اخواني الطلاب في استراليا .... ممكن تفيدوني؟
 

السلام عليكم ورحمة اللة وبركاته
يالله حيهم وش الاخبار
ياشباب ممكن تساعدوني في مشكلتي
انا رجال ادرس في الصين ودراستي باللغة الصينية........:upset:
وانا من صغري امنية حياتي اني اتعلم اللغة الانجليزية
عشان كذا فكرت اني احول استراليا والدراسة في استراليا باللغة الانجليزية وانا سمعت عن استراليا ان فيها مضايقات وخاصة للسعوديين ( يقولون مضايقات قوية يعني تخلي الواحد يطفش )
عشان كذا انا الحين في حيرة من امري ( والله ياهي حيرة وسوسة من هالصيني )
الله لايهينكم تكفون ابي اعرف كيف الوضع هناك هل هو يطمن ولا لا ؟
يعني فيه امل الواحد يدرس هناك وهو مرتاح ولا لا
والله الهادي الى سواء السبيل

لا يخوي لا في مضايقات ولا شي

اول شي شكراً على المرور ............ ولا شرطة
ثقيل دم معليش تحملني والله من الهم اللي فيني
ثاني شي وش دراك عندك دليل؟
ههههههههه احس اني في اختبار
ايه صح وش دراك انت في استراليا او تعرف احد هناك
واذا كانت اجابتك بنعم وضح اكثر
مع الشكر
والله الهادي الى سواء السبيل

اخوي اضفني وانا اعطيك كل شي
[email protected]

ياليت يفيدوننا اللي باستراليا

لاني مقدم على استراليا ومحتار

السلام عليكم ورحمة الله وبركاتة
استراليا مافيها مضايقات ولا شى بالعكس الدولة امينة جدااااااا
بس انت على اى مدينة مقدم فى استراليا
نصحك تقدم على سدني مدينة كبيرة وفيها كل شى بس غالية نار

اخوك عاشق فن الفيلسوف سدني

ياشباب اللي يبي أي معلومه عن الدراسه في استراليا ( انا الان موجود في استراليا )

يتواصل معي على [email protected]

بالعكس استراليا اماااااان ولا بها اي مضايقات ..

بس الكلام على الحريم اللي يتغطون بالحجاب الكامل .. يتهزوءن بهـم :) .. لكن ماعمرهم مدوا يديهم ..

نسيبي من 5 سنين واهو في استراليا يدرس .. :) .. وانا الآن بإستراليا ولا شفنا هـ الكلام اللي تقوله :) ..

الله يوفقك .. وانصحك نصيحه .. ترا برزبن زينه .. صح ان الأسعار فيها شوي غلاء .. لكن ارخص من سيدني وقريبه منها "قولد كوست " .. تقريبا ً المدينه السياحيه الأولى :) ..

والله يوفق الجميع .. ولعلمك انا ناوي ادرس بإستراليا يوم شفت المعيشه فيها :) ..

هلااا اخوووي

توكل على الله

وحول بعثك على استراليا

الحمدلله الحين استراليا انا اشوفها افضل من امريكا

بمراحل

لان استراليا امن وامان

هذا اولا

ثانيا

المكافاهـ اعلى مكافاه يعطونا حنى

2229.25 دولار استرالي

هذا بالنسبه للمكافاهـ

بالنسبه للمدينه

المدن باستراليا تختلف اسعارها

مثلا سدني وقولت كوست ومالبورن

وبرزبن معاهن

يعدن من اغلى المدن الاستراليه

من حيث المعيشه والسكن

انا الحين في بيرث

الصراحه بيرث فيها ميزات وفيها سلبيات

يعني مثلاا من ميزاتها

تشوف الحمدلله كل الطلاب السعوديين يد وحدهـ

وكلنا نعرف بعض

وفيه يوم او يومين نجتمع مع بعض

نلعب كورهـ بلوت طائرهـ

بيرث مافيها زحمه طرق

المواصلات متيسرهـ

الباصات في الثانيه

بعكس اللي بالمدن الثانيه الكبيرهـ

السلبيات

الصراحه مافيها يعني اماكن سياحيه كثيرهـ

مافيها اماكن اللعاب مثل دزني لاند والحركات هذي

مافيه الا وحده او ثنتين بس

غير الملاهي المائيه

يعني ثلاث تقريبا

المدينه بشكل عام حلوهـ

وانت استخر ربك قبل كل شي

واي شي تامرني فيه انا حاظر او سؤال عندك

تحياتي

الوضع مره امان ومطمن اعزم وتوكل علا الله ولو تبغئ معلومات اكثر عن اسعار معاهد اللغه راسلني علا الايميل لكي استخرج لك قبول تقدم علا الفيزا عن طريقه
[email protected]

تسلمووووووووووووووووووووووون على المرور
والحقيقة كلامكم طمني وعلى العموم انا ان شاء الله يبيلي تكية معكم ....على الايميل طبعا........
واخذ العلوم كلها ان شاء الله وشكرا

الوضع امان مرررررره

انا في سدني يالحبيب و الاوضاع فله ..

وما عندنا مضايقات ابد .. وبالعكس إسكن بالاحياء العربية مثل :

اوبن - قرانفل - ميريلاند - بانكستاون - باراماتا - كلايد - بيرالا -لاكيمبا

حتى الشرطة حقتهم يخافون منك ...

و اللبنانيين و العراقيين هنا واجد و رهيبين ...

اجزم بس وربك ييسرها ....

انا اتوقع ان استراليا هي احسن بلد من ناحية معاملة السعوديين في الوقت الحاضر وميزتها انها بلد متعدد الحضارات لذلك تجد احياء بكاملها من جنس واحد ولكن عموما هي افضل بمراحل من دول اخرى كثيره وهي الافضل بنظري حاليا

طيب وش الفرق بين استراليا ونيوزيلندا
من ناحية:1- المعاملة للعرب والسعوديين بشكل خاص
2- الجامعات والمعاهد (من ناحية قوة التدريس والشهادة ايضا)
3- نسبة العرب
4- تقبل المجتمع هناك للتحدث معاك للاستفادة(خاصة في بدايات تعلم اللغه)
5- صرامة القوانين
ترى كل هل المقارنة او الاسئلة
للاستفاده لي خاصة
لذلك ارجو الافادة جزاكم الله كل خير