بصراحه بدون (مجامله) مين افضل (ياسرقطر) او (ياسرالسعوديه) !!!! فوجئت البارح في الليل وانا اشاهد قناة الجزيره الرياضيه في مباراة بين بورتو وسبورتنغ براغا ان الاعب القطري حسين ياسر موجود في فريق براغا لا ونازل اساسي من بدايه المباراه والصراحه قدم مستوى جيد وانسجام متميز مع انها اول مبارة رسميه وخصمهم فريق قوي الي هو بورتو صراحه وبدون تجني الولد يلعب ومن افضل صناع اللعب في الخليج ويستاهل الاحتراف وكانت له تجربه سابقه في الدوري الانجليزي المهم هل هو افضل من لاعبين المملكه فياسر والشلهوب وعزيز ومالك ونور والمنتشري كلهم افضل من ياسر القطري لكن ماحصلوا على الفرصه وماسمعناه هو عروض وهميه لا اكثر فاين مكمن الخلل؟ من وجهة نضري ان الجزء الاكبر يتحمله الاتحاد السعودي فكخطوه اوليه يجب عليه تسويق الاعبين على مستوى عالي والتنسيق مع اكبر مكاتب التعاقدات في المنطقه وهذا ماسمعناه من الامير نواف ونتمنى ان يطبق على ارض الواقع فالمنتخب هو اكبر المستفيدين كذلك على الاتحاد الموقر وضع حد للمبالغ الخرافيه في السوق السعوديه فمثلا لو جاء عرض للاعب سعودي من ريال مدريد بمليون دولار اي مايقارب اربعه ملايين وجاه عرض من نادي الاتحاد باكثرمن ثمانيه ملايين لمده سنه اعاره وين بروح؟ اترك الاجابه لكم |
فيه لاعبيين سعوديين كثير يستحقون ان يحترفون |
والله انك صادق لكن عندي احساس ان لاعبينا منبوذين بالعالم اعوذ بالله يحسبونهم ارهابيين |
كلام جميل اخوي وفيه لاعبين ممتازين وافضل من حسين ياسر واتمنى انهم يحترفوا في الخارج |
حسين ياسر الله يوفقه وياسر القحطاني ان شاء الله الجايات احلى |
حسين ياسر هو من بحث عن الاحتراف |
حسين ياسر لاعب متميز وسبق وان احترف في الدوري الانجليزي في مانشستر سيتي وبروضو لاعيبة المنتخب تجيهم عروض لكن غالباً إدارات الأندية هي اللي تعرقل احترافهم... مثل ماحصل مع نواف التمياط مع نادي رودا الهولندي قبل كأس العالم 2002 |
شاهدت المباراه وكان متحمس وهو يلعب... بس بصراحه مستواه عادي جدا ... كيف تقول من افضل صناع اللعب وهو اصل اناني مايناول الا بعد حب خشوم ! اعتقد اللي ساعده يحترف .. السيره الذاتيه ... تدرب في مانشستر يونايتد... وفي مان سيتي... للاسف لاعبينا يبغون يحترفون عالطول في انديه كبيره !! وكل لاعبين لاعبين العالم تدرجوا من انديه صغيره الى كبيره.. اللاعبين السعوديين ... يبغون في ميلان والا البرشا او ريال مدريد !! فيه عزيز والغامدي ياسر ونور اتوقع براحه يحترفون في اوربا وانديه متوسطه |
شكرا للجميع مرورهم الجميل zooom صناعة اللعب المقصود فيها مركزه وليس اسلوب لعبه ولو بيستمر باوروبا اكيد ببطل الانانيه |
خلها بالقلب تجرح .. أحسن ماتطلع وتفضح ... والله اللي يشوف ياسر و الشلهوب ونور و المنتشري وخالد عزيز والغامدي وماك ... ومن الجيل السابق يوسف و النعيمة والدعيع إخوان ووووووووووو إلخ إلخ إلخ يتعب ... هناك سر في الاتحاد السعودي ... ولا ميدو أو حسين ياسر أحسن من اللي عندنا ... والله ياجماعة الخير في عندنا لاعبين ممكن يحترفون في أكبر الأندية تشلسي و المان والبايرن والميلان و الانتر واليوفي ... لكن مانقول إلا حسبي الله ونعم الوكيل لكن لاحظ .. هالأندية ماعندها منتخب بلادك مسوي معسكر اعدادي من ست شهور يعني اترك ناديك ورح لم المنتخب الزبدة الاحتراف يبدأ من منصب الرئيس العام ..... احترامي لك أخي ... موضوعك أقل مايقال عنه أنه رائع افتقدنا مثل هالمواضيع الفترة الماضية |
والله منى عيني أني أشوف حبيبنا القناص محترف في أروبا وغيره من لا عيبتنا |
يبطي هههههههههههه |
يأأأشيخ وسع صدركــ .! :d |
هههههههههههههههه مسكين وانت مصدق ان اوروبا ميته على ياسر القطري هذي كلها من ابن همام داعمهم عشان يكون فيه لاعب قطري محترف في اوروبا لايهمك واذا كان معجبك لعبه,, يبطي مايجي مثل ياسر السعوديه |
ياسر افضل لاعب في اسيا |
الوقت المعتمد في المنتدى بتوقيت جرينتش +3.
الوقت الان » 11:21 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd