#مشاكلي مع جوال الزعيم#
 

السلام عليكم ورحمه الله وبركاته صباح الخير لزعماء انا من محبين والعاشقين لهذا الكيان واتمنى اشوفه ع طول بافضل حال لاكن لو نظرنا لحال الفريق ..ووجود لاعبين ..الواسطه لها دور بوجودهم ..و لو نظرنا لقناه الغزل ..قصدي قناه زعيمنا ..لراينا اغلب الزعماء يتبراء منها وممكن حاذفها..لاكن احب اتكلم بايجاز عن مشكلتي مع جوال الزعيم احب اشكر مسوليه في بادي الامر ...لاكن اتمنى منهم التطوير لان هذا مصدر من مصادر الربح لزعيمنا الغالي..كنت من اوائل المشتركين واشتركت بكل الباقات لاهتمامي ببعضها ولزياده دخل النادي اشتركت ببعضها..وحذفت بعض اشتركاتي من بعض الباقات لانهم ببساطه يستغلون بدون ادنى فائده..وانا الان مشترك بجوال اخبار النادي ..اللي اقراء اخبار بالجرايد والمنتديات قبل ما تاصلني منهم رساله ومشترك باخبار عاجله ...وهي اسم ع غير مسمى يمر الشهر والشهرين بدون اي خبر..انما بالساعه الثانيه وخمس دقايق يرسلون جميع الاخبار بصفحه واحده ...واغلبها اخبار قديمه وموجوده بالصحف ..يعني وش استفدت؟؟؟؟؟اما الطامه واللي انا اشتركت بمنتدى الزعيم علشان اكتب موضوعي ومعاناتي فـ هي باقاه او قناه اخبار الرياضه العالميه..فيها نقص كثير واتمنى انهم يحسنونها لاني تعبت منهم ..ولا احب اشترك بالجرايد او قنوات الانديه الثانيه اللي تعتبر افضل منهم واسبق منهم بالاخبار العالميه العاجله...اكون مع اصحابي ويعلموني باخبار من جولاتهم وبعدها بمده توصل لي رساله من جوال زعيمناوغير كذا مواعيد نقل المباريات ...هل يعقل يرسلون لنا عن موعد لمباره لنادي الاهلي المصري ويتركون الدوري البرتغالي والدوري الارجنتيني ..؟؟؟اتمنى ذكر جميع المباريات المنقوله ع شاشات القنوات العربيه ومنها المباريات الابرز بدوري الارجنتيني والدوري البرتغالي ..واتمنى ايضاً ذكر مواعيد مباريات كاس العالم لناشئين المقامه بكوريا حاليا .. دام انهم وصلوا لدور الثمانيه ...وذكر النتائج بعد المباريات ..وارجو من الزعماء التفاعل معي في اول مواضيعي وشاكر ومقدر لادارة المنتدى ع تفعيل اشتراكي وان اكون في خدمه الزعيم في اي مكان

يعطيك العافيه . أخوي خلاص أفتكينا من الجوال . ذلحين موبايلي

يعطيك العافيه

فكه من الجوال ومشاكله

يليت يتم الغاء الخدمة

ان شاء الله تتحسن مع موبايلي الهلال

أخوي أنا اوافقك الرأي المشكلة كانت بتأخير الرسالة لبعض المشتركين أنا من المشتركين اللي توصلني الرسايل أول بأول وبالنسبة لباقة الأندية الأوروبية صدقني تغطية خيالية يكفي النتائج اللي يرسلونها أول بأول واذا صارت المباراة مهمة بعد نهاية كل شوط يرسلون النتيجة وبالأدوار النهائية تقول كأنها مباراة الهلال مع كل هدف رسالة!!

يعطيك العافية أخوي,,

هذا واجب عليهم ونبي زياده