|
بسببكم يا شباب الرياض السلام عليكم ورحمة الله وبركاته في ظل الظروف الراهنة التي يمر بها الزعيم ( واللي الكل يعرفها) أريد اوضح نقطة واحدة مطفشتني واللي هي: شباب منطقة الرياض من جماهير الزعيم ليش ما يحضرون مباريات الزعيم اللي في الرياض بس ( وجزاهم الله خير ) هم ما يعرفون انهم ( حاسوا الدنيا على جماهير الزعيم المتواجدين خارج الرياض ) أنا عن نفسي كنت احضر جميع مباريات الزعيم من 3 مواسم اللي تلعب في نهاية الاسبوع في الرياض والقصيم وحائل . كنت اقطع 1400 حتى اشوفها والجماهير اللي في الرياض ما يحضرون ليش؟؟؟؟؟؟؟؟؟؟؟ هم يعرفوا ايش سببوا بعملهم هذا ؟؟؟؟؟؟؟؟؟؟؟؟؟؟؟؟؟ اجبرونا نجدد الاشتراكات في ال ART بضعف السعر لان مباريات الهلال مشفرة لشهرين . وكل هذا بسبب الازمة التي يواجهها الهلال. يا شباب الرياض تكفووووووووووووون احضروا المباريات اللي في الرياض مو بس من اجلنا لكن من أجـــــــــــــــــــــــــــل الزعيم . ودمتم.............................. |
اخوي والله يحضرون اكثر الشباب بس كثرة المقاهي والجلسات صار الجميع مطنش الملعب بس اتوقع هذا الموسم غير للزعيم وجمهوره بأذن الله |
ان شاءالله يكون الحضور السنه هذي غير ,, |
شكرا لمرورك لكن ( مـــــــــــــــاأتوقع ) |
ياشيخ لو انا بالرياض |
والله اخوي فيه نقطتين ودي اعلق عليها انا من شباب الرياض واحضر المباريات الكبيره لكن 1_ وقت الصلاة ممنوع انك تطلع تصلي المغرب مثلا وترجع؟؟؟؟ احد يبيع دينه عشان دنياه؟ ماتوقع اخوي 2_ تصرفات بعض المشجعين الغير لائقة والمحسوبة على جماهير نادي الهلال احيانا تجبرك على عدم حضورها وصدقني هذا حال كثير من الشباب تحياتي لك |
. الله يوفق الزعيم |
والله انك صادق اخوي اه لو بس انا بالرياض |
ياليييييييت اقدر كان اكون من عز القايله وانا في الملعب بس انا بنت |
باذن الله الحضوووووووووور الجماهيري يكون غفير لهذا الموسم,,,,,,,,بداية من مباراة الوطني وحتى آخر المطاف,, وبالتوفيق للهلال,,,, |
الحظور الموسم هذى غير انشاء الله |
سام 6 الهلالي ارجو منك ان لا تعمم على كل الجماهير |
يعطيك العافيه . كيف مانحضر كم مباراة نملي المدرجات في الملز أو بالأستاد الملك فهد رحمة الله عليه . نحن الرقم الصعب حتي بالمباريات الغير مهمه نحضر |
اخوي انسى اللي راح وشوف الموسم هذا راح نسعدك ونطرب اللعيبه بالأهازيج وين مايروح الازرق انا وياه |
إقتباس:
واشياء كثيره تخليك تكره الحضور :wallbash: |
اخي الكريم ... ماتفعله اداراة ملاعب الرياض ضد كل ماهو ازرق هو السبب الاول والاخير في عزوف الحظور الجماهيري فالمشجع الهلالي ممنوع يدخل بشال ممنوع يدخل بموي في هالحر ويفتشونه تفتيش حتى خطر انهم يشلحون ملابسه بالكامل واذا بغيت تناقش الهمج يقومون بانواع الاذلال كالظرب والاهانه وغيره واذا دخلت للملعب وخصوصا الملز يالهي اجهز التبريد في كل مكان والجلسات مريحه جدا ونظيفه جدا والمشروبات البارد والساخنه تأتيك من كل مكان وشاشه كبيرة تعيد ابرز اللقطات وتظمن ان لاتفوتك ولا لحظ امتاع هلالية.... المواقف حدث ولا حرج مواقف ملكيه لا تمشي اكثر من 100 متر للعود الي سيارتك واذا وصلت لسيارتك لن تجد الزجاجه مكسورة والمسجل غير موجود لان هذا مستحيل ومع ذلك حاظرين حاظرين... |
ان شاءالله يكون الحضور السنه هذي غير ,, |
إقتباس:
اوافقك الرأي .. نجبر على جمع صلاة المغرب والعشاء احيانا بالبيت او بين الشوطين :nono: وخلال حضوري اشوف مناظر اترفع عن ذكرها هنا والله.. لكم ودي واحترامي .. سفير الشوق. |
:: سام 6 الهلالي :: ودي والله احظر كل مباراة لكن أحب أضيف على الأخ رائع 1- التفرجه في التلفزيون مو زي التفرجه بالملعب فيه إعادات وتعليقات :nono: 2- التكيه مع الشباب والشاهي والتعليقات والواحد يقدر ياخذ راحته:thumbup: وغيرهـــــــــــــاا ........ :: محب :: |
إن شاء الله مايقصروا شباب الرياض يعطيك العافية يا أخي إن شاء الله الموسم القادم سيشهد حضور جماهيري كثيف |
باذن الله نحضر وتشوف جمهور الزعيم في الملعب |
إقتباس:
|
صدقت اخوي بس صراحه الي انا الاحظه هنا في كلهم ما يتابعون المبارات الهلال الى في مقاهي حتى المباراة كانت في جده وخلونا نتفائل بالخير ان شاء الله الجمهور السنه هاذ يكون احسن |
والله لولا ذا السلاتيح اللي مايودوون شي اسمه جمهوور هلال كاان احضر كل مباراة |
والله تبي الجد ليت كل الجماهير مثل جماهير الهلال با الرياض على والله من جده بس الحق يقال مالها الى رجالها شباب الرياض الله يقويهم ويسعدهم با الملعب بفوز الزعيم دايم ان شاء الله |
يعطيك العافية على التفاعل .. |
والله ياشباب ياشفت مناظر في مباراة الهلال والكويت الكويتي ! اللي حضروا اكثر من 60 الف متفرج ! لاكن لو تعد الهلالين اللي جاين يساندون ماتدري كم ! قبل المباراهـ ... وخلال المباراهـ ... وبين الشوطين شفت اشياء لا هي بالدين ولا العقل غير كذا ... تقطيع الأعلام الزرقاء والبيضاء اللي على السياج !! واللي جهتي مابقا شي !! من بعض الناس المحسوبين على الهلال !! لأن الدخول مجاني فـ كل من هب ودب جااااا !! والمضاربات وسرقة الجولات بعد المباراهـ !! ... وتكسير زجاج السيارات !! ولا يخلونا نمشي على طول !! ماقول الا الله يعين بس وحاااااضرين حااااااااضرين لو ندفع الملااااااااااااين |
انا من ناحيتي بحضر الي اقدر عليه عاد الرخصة وطلعناها والسيارة وشريناها....... ( الله يبارك فيكم ) انا عارف انكم بتباركولي |
مشكور |
هم شاطرين بس في الإنتقادات وغيروو وربي لو إني بالرياض ولا تمرين ولا مباراه تفوتني قال ايش قال مقهى شباب اللي عنده الوقت يسمح بحضو المباريات يحضر ولا مسوين زحمه ويصارخو ويفردو عضلاتهم بالمنتدى ونبي بطولات وهم في مقهى مو كلهم البعض منهم بس شباب الرياض ترى إنتو عزوتنا في الرياض تكفوون نبي حضووركم البطوله هذي تحتاج منا الوقوف مع الفريق النقاط هي البطوله افهمو تكفوون لازم الفوز في كل المباريات نبي دعمكم وأسف على إندفاعي في بدايه ردي تحياتي لك ياسنايدي |
اسمع جمهور الرياض هين مايعاب عليه لو الله ثم جمهور الرياض كان ماشفت كل موسم يملاء الاستاد ملي اكثر من مره بكل موسم وشي طبيعي انه اكثر من كل الانديه وبعض المباريات يجيها حضور بس انت تحس انه شوي بلاه بالاستاد الملعب يشيل اكثر من سبعين الف متفرج لكن الي برى الرياض ملاعب اصغر عشان كذا يمكن ماتركزون ومباريات الهلال اكثرها بالرياض بيصير الي برى الرياض يحتريها من فتره عشان يحضر |
باذن الله الحضور ممتاز وان شاء الله انا اول الحاضرين |
اخوي انسى اللي راح وشوف الموسم هذا راح نسعدك ونطرب اللعيبه بالأهازيج وين مايروح الازرق انا وياه |
ان شاة الله الهلال غير الموسم هاذا |
الحظور الموسم هذى غير انشاء الله |
| الوقت المعتمد في المنتدى بتوقيت جرينتش +3.
الوقت الان » 04:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd