ياإدارة الهلال يا محمد بن فيصل وش قاعد تسوي أنت وش التخبطات هذي وش التصاريح اللي كل يوم طالع بها في جريدة الكلام ماينفع وبصراحه خلاص ملينا تصاريح ملينا وعود ملينا جا وقت الجد بالنسبة لوضع الهلال حالياً والله مايبشر بالخير أبداً لاتعاقدات ناجحة فقر في الخزينه الهلالية وين راحت الفلوس وين راح الدعم وين راح الهلال قبل خمس وست وسبع سنوات ايام التعاقدات الناجحة ..

بإختصار ياجمهور الزعيم والله العظيم وضع الهلال الموسم هذا توقعاتي بنسبة 80% أنه أسوأ من الموسم الماضي ويتحمّل نتيجة ذلك رئيس النادي بإنفراده بالقرارات وتصاريحه اللي ملينا منها كل يوم والثاني طالع بتصريح واللاعبين هم نفسهم ماتغيروا ابداً واذا كان هم نفسهم اللاعبين ماحصل تعاقدات محلية او دولية بصراحه الله يستر على الآسيويه من الآن لأن الهلال حالياً مو مؤهل يقدّم أي مستوى في هذه البطولة الا اذا كانت بالحظ هذا شي ثاني ..

تذكروا كلامي وشوفوا زعيمكم وش يسوي السنة ذي وهم لهم التصاريح والتخبطات ونحن لنا الحسرة على نادينا ( حسبي الله ونعم الوكيل ) :upset: :upset: :upset:

الرسالة الأصلية كتبت بواسطة زعماوي (مشاركة 5946297) المـدرب أبخص بالفريق ... لكن على الادارة ان تفاوض لاعبين محليين من المعقول ضمهم للفريق .. والابتعاد عن اسماء يعتمد عليها فريق كامــل ,,