#1  
قديم 25/08/2007, 05:45 PM
زعيــم فعــال
تاريخ التسجيل: 19/10/2006
المكان: بين الامواج الزرقاء
مشاركات: 367
Thumbs up اتحد واحد يجيب شعر احسن من هذا لسامي!

سامي بن عبدالله الجابر .....

هذا النجم الأسطوري الذي تأتيه الإشادات من مشارق الأرض ومغاربها....

هذا النجم الذي سكن حبه قلوبنا وأمتعنا بأهدافه وإنجازاته......

مهما قلنا لن نوفيه حقه.....

يسرني ان انقل لكم ألفية القرن في النجم الأسطوري سامي بن عبدالله الجابر....

للشاعر الكبير : ناهض بن محمد بن زبن بن عمير البراق......

يقول الشاعر في مقدمه القصيدة

هذه قصيده أتمنى ان تعبر ولو بشيئ بسيط عن سامي الجابر الللاعب العلامه ليس فقط في تاريخ الهلال والوطن وحسب
وإنما في تاريخ الكرة العربية والأسيوية والدوليه......

لن أفيك حقك يا سامي ولن أعبرولو بجزء بسيط عن ما يكنه لك الجمهور الهلالي من حب وتقدير ولكن هي محاولة ولا يلام المرء بعد إجتهاد......

ألــفــيــة الــقــرن

ألف اولف من قصيدي بســــــــــــــامي ,,,,, وأكتب له أبياتي سفير الســـــــــــلامـــــــي
يستاهل الجابر عزيز المقامــــــــــــــــي ,,,,, يستاهل الحب الكبير وغــــــــــــــــلانـــــــــا

والبا بداء سامي وسمى بربــــــــــــــــه ,,,,, وصمم يروم المجد والفــــــــــن دربـــــــــــه
بداء صغيرٍ مير ما خاف قلبـــــــــــــــــه ,,,,, ثم أنفلج صبحٍ ينــــــــــــور سمــــــــانــــــــا

والتا تسلح بالهلال الذخــــــــيـــــــــــره,,,,, اللي غذاه أخلاق قبل المســـــــــــــــــــــيـــره
وأستفرس الجابر بسته خطيــــــــــــره,,,,, وأعلن وصول الذيب قبل الأوانــــــــــــــــــــا

والثا ثبت حبه بقلب الجمـــــاهيــــــــر ,,,,, أبدع وصال وجال يرقى المزاهيــــــــــــــــــر
ولا يجحده كود الخبول المغـــاريــــــر ,,,,, اللي سواد قلوبهم مـــــــا عــنـــــــــــــانـــــــا

والجا جبر عثرات وقتٍ تحــــــــــــــداه,,,,, ولا همه التجريح واللي تعـــــــــــــــــــــــــداه
رده بوسط الملعب يسكت عـــــــــــــداه,,,,, وياما أسكت أفواهٍ تنابح زمــــــــــــــــانـــــــا

والحا حمدنا الله وقلنا هـلا بـــــــــــــه ,,,,, ذيبٍ نعاج القوم قامت تهـــــــــــابـــــــــــــــــه
حطم كثيرين وتذوق عذابـــــــــــــــــه ,,,,, ناسٍ تحرو فيه يفقد هوانـــــــــــــــــــــــــــــــا

والخا خبت نارٍ ونار أشعــــــــلوهــــا ,,,,, ناسٍ ذممهم يا خسارة نســـــــــــــــــــــوهــــا
ولا همه الجابر مدامــــــه أبوهــــــــا ,,,,, سمى البنيه بالبطوله وجــــــــــــــــــــــــانـــــا

والدال دانت له الكوره بفنـــــــــــــــه ,,,,, يشهد له الإبداع واللي يســـــــــــــــــنــــــــــه
ويشهد له التاريخ ومن حسِن ظنـــه ,,,,, إنه على القمه تعـــــــــــــلى الأقرانــــــــــــــــا

والذا ذبح بالفن سامي خصـــــومــه ,,,,, وسطر ملامح في دفاع وهجومــــــــــــــــــــــه
والله يلوم اللي بحقدٍ يلومـــــــــــــــه ,,,,, يسعى لمجده شامخٍ ما أستهــــــــــــانــــــــــــا

والرا رعى عهده وراعى الأمــــانـه ,,,,, وأعلن مع الأبطال مقدم زمـــــــــــــــــــــانـــــه
وللعالم بإسره تأهل أقرانــــــــــــــــه ,,,,, قالو سعودي قال الأول مكــــــــــــــــــــــانـــــا

والزا زمان دار وهو ما تغيــــــــــــر ,,,,, يرقى وغيره بالطمــــــــــــــــــــــان يتـــــخـير
أثبت بروزة والجميع يتطـــــــــيــــر ,,,,, غابت نجوم ونجــــــــــــمنا ما خفـــــــانـــــــا

والسا سمى سامي بكل المجــــــالات,,,,, ما قال انا مُحارب ويكفي بطـــــــــــــــــــولات
عيا على هلاله وخاض المهمـــــات ,,,,, وأبدع وجاب من الذهب ما كـــــــــــفــانـــــــا

والشين شفنا كل شي وعرفنـــــــــــــا,,,,, سامي ولا غيره حبيــــب صـدفنــا
ولا يخاب بسامي اللي أملنــــــــــــــــا,,,,, أكمل بيوت العز بيتٍ بنـــــــــــانــا


والصا صدق من ظن في سامي الطيب,,,, ما خاب ظنه يوم جات المواجيــــــــــــــــب
حقق بطولاته وخلى العذاريـــــــــــــب,,,,, للحاقدين وفوق , فوقٍ خـــذانــــــــــــــــــــا

والضا ضوى نجمه ولا هي غريبــه ,,,,, أفضل مهاجم في بلدنا الحبيبـــــــــــــــــــــه
لله دره مهتوي للصعيبــــــــــــــــــــه ,,,,, وحتى الصعاب إستسلمت له هوانـــــــــــــا

والطا طبيعي كل شئٍ تحقـــــــــــــق ,,,,, من منبع الأزرق رجالٍ تخَلـــــــــــــــــــــــــق
قبله أبطالٍ بالهلال أتعملـــــــــــــــق ,,,,, وبعده يجينا خير , هذا مدانـــــــــــــــــــــــــا

والعين عيا سامي إلا يتجـــــــــــــدد ,,,,, لا قالوا إنه فل عيا ومــــــــــــــــــــــــــــــــدد
يرجع عليهم عانيٍ مـــــا تـــــــــردد ,,,,, ويثبت خطاهم مستزيد بدعـــــــــــــــــــــانـا

والغين غارو منك قالوو نهايــــــــه,,,,, قال تخسون وتونا بالبدايـــــــــــــــــــــــــــــه
انا الصعاب وحلها لي هوايـــــــــــه,,,,, انا الزعيم وكل صعب منـــــــــــــــــــــــــــانـا

والفا فتح للمجد صفحه و صفحـــه,,,,, وقال السعودي رابعه قال فرحــــــــــــــــــــه
أبكتب التاريخ ولا أنتظر مــدحـــــه,,,,, هذا الوطن نفداه باللي ورانـــــــــــــــــــــــــا

والقاف قال أمشو على ما تحبـــون,,,,, خمسٍ بطولاتي وكل ما تمَـــــــــــــنَــــــــون
في عام واحـد جبتهــــا لا تـــخافون,,,,, سامي مثل ما كان , غالي أثمانــــــــــــــــــا

والكاف كفيت المهمه ووفيـــــــــت,,,,, من معدنـــك ما يوم عنا تخليـــــــــــــــــــــت
يا سامي الجابر نحبك ولك بيـــــت,,,,, بقلوبنا تدخل وتلقى الحنــــــــــــــــــانــــــــا

والللام لاموني بحبك ولامـــــــــــو,,,,, ولا همني يوم قعدو لك وقامــــــــــــــــــــــــو
أحبك وتخسى عيونٍ تعامــــــــــــو,,,,, ومن لامني جعله يهيم بطمـــــــــــــــانــــــــا

والميم ماتوا ما نشدنا عليهـــــــــــــم,,,,, اللي على الجابر قصارٍ يديهـــــــــــــــــــم
يعزنا والهم دايم يجيهـــــــــــــــــــــم,,,, يا حظنا من مثلنا يا هنــــــــــــــــــــانـــــــا

والنون نور العين سامي الغالـــــــــي,,,,, اللي بعز الليل نجمه يـــــــلالــــــي
الكل يشهد له ومنا الجــــــــــــــــلالي,,,,, يستاهل التبجيل وأصدق رضـانــا

والها هتفنا باسمه سنين وسنيـن,,,,, من غيره الجابر حبيب الملاييـــــــــــــــــــــن
أبدع وسطر بالملاعب دواويــــن,,,,, ملاحمٍ تكتب غلاه ووفـــــــــــــــــــــــــــــــانــا

والواو واحة عزنا دوم خضــراء,,,,, لا غاب نجم قام نجم يتعــــــــــــــــــــــــــزواء
وهذا سبب حقدٍ علينا تشـــــرواء,,,,, ولا همنا دام الزعيم إحتوانـــــــــــــــــــــــــــا

واليا يسير الركب سامي يقــــوده,,,,, يم القمم يرقى ويافي عهــــــــــــــــــــــــــوده
سامي تليد المجد , مجدٍ يعـــــوده,,,,, نحبه وحب الهلالي غذانـــــــــــــــــــــــــــــــا
اضافة رد مع اقتباس
  #2  
قديم 25/08/2007, 05:47 PM
زعيــم فعــال
تاريخ التسجيل: 19/10/2006
المكان: بين الامواج الزرقاء
مشاركات: 367
ماحد رد زعلت ردو ياناس وش رايكم فيها....
اضافة رد مع اقتباس
  #3  
قديم 25/08/2007, 05:49 PM
زعيــم نشيــط
تاريخ التسجيل: 10/11/2006
المكان: القصيم
مشاركات: 837
صح اللسانك
اضافة رد مع اقتباس
  #4  
قديم 25/08/2007, 05:51 PM
كاتب أديب بالمجلس العام
تاريخ التسجيل: 20/10/2003
المكان: جارة القمر .. الخبر
مشاركات: 1,650
صح لسان شاعرها

وصح يد ناقلها

الله يعطيك العافية
اضافة رد مع اقتباس
  #5  
قديم 25/08/2007, 05:54 PM
زعيــم فعــال
تاريخ التسجيل: 19/10/2006
المكان: بين الامواج الزرقاء
مشاركات: 367
الله يعطيك العافيه يامطيع الهميمي
علني تعبت فيها بس هذي لعيون سامي
اضافة رد مع اقتباس
  #6  
قديم 25/08/2007, 05:58 PM
زعيــم نشيــط
تاريخ التسجيل: 17/07/2006
مشاركات: 524
صح لسان الشاعر ولاهنت يالغالي على النقل ,,


إقتباس
الرسالة الأصلية كتبت بواسطة نجم برشلونه
العلامه

؟؟
اضافة رد مع اقتباس
  #7  
قديم 25/08/2007, 06:04 PM
زعيــم متواصــل
تاريخ التسجيل: 07/02/2006
مشاركات: 154
صح لسانك بومحمد ويعطيك العافية
اضافة رد مع اقتباس
  #8  
قديم 25/08/2007, 06:04 PM
زعيــم فعــال
تاريخ التسجيل: 17/05/2007
المكان: الريآآإض
مشاركات: 250
صح لسانك يستاهل ابوعبدالله
اضافة رد مع اقتباس
  #9  
قديم 25/08/2007, 06:05 PM
زعيــم فعــال
تاريخ التسجيل: 19/10/2006
المكان: بين الامواج الزرقاء
مشاركات: 367
48 واحــــــــــــــــــــــد دخل ومافيه الا 3 اللي ردو ...... شكلي ابزعل من جد والله تعبان عليها....
اضافة رد مع اقتباس
  #10  
قديم 25/08/2007, 06:05 PM
زعيــم مميــز
تاريخ التسجيل: 28/08/2006
المكان: سديـر ديرهٌ آلخيـر ~~
مشاركات: 7,391
صح لسانك
اضافة رد مع اقتباس
  #11  
قديم 25/08/2007, 06:06 PM
زعيــم مميــز
تاريخ التسجيل: 07/02/2005
المكان: الشرقية ..
مشاركات: 6,993
صح لسان الشاعر وتسلم يمينك على النقل

مشكوور
اضافة رد مع اقتباس
  #12  
قديم 25/08/2007, 06:07 PM
زعيــم فعــال
تاريخ التسجيل: 11/09/2004
المكان: الرياض
مشاركات: 496
صح لسان الشاعر ولاهنت على النقل ..
اضافة رد مع اقتباس
  #13  
قديم 25/08/2007, 06:11 PM
زعيــم فعــال
تاريخ التسجيل: 19/10/2006
المكان: بين الامواج الزرقاء
مشاركات: 367
العفو..... ورد واقول كل شيء يهون لعيون سامي 9
اضافة رد مع اقتباس
  #14  
قديم 25/08/2007, 06:16 PM
زعيــم فعــال
تاريخ التسجيل: 26/04/2007
مشاركات: 382
صح السانك
اضافة رد مع اقتباس
  #15  
قديم 25/08/2007, 06:28 PM
زعيــم فعــال
تاريخ التسجيل: 19/10/2006
المكان: بين الامواج الزرقاء
مشاركات: 367
ملاحظه : القصيده منقوله ليس انا من الفها
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:23 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube