نادي الهلال السعودي - شبكة الزعيم - الموقع الرسمي - راح نبض الهلال ... قصيده في وداع سامي كتابيه..وصوتيه.. وتصميم .. اتمنى التثبيت

رأأح نبض الهلال

صــــوتيه

للتحميل اضغط هنا

يافهد هو صحيح العلم وقت اعتـزال
..................لليلة السبت اُعلـن واعتلانـا القتـام
حان وقت الفراق المر والليل طـال
..................ضاق صدر المشاهد حين سمع الكلام
غاب نجم الزعامه راح نبض الهلال
..................راح نور الملاعب وأكتساها الظـلام
صاح جمهور سامي ياحبيبي تعـال
..................ماهقينا الوداع المر يِشِفـي السقـام
ماتهنى عيوني حين وقـت الـزوال
..................لاذكرته بيلعب جفـن عينـي ينـام
للزعامه فنـونٍ وانـت فـن القتـال
..................كم خصومٍ تنهت عند ضرب السهـام
كم عدوٍ يعرفـك لا كتبـت المقـال
..................يوم ـتشـر بعينـك للبـطــولـه سـلام
طب سامي عليهم ثم كسـب النـزال
..................قام خصمه يراجـف مثل رعد الغمـام
قام يعصف بخصمه من يمين وشمال
..................طاح هذا وهذا صار فيـه انفصـام
صاب خصمه برعب وحط فهيم هبال
..................كم دفاعٍ يشرشح كـم عـدو يضـام
المنصـه تعرفـه والحقايـق تقـال
..................والمواقف لاضاقت مالها غير سـام
رافع الراس عالي كم بطوله تشـال
..................كم بطوله تسلم فـي يمينـه وسـام
مخلصن للسعودي وافين فالخصـال
..................جاب كاس البطوله كل عـامٍ وعـام
وافي الطيب كامل والشهـاده كمـال
..................سامي الشهـم رَوُح ياديـار الكـرام
لا ذكرته تقطع عرق قلبـي وصـال
..................كيف ابنسى حبيب ٍذاب عشقه غـرام
مثل سامي حرام نجيب مثله محـال
..................والله ان يبطي مثلـه مايجنا..حـرام
والله انـه فقيـده ماعليهـا جــدال
..................للمصاعب تصدى للمواقـف حسـام
يافهد غاب سامي غاب صعب المنال
..................يوم عشره و واحد قبل شهر الصيام
لا تلوم اللسان ان طال لليلـه وقـال
..................يافهد وين سامي يافهـد ويـن سـام

........................
القصيده موجهـه الى الشاعر القدير فهد المساعد

http://www.saudifree.com/up/pic10/saudifree_772d7.jpg

...............
تحيات اخوكم الشاعر/// عبدالله المديري السبيعي ...(( عبادي الهلالي))