السلام عليكم ورحمة الله وبركاته

موضوعي موجه للادراة الهلاليه كونها هي المسؤله في المقام الاول وبالمقام الثاني لجنة تسجيل الاعبين


كلنا يعلم ان المملكه تعج بالمواهب الكرويه الفذه ...

وكلنا نشاهد الاعبين ونفهم معنا الموهبه الحقيقيه ( مو طقها والحقها )


انا شخصياً امارس كرة القدم .. ( مسوي فتيت ) ولعبت معا كثير من الاعبين واخص لاعبين الانديه ،، ولعبت مع الزملاء في الحواري ،، فلاحظت الفرق !!!!!


واكون صريح معاكم ،، ان معظم لاعبين الانديه ( من جنبها ) وهذه الحقيقه

لا توجد مهارات ، لا يوجد فكر ، لا توجد اساسيات الكره عنده ،، ومعا ذلك تجده في احد الانديه لا وتجده موقع عقد احترافي مع هذا النادي او ذاك ،،

وللمعلوميه ان اكثر الاعبين يكتسب تلك المهارات في النادي

طبعاً البعض ممكن يقول انت حاسد ، اقول لا والله لست حاسداً ولاتوجد في قلبي ذرة حسد على اخ مسلم مثلي ،

ولاكن هناك من لاعبين الحواري من هم افضل من الموجودين ويتمتعون بالموهبه الحقيقيه التي نحن بحاجتها في ملاعبنا ،

وانا شخصياً لاعب وادرك معنا الموهبه الحقيقيه واعرف اميز ماإذا هذا الاعب مصنوع ام موهوب . على وزن شلهوب

اعرف اناس كثر خاضوا تجارب في اندية الوسطى ولاكن للاسف لم يكتب لهم النجاح ،
وانتم تعرفون الاسباب ، ( الوساطه والتفريق بين الاعبين ) وهذه حقيقه ويعرفها مسؤلي الانديه . ولا يقدر احد ينكر الشيء هذا

نعم الحقيقه مره ولاكن يجب ان نعرفها .

سؤالي / لماذا نفرط في كثير من الاعبين الموهبين ونكتفي بالتوقيع مع لاعبين اقل منهم امكانيات ؟؟

وانا ماكتبت هذا الموضوع الا للمصلحه العامه للهلال بالدرجه الاولى لاني اعشق زعيم نصف الارض ولمصلحة الكره السعوديه

وللمعلوميه اعرف لاعبين زملائي مقربين لي خاضو تجربه في الهلال لاكن للاسف لم يكملو 3 اشهر في النادي وذلك بسبب المضايقات من الادراي الفلاني او من الاعب الفلاني الذي يشاطره نفس الخانه التي يلعب بها ..

شفتو من الحسود الحين

عن جد حاجه تحز بالنفس وتقهر الصراحه لما تشوف واحد فتيت يعك بالفريق من الى ولا يوقع في الهلال ( تراني متعصب للزعيم )

عموماً في لاعبين كثير اعرفهم موهوبين بكل معنا الكلمه بس ااااااه لو اعرف مين اللي يسجل الاعبين بالنادي كان دليته عليهم ..

عموماً اتمنى التوفيق للادارة الغاليه على قلوبنا واولهم ( ابو سلطان ) صانع الانجازات الهلاليه ، وجميع اعضاء ومنسوبي النادي الكبير ،،


بالختام اتمنى من الادارة الهلاليه ان تبحث عن المواهب فهم كثر ، وانا لدي الاستطاعه بان ادل الادارة الهلاليه على هؤلاء الاعبين ( بس كل شيء بحقه ) مسوي سمسار


بالتوفيق للزعيم وان شاء الله يكون الموسم هذا حافل بالبطولات الزرقاء

دمتم بود

اخوكم / حمودي