرجك الي جالس على خانه كان المفترض من عام 1415 انا نشوف نجوم من شباب الهلال تاخذ الفرصه نتفاجأ بالمفرج الذي لايستطيع الجري بالكره او بدون الكره ياخذ مساحه من الفرص من عام 1415 الى عام1428 قاتل الله الواسطه التي دمرت الهلال والله يستر لاتدمره اكثر مستقبلا وكفانا الله شر كتاب يفضلون مصلحة اقاربهم اللاعبين على مصلحة النادي . |
سجين لاتقعد اتسوي فيها مثقف قسملك بالله انت ومن على شكلتك ياللي تقول المفرج مبدع قسم بالله انت بصوب والكوره بصوب شوف لو تجلس معي للصبح سمعت للصبح اعدلك نكبات المخرج مو المفرج من يوم نهائي 1415 مع الشباب شوف اهداف فهد المهلل وتشوف اخطاء المفرج واخرها هدف ام صلال ومادري ليش رفع يديه النكبه طبعن مروربنهائي قبل العام مع الشباب وغيره وغير الجلى والمصيبه مايجيب اهداف للهلال مع العلم المرشدي لعب مباريات معدوده وجاب اكثر منه ياشيخ طير انت وياه على فكره تراك انت ومعك عضو اسمه ااسامه تدافعون المخرج ليه تدري قسم بالله ياليت الكوره اتنسم على قولت الثنيان ويعتزل ماجد وحنا نرتاح من المخرج ومن بعض الجهال اللي مثلك |
ياشباب المفرج نكبه مافيه شك ولاريب وليس عنه القدره على تطوير مستواه واذا استمر في دفاع الهلال سوف نخسر العديد من البطولات واكبر دليل على افلاسه انه لايستطيع تطبيق مصيده التسلل مع زملائه وهذه النقطه سوف تركز عليها الفرق التي سوف تقابل الهلال هذا الموسم وسبب عدم تطبيقه مصيده التسلل هو وجود نقص فني فيه حيث ان اللاعب بطي ولايستطيع التفاعل مع زملائه والذي يستطيع فعله هو رفع يده فقط !!!!!!!!!!!!!! |
الوقت المعتمد في المنتدى بتوقيت جرينتش +3.
الوقت الان » 12:50 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd