|
قنــاهـ .. (كوكــو ! ) السلام عليكم تحيــه طيبــه .. وبعد اولاً: ألف مبروك الفوز المستحق والى الأمام دائماً .. في البداية اكتب موضوعي هذا وأنا في قمة قهري وصبري على قناتنا ( قناة كوكو )!وأحب أوجه عتبي للمراهقين اللي قلبوا قناة الزعيم إلى قناة دردشة وتعارف من كنترول ومن أسماء تثبت نكها !! .. إلى متى وإحنا نسمع الموسيقى ونقرا .. هلا منور فديتك لا تزعل رحت ورجعت وبرب دخووول وخروووج ومادري وشو ؟؟ اسمحوا لي اقول الكنترول براسه مبسوط على الوضع واغلب الزعماء يشيدون بكلامي .. اذا كانت القناة رح يستمر وضعها مثل قناة txt يحبذا لو تقفلونها ! بصراحة ما نشوف شي يفيدنا كمحبي للكيان الهلالي أو يفيد الإدارة غير لهط فلوس الرسايل والثيمات وغيرها ! ما قلنا شي .. افتحوا قناة للزعيم .. بس مو بهذاالشكل ! لا أخبار ولا نقل مباريات ولا مقابلات ولا تصريحات ولا برامج ؟؟ مو هذا اللي وعدتونا فيه قبل لا تفتحون القناة ؟؟ والله من جد مسخرة .. هذا غير الذنوب اللي تحصلونها من الموسيقى والتعارف و و و و و ... !! (أنا الحين حاطه عليها وحاطين لي صوت وحده تغني !! ومن قبل حاطين أغاني أوبرا!! )) حشا وين قاعدين ؟؟ ... رجاءً إذا انتوا مو قد مراقبه قناة قفلوها أحسن لنا ولكم .. من جد قنااااة تستغل الجماهير اللي ماتتعدى عقليتها 12 سنه وتكسب من وراهم ! يعني أنا أول ما قالت الإدارة رح نفتح قناة للزعيم .. جا على بالي ناس واعية ترسل لمناقشه أمور النادي وقضايا الجماهير وتحل مشاكل الإدارة ... طلع الكنترول براسه من فئة اللي يبلط قدام التلفزيون وهاتك رسايل !! عذراً على هالكلام بس مااقدرعالمسخرة اللي قاعدة تسير والأستغفال الواضح زي وضوح فشل هالقناة .. وترا كل هذا خوف على الهلال وسمعته... اتمنى اتمنى من كل قلبي تغيرون وضع القناة بأسرع وقت وبأي طريقه وتشيلون الموسيقى الرومانسيه !! وعلى فكره للي مايدري ترانا داخلين على شهر رمضان المبارك .. الاوادم تصوم و هم حاطين اغاني ! الادراه .. اسمعيني .. تكفين لا تسيرين زي ادارة مدرستنا ! منشغلين بأمور ثانويه وتاركين الاهم .. والله قاعده ادور شي زين سويتوه .. شي نفتخر فيه !!صراااااااحه مااااااااافيييييييه .. كلش كلش مافيه !! فاتحينها عباطه يترزقون من فلوس الرسايل .. قولولنا ادعموا والله ما نبخل للكيان بشي .. استحي من نفسي لما احط عليها وبنفس الوقت اضحك على هالكنترول اللي يتعارف ويرحب !! طيب رحبوا ببعض بس ناقشوا امووووور تهم النادي ناقشوا أي شي أي شي .. مو : أنا مسافر و هذا يقول لا تطولين و ذيك : حياك الله .. شي ينفرز شي يخليني ودي اضرب الكنترول اللي يطلع هالرسايل << اجرااام خخخ بس حرام ما اظلم احد .. فيه اقلييييه من اللي يرسلون يحاولون يناقشون بس المشكله ماحد يعطيهم وجه والباقين مشغولين بالسوالف العاديه ( قسم بالله تو وحده مرسله تقول : ياكنترول فيه احد بسولف معي ولا اسولف بروحي ) !! هههههههههههه الحمد لله والشكر .. ماقلت انهم فاتحين دردشه ! والله اطالع قنوات تشيلسي – مانشستر يونايتد – ريال مدريد واتحسر على قناتنا المروحه ! يعني موقع الزعيم افضل موقع نادي في العالم كملوا جميلكم في قناتكم وخلوها تنافس قنوات الريال والمان >>تتحلم !! خخخ .. لا من جد بما ان موقعنا ولله الحمد افضل موقع نادي ليه ماتسير القناة افضل قناة نادي ؟ تلقون الجواب عند الادارة الحبيبة .. نجي للأدهى والأمر اللي هو لما يسكتونا .. يقولون بعد مده رح تفتح ولا نشوف شي !! بنقالة احنا مانفهم ؟ تلعبون علينا ! رجاء اذا قلتوا كلمة كونوا قدها ولا اسكتوا ..!!!!:: المهم أنا بقول لكم هالأسس على بناء قناة تليق بسمعه نادي عالمي ! أتمنى تاخذون فيها مو زي كنترولنا كل ماسألوه سؤال ولا عاتبوه .. قال : لا تعليق !!!!:: 1 . تشيلون الشات عن بكرة أبيه ولا تنسون كنتروله تقربعون به ... مع احترامي له بس مو قد هالوضيفة ! 2 . تضيفون لها برامج لجذب الجماهير الهلالية وتنقلون مباريات الهلال مباشره وبصوره واضحه مو كأنهامصورة من جوال ! 