|
سؤال وجاوبني عليهـ ..!! لماذا تتدافع عن رئيس نادينا المبجل ..!! بعطيكـ رابطـ واقراهـ على اقل من مهلكـ ..!! هذا الرابط ..:: http://www.sami9.net/vb/showthread.php?t=76998 وانتظر ردكـ بعد قرائتكـ للموضوع ..!! تحيوياتي .. عزوز |
انتظر اجابتكـ ..!! |
إقتباس:
متحمس واجد اليوم مجنون سامي عموما توني افضى للنت رغم اني مشغل الجهاز لكن توني ارجع حبيبي اولا من كتابتك انت من يبجل سامي قبل الهلال واضح حبك لسامي اكثر من الهلال اجل تتكلم على محمد بن فيصل وتقول الصغير من الصغير هل هو بسنه ام بأفعاله جب لي اكبر رئيس مر على الهلال والانديه مجتمعه وقارن انجازاته بمحمد بن فيصل النتيجه مايحتاج تتعب نفسك معروفه لمن انها لأمير نصف الأرض بعدين اخوي المفروض تنقح عباراتك اذا جيت تكتب عن امير الهلال :razz: :d سامي وسامي وسامي على عيني وعلى راسي وله الشكر الجزيل على ماقدم وسيبقى سامي كبيرا في اعيننا واسطوره مهما كان لكن اين سامي من الموسم الماضي وهو اجازات تهزيتوا بمحمد بن فيصل وهذا سامي الى يومك ماندري عنه هل بيعتزل ام بيكمل ارجو الا تأخذك العاطفه للاعبك قبل فريقك ............. اسمحلي اقولك الكلام الي نقول ناقله من ثقات كلام ؟؟؟؟؟ لاتزعل بس هي الحقيقه اجل يقول للدعيع يا؟؟؟؟ ويرد عليه الدعيع ؟؟؟؟ ياخي سوالف ناس متكيه في الفصل :clap: هههههههههههههههههههههههههه الى اللقاء والهلال في نقاء |
بصراه هذولي ناس مالها بالكةره مع احترامي تبي كل شي بسرعه طيب بدل الكلام روح ادعم النادي؟ يكفيك ان هالرئيس اللي ما اعجبك مدحه رئيس البرشا وقال انه افضل رئيس نادي شاب رايته في حياتي والله ناس ترفع الضغط والسكر والملح بعد؟؟؟؟؟؟؟ |
[quote=امير نصف الأرض;5924093] استقيل مانبيك لأنك ماجبت لنا كاكا الاصلي :d هذا اللي ناقص ههههههههههههههههههه حلوة ذي أول مره أسمع فيها :d ياخي ريال مدريد ماقدرت تاخذه :yes: ونجي أحنا نقول هــذا الكلام :no: عيب والله عيب :nono: خلونا نكبر عقوووولنا :yes: أحنا جماهير زعيييم نصف الأرض :thumbup: :thumbup: ومشكوووو أخوي ع الموضوع s60s |
إقتباس:
وش تقول الدعوه فيها دعم لا ماعاد يقربون محمد بن فيصل بيقلبون على اعضاء الشرف :d ايه هين قابلني لو تفهم فيهم سنه فيه قفل مصدي وضايع مفتاحه يعني انسى [quote=آمـــال;5925895] إقتباس:
العفو ماسوينا شي هذا اقل شي نسويه لأمير نصف الأرض من اتى بياسر من حقق الخماسيه من جلب الاستثمارات في عهده من اعاد الجمهور الى وضعه الطبيعي وبزياده بعد من زرع فينا حب الهلال اكثر من اي وقت مضى |
إقتباس:
الأمور ما تجي بالعصبيـة هذي وما تجي بفرض الراي ثانيـا : من ذكر لك إن مطالب الهلاليين فقط لاعب !! ثالثـا : انتقادنـا لأبو سلطـان لا يعني كرهنـا له ولكن هنـاك هـدف معين الي هو يتمثل بالرقي بنـادي الهـلال بغض النظر عن الأسمـاء والإنجـازات السابقة لأن نظرتي حالية ومستقبلية وإذا كان الشخص المخول بالأمر سيحتج بمـاضيـة فـ الماضي أنتهى ولا له وجود غير الذكريـات والذكريـات لا تصنع الإنجـازات يا أخي من حق كل واحد من الجمهور أن يرى فريقـه أفضل الجميـع لكن إذا رأيت البوادر بكل أسف ـ ضعيفـة ـ مبتدئا بالخلافات داخل الإدارة وكثرة الاستقالات .. مرورا على التخبط في القرارات .. إضافة إلى الإعداد السيئ .. وإلحاقا بعلم الإدارة بخلل معين والتغاضي عنـه .. تصعيدا في كل فترة بقرار الاستقالة .. إلمـاحا وتصريحـا بأزمـات ماليـة .. وانتهاء بابتداء الموسم وعدم تحسين أي خط في الفريق بغير لاعب واحد مغمور كل هـذه الأمور تجعل الشخص سواء كان عضو شرف أو مشجع أن يتوقف ويراجع حسـاباته ويبني افتراضاته ومن أهمهـا : أنت يا رئيس النادي إذا لم تستطع المواصلة على ما أنت عليه فـ دع الفرصـة لمن يستطيع إنجـاز شيء بدلا من الشحاذة على الفضائيات والتلميح والتجريح في أعضاء الشرف يا أخي .. أنا كـ عضو شرف إذا سمعت شخص يتعرض لي أمـام الله وخلقه وقدام الي يسوى والي ما يسوى وأنت تطلب مني ( تفضل ودعـم ) ولست ملزم ولا مجبور أن أدعم في كل فترة بل هي مسؤوليتك أنت كرئيس نـادي .. أنت رئيس النادي أنت الملزم بذلك إذا كنت لا تستطيع ذلك فـ لمـاذا الإصرار على الاستمرار ؟ هـنــا السؤال المحير لكل شخص : رئيس النادي قال إذا لم أجد الدعم لن استمر لم يجد الدعم لماذا استمر ؟ الآن وفي بداية الموسـم ونقرأ ونسمع عن أزمـة ماليـة ؟ هــل سيعلن الإفلاس في منتصف الموسـم ؟ أم أنهــا حجـة مقدمة الدفـع عند فقد البطولة أننـا كنـا نطالب بدعم ولم نجـد لذا خسرنا البطولة ؟ يا أخي عفوا وداعـا للمجـاملات إذا كان الأمير محمد بن فيصل لا يستطيع الاعتمـاد على نفسه في رئاسة النـادي فـاستقالته مطلب أخيرا أحنـا جالسين نمشي على خطـى نادي الفقر خطوة بخطوة : إصرار الرئيس على البقـاء وخل عنك سوالف رضخ لضغط الجمهور >> مثلهـا مثل تمسك عبدالرحمن بن سعود بالإدارة خلافـات داخل الإدارة >> وهو موجود إلى اليوم عند النصر مشاكل ماليـة >> وإلى اليوم ونادي الفقر يعيش على الزكوات وأحنـا صرنـا نسير على خطاهم عندنا آحـادية في القرارات >> ومثله عند النصر على أيـام عبدالرحمن بن سعود وإلى الموسـم الماضي عندمـا أصر عضو شرف نصراوي على جلب ديلنسون عندنـا تقديس الأسماء مع البعد عن الأداء وأعني ( الإصرار على بقاء سامي ) >>> عندهــم ماجد ما أعتزل إلى لمـا صار مايقدر يمشي مو يركض عندنـا الإبقــاء على أسمــاء منتهية الصلاحيـة ولك أمثلة ( المفرج وطقته ) >>> وبالمقــابل عندهم الجنوبي وشلته عندنـا ( كـان ) الهلال حقل مواهب ويصعد كل سنة أسمـاء جديدة ثم تدهور بشكل غريب >>> وعندهـــم مثل هذي الحــالة بس هم أسوء شوي عمومـا لا أريـد أن أزيــد في المقارنــات لكن أحنــا نمشي على خطواتهم الله يستر ويعين آخر كلمـة : أقطع الطريق على أي شخص يحاول يشكك في هلاليتي أنــا هـــلالي وأقرب منك لنـادي الهـلال لكني أختلف عنك بأني ( هـــلالي غيوووور على سمعـة هذا الكيــان الأزرق ) |
إقتباس:
اولا حياك الله اخوي في القائم ثانيا : من قال لك اني معصب وابي افرض رايي ...... ثالثا : ارجع للمنتدى لمدة اسبوعين وتعرف وش كانت مواضيعه طلعوا سماسره وانا ماندري كل يوم جايبين لاعب وكل يوم تعاقدوا مع هاللاعب فلته رخيص وغيره كثيره رابعا :لانختلف على الانتقاد وهو حق مشروع للجميع لكن ان يأتي اطفال النت والمرتزقه ويجرحوا محمد بن فيصل فلا والف لا وسنقف في وجوههم انتقد للعمل وليس للشخص بأغراض شخصيه ولعلمك كانت حمله مركزه من اناس يريدون هزيمة محمد بن فيصل وهذا واضح فلم نعهد ان تمارس على رئيس نادي الهلال تلك الحملات في السنين الماضيه الا هذه السنه ........ مرحبا بالذكريات التي تأتي بتلك البطولات وهل تنساها او لاتحب ان تتذكرهاولن يأتي احد بتلك الانجازات وستذكرون فقط محمد بن فيصل هو وحده من حقق تلك البطولات ....... بتجاوز الاداره والاستقالات لأننا لانعلم اسبابها الاعداد ليش سيئ وين تبون بسويسرا ولا اسبانيا خلاص تونس وع ياخوي العبره مو بالدوله العبره بالتجهيزات والراحه للفريق لو راح الفريق لسويسرا كان ماقلتوا الاعداد سيئ بس عشانه راح تونس خلاص المعسكر فاشل عطني اسباب تأكد فشل المعسكر موبس نقول الكلام وخلاص بعدين كيف تحكم على المعسكر والفريق توه مابعد بانت نتائجه عشان تقول معسكر سيئ ؟؟؟؟؟؟؟؟؟؟؟؟؟ اعضاء الشرف اللي يترززون وينهم كل واحد منحاش ماشفناهم يوم احتاجهم الفريق ورى ماحشيتوهم وين الدعم اللي مواعدينه محمد بن فيصل بعد مانحاشوا محمد بن فيصل ماهو شحاذ عشان تقول هالكلام( المفروض من هلالي غيور على قولتك) ماتقول هالكلام محمد بن فيصل موعود ويطالب باللي وعدوه ولاهو ماهو فحاجتهم هم وفلوسهم والدليل السنه الاولى مااحد صرف على النادي الاوالده فيصل بن سعود لكن بعدين الرجال قل دعمه واحتاج الفريق لدعمهم وينهم ماعندك احد ؟؟؟؟؟؟؟؟؟؟؟؟؟ تبغون لاعبين تعززون الفريق يالله على يديكم انصاف لاعبين ومعروضين 15 مليون ويفكرون بعد انهم يعطونكم اعاره هبال بس جيبوا لنا هاللاعب وماعلينا من الفلوس (غير ياسر مافيه احد يستاهل اكثر من 8 مليون ) والا خلاص صاروا نجوم بعد كاس اسيا وارتفعت اسعارهم هذا انتم تخربون صفقات الهلال بمطالباتكم المتكرره وذوليك يشوفون الضغط الجماهيري على الرئيس ويحطون ذيك المبالغ التعجيزيه وانتم ماعليكم اهم شي يجي اللاعب واذا ماجا قمتوا تسبون في الاداره وانها فاشله وانها فيها وفيها والسبب انتم جماهير اللاعبين والعاطفه وليس جماهير النادي مطالباتكم العاطفيه هي سبب نكسات الهلال .......... دبر 25 مليون ويجيبهم لك محمد بن فيصل غير كذا خلوكم على شباب النادي فيهم الخيرولا هذوليك من كوكب ثاني ماطلعوا من الشباب ؟؟؟؟؟؟؟؟؟؟؟ ودي مادخلنا في مقارنات مع غيرنا خلنا على فريقنا ماعلينا من احد بعدين الزعيم غير كل الانديه .......... اخيرا : من قال انك مو هلالي غيور احد جاب طاريه انت من شكك في هلالية غيرك اجل انت اقرب مني ماشاء الله هنيئا لك بهذا القرب اللي ينخر في رئيس النادي واحنا وش نكون طال عمرك دامنا نختلف عنك مرحبا بهلاليتي للهلال وليس للأشخاص التابعين ....... (((((((( الى اللقاء والهلال في نقاااااااء )))))) |
جبتهااااا ع الجرح................ s60s s60s s60s s60s s60s |
اي والله من جد شي يقهررررررررر ويفقع الكبد هذا الي ناقص والله مايدعم الهلال الا هو وابوه وعمه وولد عمه يعني عائلته بس بعدين اذا اعضاء الشرف ماساندوا وهو وش ذنبه من وين يجيب فلوس اللاعب الاجنبي يعطيك العافية على الموضوع والل جد يقهرووووووووون واكثرهم مندسين |
وش عليك منهم.. القافله تسير والكلاب تنبح |
يسلم فمك ياخوي وياليت يستوعبون الكلام اللي كتبته!!! وكل من اساء لرئيس الهلال بكلام جارح خارج عن الادب والاخلاق يدل على تربيته!!! ((والاناء بمافيه ينضح)) بعدين كلام قسم بالله ماادري وش اقول عنه كنه يشتغل عندهم !! بعدين الامير محمد تارك دراسته وشغله وحارق عمره وكل علشان مين مو علشان الهلال وجمهوره!!! ولا اللي زاد الطين بلة انهم نكروا كل اللي سواه للهلال من جلب لاعبين وانجازات تسجل بسمه واسم الاعبين ونادي!!! بعدين تحس فيهم تناقض غريب هم اللي طالبوا بعدم رحيله يوم استمر في الرئاسه !!من غلطة او غلطتين قاموا يسبون ويقولون مانبيك واستقيل واشياء غيرها! مااقول الا الله يصبرك على بعض الجماهير الغير واعيه يامحمد بن فيصل!! وشي الثاني بالذات هذا وقت حساس مفروض مانتكلم عن الاستقاله فيه!!! بعدين ابسأل هذولا اللي يطالبون بلاعب اجنبي يكون عالمي بعد ابسألكم بالله كاكا روني اوغيرة بيجي للسعودية علشان يحترف فيها ويترك انديه الاوربيه وياليت نحلم على قدنا وان جاء جاء علشان الفلوس موحب في الهلال والله ان يصيرعبأ على الفريق مو داعم له!!! واخيرررررررررررررررا خلينا كلنا نكون خلف الادارة الهلاليه ونكون لها سند وعون!!! |
صح لسانك اخوي .. والله من زمان وانا ودي اكتب موضوع بس كنت متردد. يجب ان يثبت هذا الموضووع |
شكرا أخوي كلام عين الصواب تحياتي... نواااف20 |
يازمان العجايب وش بقي ماظهر |
| الوقت المعتمد في المنتدى بتوقيت جرينتش +3.
الوقت الان » 04:13 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd