|
اللي اشغلونا مايبون سامي يروح ..... اتفضلوا هنا من يومين والأعضاء مالهم كلام الا سامي وش صار اذا اعتزل( هذا شيء متوقعه من السنة الماضية) خلاص سامي قدم شيء جميل للهلال (نكافئه بحفل اعتزال يشرفه ويرفع راسه) سامي هو اللي يحسم المباريات ( شيء ماننكره بس هذا اول يوم عز مستواه) يعني الى متى وهو لاعب ( اكيد بيجي يوم و بيوصل الى نهاية) يعتزل الحين والناس تحبه وتعشقه , احسن من بكره الناس ماتبيه واللي يقولون انه اعتزل علشان الفلوس( ما اتوقع ان الكلام هذا صحيح لأن سامي مهب حاجة المليون او الاثنين الباقية من عقده اذا كان باقي ) وكلنا عارفين هذا واللي يقولون علشان ابوسلطان ( وراء ما اعتزل السنة الماضية او اللي قبها) المفروض الناس تكبر عقلها ماتطير بالعجة اي شيء ينقال تصدقه بعدين خلاص لازم نعطي الفرصة لغيرة ( مثل ماطلع سامي يطلع غيره) وزي ما رحل يوسف الثنيان اللي افضل من سامي ( رأي شخصي ) يرحل سامي وانا ما كتبت كل هذا الا من حبي للزعيم وحبي لجماهيره....... وشكرا ( اللي بيرد على الموضع الله لا يهينه لا ينتف واجد ) |
هههههههههه ياحليلك ضامن التنتيف لا كلامك عين العقل وغير كذا من في اكثر من سامي يعرف مصلحت نفسه صحيح ان في هناك مشاكل بين سامي والرئيس لكن خلاص الافضل ان يستعدون لحفل ضخم يكرمون ابو عبدالله وبس الزم ماعلينا الفريق ياهوو الفريق وراه خمس بطولات وهي اهم من اي موضوع |
ايه اخوي كلامك صح بس سامي قادر انه يعطي نفس عطاء العام الماضي وهذا اللي نبيه نبي يعتزل بعد بطوله تكريما له يعتزل وهو شايل كاس |
لا تنتيف ولا حاجه سامي ماقصر والله يوفقه في حياته القادمه زي ماراح يوسف وراح قبله النعيمه والحين سامي وبيجي وقت الدعيع بيجينا ان شأالله لاعبين مثلهم واحسن ترا التفائل طيب لا تتشائمون بأعتزال سامي |
كلامك عين العقل يا عاشق الموج .. لولا المقارنة اللي بآخر الموضوع .. الصراحة مهوب وقت مقارنات ومين أحسن من مين !! أهنيك على تفكيرك وعقليتك المتفتحة !! |
المشكلة ليست في اعتزال سامي فـ هذا شيء طبيعي في عالم كرة القدم ولكن المشكلة في الطريقة التي اعتزل بها فإذا لم نقدر نجم اسطوري بحجم السامي , فـ كيف لنا ان ندعي عشق الهلال ؟؟ |
إقتباس:
|
|
حبيبـي شي طبيعـي بعـد أعلان الاعتـزال تلقـى أحـزان بالمنتـديات الهلاليـة لمـدة أسـبوع علـى الاقل ماردونا إلـى اليـوم الجماهيـر الارجنتينيه حزينـة علـى فراقـه حبيبـي الاسـاطيــر وداعهـم مـو سهـل |
أقول (لايكثر) وخل رايك لك... |
ياخوي كلامك صحيح وانا اؤيدك على ذلك ومشكور وداعا ابو عبدالله وان شاء الله نشوف حفل اعتزال يليق بالاسطوره ( سام 6 ) << مع اني مدري وش معنى هالكلمه لكن الله يوفقه . |
إقتباس:
|
لا والله كلامك سليم |
المشكلة ماهي هنا المشكلة ان البعض يعشق سامي اكثر من النادي وهذا شي راجع له وقالو ما راح نشوف كورة من بعده ولا شي.. هذا فيه تحطيم للجيل الجديد من اللاعبين يعني فيه جماهير للاعبين فقط على حساب النادي وبعد الشي الغريب انك ماتصير هلالي مخلص بنظر البعض اذا كنت مع سامي والرئيس في وقت واحد,, كلنا نحب سامي ونحب يوسف ونحب صالح ومع جميع الرؤساء لان هذي مصلحة الهلال والاهم نحب الهلال مايصير ينقسم الهلال إقتباس:
|
كلامك صحيح 100 % |
| الوقت المعتمد في المنتدى بتوقيت جرينتش +3.
الوقت الان » 11:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd