استفسارات بخصوص البعثه (( وخصوصا لطلاب استراليا ونيوزيلندا ))
 

بسم الله الرحمن الرحيم


يازعماء انا عندي كم استفسار اتمنى من الي يعرف لا يبخل علينا


1/ قدمت على برنامج الملك عبدالله للابتعاث واخترت الدول (( كندا - نيوزلندا - استراليا )) على الترتيب هل اختياري موفق من حيث الجامعات والمعيشه وكل شي ؟؟


2/ متى سوف يتم اعلان نتائج القبول المبدئي وهل القبول المبدئي الكل ينقبل فيه ؟؟


3/ لو قدر الله وانقبلت كم الفتره بين التقديم ( الي هو هالايام ) والقبول النهائي والسفر يعني لو قبلت متى سوف يكون موعد السفر ؟؟


4 / هذا السؤال خاص بطلاب استراليا (( هل استراليا يسقط عليها ثلج وهل تعتبر دوله بارده جدا وكيف الطبيعه فيها )) ؟؟

<<<< اخوكم وده يشوف ثلج خخخخخخخخخ

5/ نفس السؤال الرابع بس لطلاب نيوزلندا ؟؟


6/ هل القبول في جامعات هذه الدول صعبه او لا ؟؟


7/ انا ادري ان كندا افضلهم بس وش احسن نيوزلندا والا استراليا ؟؟

8/ انا قدمت على بعثه الان هل ابدأ الان في ترجمة الشهاده والا اذا قبلت فيها ؟؟

خلااااص ماعاد فيه اسئله طولنا عليكم

تكفووووون الي يعرف يرد بأسرع وقت

....
...
..
.

أنا متخصص في أمريكا فقط وكل شيء يمكن اجاوبك عليه ، الله يخلي لي الوالد كل شيء عن امريكا يقول لي عليه ،

اما الدول الاخرى فلا أعرف ،

لكن بجاوبك على سؤالك الاخير رقم ( 8 )

الافضل انك ترجم الشهاده من الآن مادام انك فاضي و عندك وقت ، مالك و مال الزحمه بعدين و يمكن تسبب لك تاخير بعد .

مشكووووووور اخوي هلالي ما احلاه والله يعطيك العافيه

بس الثمنطعش الي قروا الموضوع وينهم ليه مايردووون


....
...
..
.

سؤال5 على حسب المدينة لكن اهم المدن لايوجد ثلج لكنها ممطره ومتقلبة الجو
(يعني لاتستغرب اذا مر عليك ثلاث فصول في يوم واحد) واحتمال ضئيل ينزل ثلج.
سؤال6 من ناحيتي انا نيوزيلندا لان العرب اقل هناك واقل معيشه.
أتمنى اني افتك

بس نصيحة إذا كان براسكـ مدينة محددة ..

إنت جب فيها قبول لا تخلي الوزارة تختارلكــ

والله صادق الاخ alzaeem for ever

دور قبول لنفسك في الجامعه والمكان الذي تريد بدلا من ان يفرضوا عليك شيء ما تبيه.

AL_ZA3EEM الله يوفقك أخوي الزعيم
بالنسبة لنيوزيلندا بحسب تواجدي فيها أعتبرها من أفضل لابلدان
للي يدور الراحة النفسية والأمان والجامعات القوية ولكن زي ما قلت لك نيوزيلندا
بلد دراسة يعني ما تصلح للي يدور الدوجة واللعب الفاضي وأبشرك عندنا ثلج
والله يافاتك رحلة للجبال الثلجية والتزلج قبل إسبوعين والله إنها من العمر
الله يوفقك يا أخوي إنتظر وشوف بعثتك بتجي على أي دولة وأي خدمة آمرني بخصوص نيوزيلندا

http://vb.alhilal.com/images10/misc/csgcor.gifالتوقيعhttp://vb.alhilal.com/images10/misc/csgcor.gifhttp://vb.alhilal.com/images10/logo_1.gif
مشكور ومغصرت

الله يعطيكم العافيه ولا يحرمنا منكم

الاخ الزعيم NZ مشكووور وماتقصر يالغالي

------------

بس يقولون ان الوزارة هي متعاقده مع جامعات بمقاعد محدده يعني مو انت الي تحدد الجامعه هم يختارون لك الجامعه

بس اذا كان انا اقدم على جامعه انا ابيها مثلا (( جامعه كارلتون في اوتاوا )) وش اسوي علشان اجيب قبول فيها


....
...
..
.

تقول :

بس اذا كان انا اقدم على جامعه انا ابيها مثلا (( جامعه كارلتون في اوتاوا )) وش اسوي علشان اجيب قبول فيها



ادخل على موقع الجامعه www.carleton.ca

بعدين اضغط على Admissions ثم International Student ثم International Student Admissions ثم اضغط على How To Apply ثم تجد تحت How To Apply :

Applying for Undergraduate Degree Programs
Depending on what country you are applying from, it may take some time to apply for your Study Permit at your nearest Canadian Embassy or High Commission. You may apply to the University as early as one year before the program begins. You can apply by submitting an online application, or using a paper application. Please review the deadlines and further requirements in the following sections on this Website.

أضغط على Apply المكتوب بالاحمر لتعبئة النموذج اليا ( online) أو اطبع النموذج و ضع المعلومات يدويا و من ثم ارساله
طبعا تكلفة النموذج 85 دولار كندي ( Application fee. $85 ) والافضل انها تدفع عن طريق بطاقة الائتمان فيزا او ماستر كارد او غيرها ، ثم بعد ذلك ارسل الاوراق المطلوبه بالبريد ، DHL او FedEx وبعد اسبوعين تقريبا يجيك الرد
ولا تنسى تراجع المواعيد المحدده من الجامعه حتى لا يضغطك الوقت .

و موفق بأذن الله .

مشكووووووووور اخوي هلالي ما احلاه والله يعطيك العافيه ويوفقك دنيا واخره ويدخلك الجنه

عالتوضيح

بس طيب اذا قدمت عالجامعه وما قبلوني في الوزاره من هنا وش اسوي هل يرجعون لي المبلغ او لا (( يعني تنصحني اقدم من الحين قبل ماتطلع نتاءج القبول او انتظر الين يقبلوني )) او فرضا من نفس الجامعه ما قبلوني علما بأن نسبتي في الثانوي 91.94 والخياس اووه قصدي القياس 74

مشكوووورين مره اخرى


....
...
..
.

بالنسبه للـ International Student فرسوم الطلب اون لاين ( online Application fee )

تكلف 100 دولار كندي و هذا المبلغ غير مسترجع سواء قبلت او لم تقبل ( Non-refundable )

و أنا انصحك انك تقدم من الحين و عندما يطلع اسمك مع المقبولين في الابتعاث ان شاء الله تقدم لهم قبول الجامعه وبكذا تضمن انك تروح للجامعه اللي تبي ويكون عندك وقت كاف للدخول في الجامعه من بداية السنه في شهر يناير و طز في الـ 360 ريال .

و على فكره ، الجامعه لا تنظر لأختبار القياس بل لمعدلك في الثانوي و اعتقد ان نسبتك تؤهلك للقبول و بكل بساطه ، واذا حصل ان هناك مشكله لا سمح الله فاعتقد انها من الوزاره وليست من الجامعه ،

و لأطمئنك زياده انا مقدم لأحد اصدقائي على حساب والده و معدله في الثانويه 77.5 % و القياس 62 و حصل على قبول من جامعة كنساس ستيت يونيفيرستي _ منهاتن و هي جامعه مشهوره و موصى بها من وزارة التعليم العالي ، الثلاثاء الماضي وصل خطاب القبول و الـ I-20 ، و باكيج كامل عن الفيزا والجامعه و مكتب الهجره و فتح حساب بالبنك و الـ سيفس ( SEVIS Information ) والاستقبال في المطار و السكن والتامين الطبي .. الخ ، يعني معلومات كامله مع خطاب القبول ، و ان شاء الله عقبالك .