..][ إضافة وحذف وياقلب لاتحزن !! ][.. - نادي الهلال السعودي - شبكة الزعيم

شفشينكووو7 · #1 09/09/2007, 05:25 PM

بسم الله الرحمن الرحيم ..

السلام عليكم ورحمة الله وبركاته ،،

مساكم وصبحكم الله بالخير جميعاً ،، طبعاً أنا من النادر جداً إني أكتب بالمجلس العام ويمكن تستغربون الشي هذا ،، بس هالموضوع والله هو اللي شدني وقلت لازم نتناقش فيه ،،

الموضوع بكل إختصار هو جامعاتنا الحبيبه

وماأقول غير الله يخلف على اللي بعدنا إن كان هذي جامعاتنا

أنا بعلمكم وش صار لي هاليومين أمس واليوم ،، طبعاً أنا لي سنتين بالجامعه العام وقبله وكنت أضبط جدولي آخذه من النت وأضيف وأحذف وأنا بالبيت وأختار مواعيد محاضراتي بكل أريحيه ،، وكان يضبط الجدول معي

وكنت دايم أخلي الأربعاء أوف

لكن اللي حصل هالسنه شي غريب ! ..

طبعاً أنا من طلاب جامعة أم القرى بمكه المكرمه ،، المهم كانوا حاطين إعلان بموقع الجامعه إن دفعة 26 يبدأ التسجيل يوم الجمعه 26 / 8 .. جاء أخوكم في الله من صلاة الجمعه ذاك اليوم وأنا متشقق

لأني بعدّل جدولي وبخلي الأربعاء أوف

المهم فتحت موقع الجامعه وجيت بدخل على جدولي ولا فتح معي

قلت يمكن ضغط خلن أنام وإن صحيت فتحته ،،

والله يوم صحيت أحاول فيه وأحاول ومعيي يفتح

وهنا عاد جتن أم العبيد

وأعلنت الحرب ،، ويتصل علي واحد من اخوياي وقالي خذ رقمي الجامعي وشف جدولي ،، واحاول افتحه ومعيي ..

قلت له مافتح ،، قال خلاص باتسر من 8 وحنا عندهم

..

وحاولت انام وعيا يجين النوم ،، الشر يتطاير من عيوني ناويهم نيه شينه

.. ويوم صارت 8 ونص وانا بالجامعه ،، ورحنا لمّ سكرتير القسم وأخذنا الجداول والله متنا ضحك ،، كل واحد منزلين له اللي ساعتين واللي اربع وانا 7 ساعات

قلت ذولا شكلهم غلطانين محنب بترم صيفي حنا

..

المهم جينا للطامه الكبرى

.. رحنا لرئيس القسم قال انتظروني نص ساعه عندي اجتماع ومدري وشو للطلاب المستجدين قلنا طيب وننتظره ساعتين وشوي

بعدين جاء وقال وش تبون قلنا نبي نضيف مواد قال عن طريق النت قلنا مافي النت معيي وخربان ،، قال لا مافي اضافه !!!!

ويييييييييين لعبه هي يابو الشباب ؟؟

المهم قال انتظروا

وننتظر لين أذن الظهر وقعد يحاول بعدين قال اليوم مافي أمل تعالوا بكره ،، ونسحب عليه وننزل للعميد

قال غلطتكم انتم إنكم ماتخصصتوا <-- قسم إعلام ( سنتين وتتخصص ) ..

قلنا طيب وش يدرينا محد قالنا شي ،، قال الا فيه اعلان ،، اي اعلان كل يوم حنا هنا ومافيه شي قال لا فيه ،، قلنا معقوله فيه وكل الطلاب حقين دفعه 26 ماتخصصوا ؟؟ الإعلان مانزل ولا إنه نزل يوم وشالوه ،،

المهم قال اكتبوا خطاب التماس ووقعوا عليه ،، وتعالوا بكره ..

ورجع كل واحد مطأطأ راسه <-- متعوب عليه هالكلمه

.. والشمس تصقع فينا صقع

..

وجاء اليوم وجيناهم الساعه 8 وحنا عندهم

ومابوه ولا احد بالقسم

لاسكرتير ولا رئيس قسم ولا دكتور

يوم صارت 9 ويجون ،، ويجي رئيس القسم قال خذوا اوراق اضافه واضيفوا المواد العامه عندكم واضفناه ومن ضمن هذي المواد مادة ( اللغه العربيه 102 ) وهالماده صارت له قصه الله لايوريكم

..

المهم ونضيف المواد وجاء الدكتور قال خلاص يالله كل واحد يروح للأستاذ ( حاتم خيمي مساعد مدرب الوحده

) وتخصصوا عنده هو استاذ عندنا بقسمنا .. المهم ونروح ونتخصص ويعطينا ورقه فيها المواد حقت التخصص قال خذوا اوراق اضافه واضيفوهن ،،

ونآخذ وماغير ندّهر

ونضيف 3 مواد .. ونآخذ الأوراق ونروح لرئيس القسم عشان يعتمدها

يوم رحنا له قال لا انتم المفروض ماتتخصصون

<- ذا وش تسوي به بالله

والله إنه هذا كلامه ولاازيد عليكم بحرف قالنا لان انتم 26 ماتتخصصون الحين .. ويطرطع واحد من اخوياي قال يادكتور لعبه هي

ويدّهر الدكتور ويتصل على مدري مين وقالوا خلاص بكره بنسوي اجتماع وننزل لكم مواد المستوى الرابع .. لأنه صعبه ندرس هالترم بـ7 ساعات !!

وقضينا من هالسالفه ونجي لسالفة اللغه العربيه 102

سوينا ورقة اضافه وختمها رئيس القسم وطبعاً المفروض رئيس القسم يكون عنده علم إن الماده نازله هالترم ولالا ..

ختم عليها ونروح للجامعه اللي بالعابديه

واللي يدرسون بمكه يعرفون وين العابديه عن العزيزيه

ونروح والساعه كانت 12 وربع الظهر والشمس تصرررررررررررع

.. ويوم وصلنا هناك وتمرمطنا مرمطه ندور مبنى اللغه العربيه وتعرفون جامعه العابديه اوف بحر ماشاء الله

..

وأخيراً لقينا المبنى وندخل ونلقى عااااااااااااااااااااااااااااااااااااااااااااااااااااالم الله لايوريكم ،، ورئيس القسم قافل بابه والطلاب كلهم برا .. والمنسق كل مارحنا له قال عند رئيس القسم ،،

المهم وحنا واقفين عند باب رئيس القسم نبيه يفتح الباب عشان يختم لنا عالأوراق اللي معنا ونرجع لبيوتنا ،، وطلع الحمدلله وقال وش عندكم

قلنا نبيك تختم اوراق الاضافه ذي قال وش الماده ووش قسمكم انتم قلنا اعلام ونبي نضيف اللغه العربيه 102

ودخل وقفل الباب بدون اي كلمه

وندق الباب بعدين طلع قال الماده تنزل الترم الجاي مهوب هذا

والله بغيت اجدع الورقه بوجهه

وش هالمهزله ذي ليش ماقلتوا لنا من اول ..

ونرجع للعزيزيه والشر يتطاير ونطب على رئيس القسم حق الإعلام قال المشكله من عندهم موب من عندي ،، بعدين قال خلاص ضيفوا مادة ( الغزو الفكري ) وروحوا وقعوا عليها من المبنى اللي قدامنا حق كلية الدعوه ..

واوف ياهالمبنى

دخلناه وعاد تعرفون ماشاء الله كلهم مطاوعه الله يثبتهم .. بس فيه شي محزن

والله انهم يناظروننا بحقد وكأننا يهود

ليش طيب عشان مالنا لحى يعني

..

واكبر طامه لاجاك مطوع ويكذب عليك وعيني عينك !!

دخلنا على سكرتير قسم الدعوه وعطيناه اوراقنا قال موب عندي عند المنسق قلنا وين المنسق قال بالغرفه هذي الحين يطلع .. اللي عالمكتب ذا السكرتير ياطول لحيته ماشاء الله .. والمنسق اللي بالمكتب لحيته مثل لحية الشيخ محمد العريفي ماشاء الله بس الكذب شين يااخوان .. والله يوم طلع المنسق قال لنا السكرتير هذا هو ورد هالمنسق قال لا مهوب انا

ويوم حسوا انهم كذبوا وقدامنا جاء هالمنسق وحط رجله

وحطينا حرتنا بذا السكرتير قال والله انه هو ذا المنسق

..

واخذت الورقه قلت الشرهه موب عليكم عاللي يدرس عندكم

..

ورجعت السياره والشمس تدمر الواحد تدمير الله يرحمنا برحمته بس

..

وأعذروني عالإطاله وآسف إن كان مافيه تنسيق ولا شي بس والله اكتب لكم وانا تعبان ودي أنام

..

والعذر والسموحه وأتمنى أخذ آرائكم باللي صار وهل أنتم يصير معكم زي كذا ولالا

..

أخوكم

راشد ..

الـمـشـاغـب · #2 09/09/2007, 05:34 PM

مشكووووووور الله يعطيك العافية يالغالي ......!!!

000000000000000000

هلا وغلا راشد حبيبي .. هلا بالمتغلي اللي ما يرد وما يعطي وجه للزقات

والله يا بعدهم .. هذي مشكلة الجامعات عندنا .. ياخذون الجامعة فوضى وعلى كيفهم ..!

والمشكلة أن بعضهم يجهل أصلاً قوانين الجامعة..!!

ما أدري متى تنصلح الحال ؟

للأسف ... للأسف .. حكم مسؤولي الجامعات على الطلاب .. حكم ديكتاتوري .. وما يقدر الطالب ياخذ حقه

أبداً ..!!!

الله يقلع خشتك يا راشد .. الحين كل الطلاب بيجون يحطون حرتهم بهالموضوع بدال ما يحطونها بدكاترتهم المعفنين

ألف مرحبا ومسهلا بك في المجلس العام .. وياليت تنبسط هوون مع الخرفان ميسي وجرح وماجد وسالم وبقية القطيع

كن بالجوار

الحبيب3 · #3 09/09/2007, 05:47 PM

الله يعطيك العافية

NayeF.FC · #4 09/09/2007, 05:56 PM

معاناه ما بعدها معاناه لطلاب الجامعات في المملكه !

يمكن جامعه ام القرى أهون من كثير جامعات في المملكه

والله حنا يا طلاب أخر سنه بالثنوي اننا نتحطم لما نسمع سوالف الجامعات هنا

والله يعين

ڪـيــف الـζــآل ؟ · #5 09/09/2007, 06:02 PM

لاحول ولاقوة الا بالله ,,

صبر جميل والله المستعان ..

الله يعينكم ويسهل طريقكم..!!

الشكوى لله..!!

صقر فيصل · #6 09/09/2007, 06:05 PM

بواقعية..
الجامعات تحتاج للكثير من العمل عليها وعلى أنظمتها..
تحتاج الجامعات عندنا للمجالس الاستشارية أسوة بجامعة البترول واللي مجلسها الاستشاري يتكون من خباراء عالميين وسعوديين للارتقاء بمستوى الجامعة..

الله يسهل لك أمورك أخوي شيفشنكو..

G o L d E s T · #7 09/09/2007, 06:05 PM

والله ما حاس جامعاتنا الا العجز و الكسل بالموظفين

كل واحد يحلت الشغل على اللي بجنبه

واذا انزنق وما لقى أحد بجنبه قال تعال بكرا وافلقني اذا شفته

والله شي يقهر !!

dal3_uae · #8 09/09/2007, 06:10 PM

الله يعينكم ...

الله وياكم ان شاء الله ...

من صبر نال ...

** عاشق البحر ** · #9 09/09/2007, 06:25 PM

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ!

وت از ذس ؟؟!

ربي يكون فعونكم .. والله اني حاس بمعاناتك ..

خيوو .. انا اخذ صيفي .. واجازتي 12 يوم يمكن ..
5 منها استقطاع للجدول ..

اولا انا بحامعة الملك عبدالعزيز ..
جداولنا ع النت اي نعم ... لكن هذا السنة غيييير ..
جانا رئيس قسم ( سنع ) وبيسنع الناس ..
مادة ماخذت متطلبها ماتاخذها ( وحسبي الله على اللي خبص الخطه )

انا ماعانيت من هالمشكله .. لاني مخلص كل المتطالبات .. الا وحده .مااحتاجها الان ..
اممم,,
مشكلتي ياسيدي الكريم .. ( الشعب الدراسية ) فللللللللللللللللللللل
فل يعني ماكو مكان .. استاذنا الكريم يقول 35 طالب وبس ..
ولن اضيف الا لخريج او مستجد بالقسم مانزلت له ..
وعلى هالنقطه انا سردادي مردادي .. ابغى انزل ماده بس موراضين ..
تخيل الترم القادم ان خريج - باذن الله - ولاازم اخذ مادتين ( كتابة 1 + كتابة 2)
كيف يادكتور لازم تنزل وحده .. قال الترم الجاي ماحد يطالبك بمتطلب .. وراح تدرسها مع بعض ..

مشكلتي الثانيه .. في يوم الجامعه الموافق 25 شعبان .. 16 السنبلة .. وفي صباح يوم هادئ ..
اتصل احد الشباب مخبرا ان احدى الشعب .. نقصت طالب .. وانا اللي ازقح بسررعه واحذف مادة ..
لكن ليتني لم افعل .. فقد تعطل النظام .. واصبح جدولي ناقص مااده ..
السبت سردادي مردادي من وكيل الى رئيس قسم .. والذي رفع سيع ووضع مثلهن .. ماطلعت من الجامعه الا حواالي الساعة الثالثة ظهرا ..
لاضافة مادة تدعى ( الشعر ) لاتفاجأ فالمساء بنزول مادة ( لغة فرنسية )
وووووش اسووووووي ؟؟!

اخطاء رئيس قسم سابق .. الرئيس الجديد يتحملها .. نلوم من ؟؟!
وكيل الكلية متجاوب جددددددا .. وجزاه الله خيرا .. لكن هل يستطيع لوحده مساعدة كل هؤلاء ؟؟! مستحيل طبعا ..

اخي الكريم .. مشكلتي تهون عن طلبة نزلت لهم 6 ساعات .. و 9 ..

ختاما لا اقول الا ...
حفظ الله لنا وكيل الكلية ورئيس قسمنا ... والله ينتقم لنا من الرئيس السابق ..
لاني لو شرحت لكم مصائبة .. والتي لازلنا ولازال الرئيس الجديد يتحملها .. بتبكووووووون على حالنا .. ولا عزاء للطلاب ..

انتهى , , ,

طبعي كذا · #10 09/09/2007, 06:32 PM

اخوي انا في قسم الاعلام في جامعة الملك سعود صارلي يومين اراجعهم بس لاعلشان اغير توقيت مقرر من المقررات عاد تعال شف النفسيه كانك جاي تطلب منه فلوس يتكلم من طرف خشمه وبعدين واحد يحولك لواحد وكل واحد نفسيته اقشر من الثاني الله يعين ويصبرنا على بلونايعني توني بادي في المستوى الثالث وباقي خمس مستويات بنعاني من دكاترة القسم وادارة القسم وبنعاني من انظمتهم الى كل يوم جايبلنا نظم جديد انا اخبر النظام الجديد لتسهيل الامور لكن هم لتعجيز الامور اعذرني على الاطاله وتقبل مروري

...SoMe OnE... · #11 09/09/2007, 06:33 PM

,,,
,,
,

لا استطيع ان اقول ..
الا اعانكم الله على ماابتليتم بـه ...
الصبر الصبر اخي الطالب ...

****

كن بخير
...SoMe OnE...

القيصر رهيب · #12 09/09/2007, 06:45 PM

طيب الحين يعني بتزعل عليهم ولا راح تدرس

ولا بتدرس 7 ساعات

عالعموم الله يكون في العون

هلاليه حتى المووت · #13 09/09/2007, 07:23 PM

الله يكون بعونكم
ومشكوووووور

عاشقة الزعيم15 · #14 09/09/2007, 07:34 PM

الله يعينكم كله كوم وكليتنا الموقرة كوم ثااااااااااااااااني

ايش بقول وايش بخلي

عـ الاقل انتم نظام ساعات لوتشوف نظامنا تقول الحمدلله عـ النعمه
احنا ياخوي ناخذ كل ترم 10 مواد يعني 20 مادة طول السنه ومايحق لك ترسب على الاقل الى بثلاث مواد
ولو زاد عن 3 مواد تعيد السنه لا وكل ماده ساعتين
تصور نجلس ساعتين بالمحاضرة والله قرف

لا ورحت احول من الادب الانجليزي ماخلوني ممنوع

فتحت مواجع والله

إقتباس


	الله يقلع خشتك يا راشد .. الحين كل الطلاب بيجون يحطون حرتهم بهالموضوع بدال ما يحطونها بدكاترتهم المعفنين

صادق والله

الله يكون بعون الجميع ويصبرنا يارب

تحياتيـ

عاشقة الزعيم15

شفشينكووو7 · #15 10/09/2007, 05:58 AM

يعطيكم العافيه كلكم عالمرور ،،

وعلى تعليقاتكم وآرائكم النيّره ،،

لاتحرمونا من نصائحكم ،،

شاكر لكم مروركم مره ثانيه والله يكون بعون جميع الطلاب ،،

أخوكم

راشد ..