بسم الله الرحمن الرحيم
السلام عليكم ورحمة الله وبركاته
اولاَ ابارك لـ نفسي تفعيل العضويه بعد قرن من الزمن
ثاني حاجه والله العظيم إني هلالي متعصب ،، هلالي حتى الصميم .. يعني لايجي لي واحد
ويقولي مندس ومادري شنو
الحين اخش في الموضوع عن حبيب قلوب الكل الأمير محمد بن فيصل ( بوسلطان )اللي
نعشقه لـ حد الجنون حتى صرنا مانتحمل فرقاه .. يـ بوسلطان يـ الظاهره يابعد حيي انت
ليه كل هذا ؟ وين وعودك ؟ لاعب عالمي ومادري شنو ..!
وقربنا نتعاقد مع باسكال في الأخير طلع مجدد مع ناديه وجانا العضو ( الغريب ) بخبر
التعاقد مع لاعب خليجي بارز .. والكل متحمس من هـ اللاعب البارز اللي بيكون مع
القناص في خط الهجوم واللي بيشكلون هجوم ناري .. ومنهم من توقع عماد الحوسني لأنه
يعشق ويحب يلعب في الهلال وامام جماهيره .. واللي توقع بدر المطوع لاعب نادي
القادسيه الكويتي لأن الأمير محمد بن فيصل عضو شرف في فريق القادسيه الكويتي
واحد اعضاء شرف نادي القادسيه الكويتي عضو شرف في نادي الهلال وقلنا الصفقه
قريب بتنتهي لـ صالح الهلال .. واللي توقع اللاعب العراقي افضل لاعب في كأس آسيا
الأخيره يونس محمود وفي الأخير نقرأ خبر إلغاء التعاقد مع اللاعب الخليجي اللي
الجمهور متحمس له
ابغى اعرف يـ بوسلطان ليه تلعب بـ اعصابنا ؟ ليه هـ القساوه عـ الجمهور اللي يحبك
وحاطك تاج على راسه ... ليه ؟ طفح الكيل يـ بوسلطان والله طفح الكيل إذا كنت
مغصوب عـ البقاء رئيس لـ النادي ليه وافقت تستمر ؟ ليه تلعب بـ اعصاب محبينك ؟
والله ماقول الا الله يعيين هـ الجمهور المسكين اللي حاط إيده على قلبه خايف على
معشوقه الهلال .. فوق كل هذا يـ بوسلطان انت في امريكا لـ السياحه ومستانس وماخذ
راحتك ومبتعد عن ضغط الجمهور عليك وتارك ناديك ينجرح جرح تلوى الجرح .. ليه
مايصير حالك من حال بعض من اعضاء الشرف ؟ انا اول مره اشوف رئيس نادي يبغى
يحقق بطولات ويبغى يحقق الآسيويه اللي اشتاقت لنا واشتقنالها وهو جالس في امريكا ..!
يـ بوسلطان ترى الآسيويه مهرها غاااااااااااااااااااااااااااااااااااااااالي تعرف شلون
مهرها غالي ؟
والله ماقول الا راحت ايام الأمير بندر بن محمد
واتمنى محد يزعل من الجمهور .. لأني والله العظيم حالي من حالكم احنا مانرضى
بـ هالحاله اللي احنافيها .. ومصلحة الهلال فوق كل اعتبار
وعلى دروب البطولات نلتقي