3 . غير كذا الاستديوهات التحليليه والمقابلات سواء كانت للعيبة او للجماهير .. 4 . تعيدون سيرة النجوم العمالقه .. اساطير الهلال مثل النعيمة والبيشي و الثنيان عشان ما ينساها جيل الهلال الجديد !! .. جيل ياسر وطارق .. 5 . أهم شي ما تعرضون لنا زي أول أغاني وفيديو كليبات للعيبة ومن هالخرابيط اللي لا تودي ولا تجيب ولا تفيد بشي وتحصل الضرر والإثم منها .. 6 . أتمنى من القناة انها تتجه للاعبين الهلال من مختلف الالعاب .. كرة طائرة / سلة .. وغيرها من الالعاب وتهتم بشؤونهم ومن جميع الفئات / شباب - ناشئين – ذوي الاحتياجات الخاصة .. 7 . اذا انتوا مستكثرين هالطلبات قفلوا القناة أحسن لنا ولكم ! في الأخير أحب أوجه شكري و امتناني للقائمين على القناة الناجحة .. قناة الزعيم !!!!!!!!!!L وانا مو اول ولا اخر وحده تتكلم على هالقناة الناجحه بكل المعايير ماشاء الله عليها .. وهذا طبعا يدل على مدىشعبيتها الجارفه عند الجمهور والكيان الهلالي .. بس لاعاد تعيدها ! وياليت أشوف الردود اللي تشيد بكلامي .. ردود الجماهير الواعية اللي تفكر بعقلانيه بعيداً عن البثارة ... أما الردود اللي معارضة .. تضرب الباب ..وأعيد أنا ما أقول هالكلام إلا عشقاً وخوفاً على الكيان الهلالي .. تقبلوا تحياتي .. أختكم الزعيمة 3 |
|
فعلا القناة تحتاج اعادة نظر وبقوة بس عندي سؤال وش يعني قناة كوكو؟؟؟؟ |
صدقتي يا الزعيمه 3 والله صدقتي واتمنى ان تتغير بأسرع وقت ممكن |
هلا والله بالزعيمه 3 .. كلامك عين العقل والله انها تجيب المرض وتفقع القلب وتجيب انواع المغص المزمن :upset: ... قفلوها اعووووذ بالله منكم ... لاخيرها ولا كفاية شرها ....... مشكووووره على طرحك للموضوع ... سلام |
بإذن الله نشاهد مظاهر التغيير قريبا كما قرأنا جميعا من إدارة الأخبار هنا .. |
وانا اشهد انك زعيمة ممو زي بنات كوكو سلمت يداك |
اخوي في قناه اسمها قناة الزعيم؟؟؟؟؟؟؟؟؟؟؟؟؟؟؟؟ اول مرة اسمع فيها انا خبري الفقراويين عندهم قناة ويعرضوا فيها كل شي يخص النادي مباريات واستديو تحليلي ولا فيها شات شكلك تقصد قناة الزعيم للدردشة والترقيم والمغازل والا ايش تقصد؟ |
تعبـنآ واحنا نطالب ونتمنى ,, بس مافي اجآبه ,,؟:sick: |
صاادقه بكل كلمة قلتيهاا وان شاءالله الامير راشد مايقصرر ويحسنوون من وضع القنااة اللي لاترضي لاعاقل ولاخبل شئ يقهرر جد والله يعني حتىى الكنتروول مع الخيل ياشقرا على قولتهم لاحيااهـ لمن تناادي تعبناا وحنا نقوول بس ماحد يسمع الله يكتب اللي فيه الخير ويتحسن وضع القناة واشكرك على طرحك الرآقي وعلى حرصك على ناديك وسمعته |
إقتباس:
خلاص اجل لازم نشن حمله ضد التيار الكوكي :d والقناة ذات الشعبية الجارفة .. |
لقد أسمعت لو ناديت حياً ولكن لا حياة لمن تنادي أختي الزعيمه انا حذفت تردد القناة لأنها على قولة صارت شاتنق العشم بالمسؤلين الهلاليين لتغيير الوضع السيء للقناة ويارب توصل رسالتك للإداره وابشرك الآن اعطو القائمين على القناة مهله 48 ساعه لتعديل الوضع :) شكراً لقلبك رسالتك وصلت وانا مؤيد لطرحك |
تعبـنآ واحنا نطالب ونتمنى ,, بس مافي اجآبه ,,؟:sick: |
ايه والله انك صادقه قناة (فديتك) :d والله اني استحي احطها قدام ابوي ....تفشل مب قناة نادي هذي قلة حيا ...والله ان قناة الفقراويه احسن من قناتنا ب745873265 مره ياتقفلون القناة ولا تعدلونها ...اعوذ بالله ترى طفشنا :upset: |
أحسنتي يالزعيمة 3 والله أن كلامك عين العقل .. ماورآهم ألاّ نهب هالفلوس .. بس أبشرك منذ مبطي عنها يعني أول كنت حاط رقم القناة في المراتب الأولى ألحين .. نزلتها تحت في الأخير قلت متى ماتعدلت وصارت تجيب شيء مفيد فكرت أرجعها مكانها .. 1000 شكر لك .. ويارب يآخذون رسالتك بعين الأعتبار .. .. |
| الوقت المعتمد في المنتدى بتوقيت جرينتش +3.
الوقت الان » 11:07 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd