^ _^ BaCk To SChool ^ _^ - صفحة رقم 2 - نادي الهلال السعودي - شبكة الزعيم

هلاليه لاخر قطره · #1 18/08/2007, 01:01 AM

^ ^

^
^
^
^هههههههههههههههه يظحك ردي ااسفه كله ايقوونات بس زي هالمواضيع يبيله من يعبر عنها بالخشش

شفشينكووو7 · #2 19/08/2007, 03:47 AM

وهـ بس وهـ يازين الدراسه

<-- بيجيه كف ماشي مليوووووون

ياجماعه وشفيكم ماتحبون المطرسه

حلوه ترى مره

<-- احلف ..

والله إنكم تنرحمون ياحقين الثانوي

عيني دمعت ياحرااااااام

<-- قايل لكم منجلد منجلد اليوم

أنا بالنسبه لي ماراح أدرس إلا برمضان

<-- طبعاً جامعه

يعني عقبكم بأسبوع

..

وبالنسبه للتجهيزات وش تجهيزاته بعد

القلم له عشرين ألف سنه هو هو ماغيرته

ومجدوعن بالسياره

ومستخدمه لكل شي

.. وش بعد ؟؟ ايه صح دفتر هذا أشتريه وأنا رايح للجامعه أول يوم

..

وأنا حالياً رايح لثالث جامعه ;) ..

ودعواتكم لي بالتوفيق .. وآسف عالإطاله ..

والله يوفق الجميع شباب وبنات .. شدو حيلكم عاد

..

أخوكم

راشد ..

المولّع · #3 19/08/2007, 07:41 PM

السلآلآلآم

يا سرع الوقت

و الله يوفقك الجميع

انا بإذن الله السنة هذه اخر سنة لي

و بعدها بتخرج من جامعة الملك سعود _ تخصص رياضيات

يعني على ماتوصولون الثالث ثانوي الا ان شاء الله انا مدرس رياضيات

بس ادعوا لي

تشافي6 · #4 20/08/2007, 10:37 AM

جبتيها على الجرح يا هلاليه

والله الحمدلله انا الحين اول سنه جامعه وافتكيت من الدراسه

والمدرسه وقومت الصبح

ادعـــــــولي بالتوفيــــــــــــق

فرانشيسكا · #5 21/08/2007, 03:30 AM

آآآآآآآآآآآآآآآآآآآآآآآآآآآآآآآآآآآآآآآه من قلبي

واللي تقول لك توها معطلة اليوم

أنا سنة أولى جامعة وماخذة صيفي >> شوفي أنواع التعليقات والاستهزاءات اللي تجيني
من الأصدقاء والعائلة الكريمة .. كلن يقول :

سنة أولى وماخذة صيفي

.. وش طايرة عليه .. بالأخير بتجلسين بالبيت >>الله لايقوله

كل سنة باخذ صيفي ان شاء الله عشان أختصر الوقت . واللي يبي يوصل لشي
مايهمه اغراءات العطلة والنوم والسفر ...ماقهرني إلا اني ماشفت مباراة روما أمس
بس الحمدالله فازوا وفرحوني .. وان شاء الله نتايجي تكون حلوة .

بس بصراحة أنا مقتنعة باللي سويته .. لأني أبي أتخرج ب 3 سنين ونص ان شاء
الله .. وأبي أكمل دراسات عليا >> ادعي لي .
مابي أصير من الناس اللي يعمرون بالجامعة 5 و6 سنين

ونصيحتي لك ذاكري واجتهدي أول بأول .>> شي جديد يعني

ولايحطمونك من الجامعة .. الجامعة هو الصعب فيها انك تتحملين مسؤلية نفسك
بشكل كبير .. إنتي اللي تسعين لمصالحك مو زي المدرسة دلع

بس والله قبل كم يوم رايحة المكتبة أشتري كتاب يوم شفت أشياء المدرسة خنقتني
العبرة

.. أنا ماشتقت للمدرسة بس اشتقت لجمعتنا فيها والوناسة بس الجامعة فرقتنا

والله يوفقك ويوفقني والمسلمين أجمعين .

الهلالي الهاوي · #6 21/08/2007, 02:16 AM

ياناس ابي هوا وش ذا الكتمه

الله يهديك ياوخيتي وش هالموضوع الي يسد النفس :sad:

انا والله برووح لثاني ثانوي بس محتار علمي ولا ادبي

تكفوون نصيحتكم والله مسبب ازمه للعائله بخليهم يفكروون عني

مادري وشو الي يصلح لي :p

بس شكلي بدخل علمي لاني ماشاء الله علي افهمها لو هي طايره << مادح نفسه ...

يعطيك العافيه على الموضوع السخيف

بس ولو شكلك تعبتي عليه مشكوووره

هلالية من زمن آخر · #7 18/08/2007, 01:08 AM

لاخر قطره

حشا وش ذا الايقونات --> ما انتبهت الا من ردتس الأخير لفتي الانتباه ياغبيه

إقتباس


	اهون من مكتبه بلاغه وتاريخ وهالطقه

بكثـييييييييييررر

إقتباس


	وان شالله ابشتري لي دفتر رياضيات زيييي الصبوره عشان استانس واقدر ارتبه واستانس ونا اذااكر ض1

اشري لي معتس ض1

هلاليه لاخر قطرة لازم نحجز لنا أماكن بجنب بعض متلاصقين عشان نفلها تيب؟؟

يارب نصير نفس الـفصل

يعطيتس العافيه

يابنات تتوقعون عادي الواحد يروح السنه الجاية بنفس قشه الي الـعام؟

متعيجزه أروح للسوق

الـمـشـاغـب · #8 18/08/2007, 01:32 AM

حسبي عليتس

ليتس سويتيتس تسذاتس يالقصمنجيهتس؟

وشوله تجيبين طاري الدراسة ؟

يا زين الإجازة والوناسة .. كلها سفريات داخل بلادنا الحبيبة

الله يعينكم يا أهل المدارس .. أما الجامعات أهون منكم .. دوام مريح

أصعب شي قومة الصبح .. يا صبركم عليها

شكراً هلالية البزر على الموضوع

<<<<<< لأني توقعتك كبيرة مو بثاني ثانوي

مَاهِينُورْ · #9 18/08/2007, 02:28 AM

المـــــــــ

ــــــــدرسة
آآآآآآآآآآآآآآه ليت من يعيد الدراسة بس,, الغبية الي تجتهد

والله قهر ودي اعيد مرحلة الثانوي :sad: مو بالكلية الله يحوم كبد العدو

يابختكم ياطلاب وطالبات التعليم العام احمدو ربكم على هالنعمة :sad:
::::::::::::::::::
الله يعطيك العافية :: هلالية من زمن آخر :: بس ماتسن الموضوع بدري ;)

تقبلي تحيات اختك

فمان الله

هلالية من زمن آخر · #10 18/08/2007, 05:29 AM

إقتباس

الرسالة الأصلية كتبت بواسطة الـمـشـاغـب


	حسبي عليتس ليتس سويتيتس تسذاتس يالقصمنجيهتس؟ وشوله تجيبين طاري الدراسة ؟ الله يعينكم يا أهل المدارس .. أما الجامعات أهون منكم .. دوام مريح أصعب شي قومة الصبح .. يا صبركم عليها شكراً هلالية البزر على الموضوع <<<<<< لأني توقعتك كبيرة مو بثاني ثانوي

لالا بالعكس الدراسه أحسن بكثير

شف كلام الجامعيـات واحكم

وبعدين يالمشاغب تحسبني كم عمري

وهـ يعني كذا تعتبرني بزر

حرام عليـك وش ذا التحطيم

وش تبي اشيـب من هالشيـابه

ياليتي ماقلت عمري

وبعدين انا منيب قصمنجيه

فيني عردز قصيمي بس اصلي اوب قصيمــي

dal3_uae · #11 18/08/2007, 01:42 AM

قلمي مرآاتي ... مسطرتي كراسي كتبي ....>>>>اغنية روكوووو

واااااااااااااااااااااااااع واااااااااااااااااااااااااااااااااع وااااااااااااااااااااع والله واااااااااااااااااااااااااع

ردينااااااااااا للهم والغم ولوعة الجبد

هلاليه من الرياض · #12 18/08/2007, 02:18 AM

قـرف كاابه

احمدوا ربكم مدرسة مع صديقاتكم ومدرساتكم

بس تدرين وش اللي مهون علي إني ببدا بعدكم

الـساقي · #13 18/08/2007, 02:49 AM

هلا أختي ,,

لكل بدايةً نهـايةً ..!

وأهمـ شيء أننـا ما فقدنـا أحد كأقارب أو كأعضاء ..!

أهم شيء مرت الأجازة بسلامـ ووناسة ..!

ومثل ماقالتـ هلالية من الرياض .. اللي مهون علينـا اننا ندرس بعدكمـ بأسبوع أو أكثر ..!

إقتباس

الرسالة الأصلية كتبت بواسطة هلاليه من الرياض


	قـرف كاابه احمدوا ربكم مدرسة مع صديقاتكم ومدرساتكم بس تدرين وش اللي مهون علي إني ببدا بعدكم

مشكورة على الموضوعـ ..

رائـعة .. ,,

دمتـِ

هلالي 292 · #14 18/08/2007, 02:38 AM

تحطيييييييم الموضوع

لكن انا خلصت دراسة بالمدارس

غلاهم وماخذه حلاهم · #15 18/08/2007, 03:34 AM

ويييييييع ليش ياختي تسوين كذا تذكرينا طنشوا اول اسبوع غيبو زيي ههههه