[ هامور يتهور مره ثانيه وينزل موضوع ]قصه خياليه فكاهيه عن عنتره العبسي - نادي الهلال السعودي - شبكة الزعيم

هامور البورصه · #1 05/08/2007, 02:07 AM

السلام عليكم ورحمة الله وبركاته

هذه سلسلة من قصص عنترة العبسي

الجزء الأول :-
الجزء الثاني :-

وقلنا ان جزء الثاني هو الاخير بس لزم عنتره اني يكون له جزء ثالث

_______________

الجزء الثالث

_________
اول شي انا احب عنتره

حب خيالي واحب الخوال كلهم

واحمد ربي

ان عنتره كاافر مهوب مسلم ولا كان اخذ حسناتي وبدا يعطيني سيئاته

قبل ان نبدا [ هذا الموضوع برعااية [ حبوب لا خوال بعد اليوم ] يبااع في جميع البقالات ]

ماعليك الا المساارعه بالاتصاال واذا لقيت الخط مشغول انا مهوب مسؤول

الرقم وجع وش تبي انت ويااه مصدقين بحط رقم

وبعطيكم ابطال القصه على شكل صفصفة كلام ..

كان يا ما كان في سابق العصر والزمان ..

كان هناك شخص يدعى عنتره .. متكبر ويحب المفخره .. اسود البشره كبير المنخره

وكان له أب يدعى شداد .. وكان عمله حداد .. وده يدفن عنتره تحت الرماد

وكان له أم ملسونه .. يناديها زوجها بلملعونه .. ويدلعها بالفرعونــه

وكان له أبن عم يدعى علوش .. ينوم مع الغنم بالحوش .. ولا يعرف كلينتون ولا بوش :p

قايلكم صفصة كلام ..

______________________

نبدا بالقصه :-

تخرج عنتره من الثانويه وامامه اجازة طويله .. ما يدري وش يسوي فيها ، دق عليه علوش ابن عمه

علوش :- عنتره .. كيف الحال وشلونك عساك طيب وشلون عمي

عنتره : بخير يا مال الخير .. شلونك انت .. بشرني عنك

علوش : بخير ..الا ترانا بنسافر أنا وشباب هالسنه سوريا .. وانت اغلى من يخاوينا <<< هيااط

عنتره : زين زين .. بقول لابوي عساه يوافق

علوش : خلاص ردلي خبر

ذهب عنتره إلى ابيه كي يخبره بأن يذهب مع ولدعمه إلى سوريا

عنتره : يبه .

ابوه : نعم .. خير وش تبي .. فلوس ما فيه فلوس

عنتره : لا وش دعوه لو بغيت فلوس ما يحتاج اقولك لو ابي اقرب حوش فيه دبتين غاز , انا ابي افاتحك فيه موضوع :p

ابوه : موضوع !! شنهو الموضوع

عنتره : ولد عمي واخوياه بيرحون سوريا وبخاويهم

ابوه .. تعقب ياباقيرا. ما بزيناك عشان يبزونك السواريا

عنتره : لا ما عليك هم القايلين تعال معنا

ابوه : وبنات سوريا .. وش نقولهم

عنتره : وش فيهم ذولا بعد

ابوه : اكيد بيشتكون عليك عند شرطة الآداب

عنتره : انا وش بسوي تراني ماداني الاشياء هذي

ابوه : بيشتكون لنك تتطاردهم .. تلاحقهم ... بتشغلهم

عنتره : افا يا ابوي وش دعوه انا اللي بشتكي منهم لانهم بيلاحقوني

ابوه : اقول اعقب ولا كلمه .. اقلب وجهك مانيب فاضيلك

عنتره : اوريك ما يبيلك الا امي

عنتره .. امـــــــــــــــــــــــــــا111111111ه

امه : نعم وش فيك يا ورع اشغلتني وش تبي

عنتره فهم امه الموضوع وقالها ان تروح لابوي وتقنعه >> قصده تغصبه :p

امه : انت ما تقولي علامك ما عيي على الورع انه يسافر .؟ خله يروح يستانس يتمشا

ابوه .. هاه من قال ؟.. انا قصدي اني مابيه يروح يخرب هناك اذا انتي ملزمه ملزمه اجل بخااويه عشان مايسربت

امه : وشهو .. والله ما تروح وانا بنت سعد .. تبي تكرر غلطتك اخوك يوم تزوج سوريه

عنتره : ابوي .. الحين عمي متزوج سوريه ..؟

ابوه : ايه ما تشوف مرته تقول قمر خمستعش

عنتره : صح وانا اقول ليش اكلهم زين

امه : هيه انت وياها عن الكلام اللي ماله سنع .. عنتره رح جهز هدومك تراك بتسافر

ابوه :: ايه رح جهز هدومك تراني وافقت >> مسوي ما يمشي الا كلامه :p

عنتره وولد عمه واخوياه في المطار

علوش : هاه كلش زين .. ترا بنمر على التفتيش .. لو معك حديده.. سكينه .. فرد .. طلعه لا تورطنا

عنتره : ما عليك كوولش زين

عند التفتيش :

طووط طووط .

حارس الامن : مهبول انت ..!! حاط في جبيك ضب

عنتره : عادي وش فيها

علوش : ضب !! الله يفضحك .. ضب في المطار .. !! وش بتوسيبه في المطار

عنتره : خلاص بنطله .. انا جايبه عشان افكك بنات سوريه فيه

حارس الامن : وش تنطله جبه خلني احطه معي

عنتره وعلوش داخل الطياره وعنتره على يمينه بنت مصريه وعلى يسااره علوش

عنتره : علوش جنبي بنت مصريه

علوش :: شبكها يا الذيب

عنتره .. وشلون .. انا ما اعرف اتعامل مع الاجانب .. انا اصلا اتعامل مع المنتجات الوطنيه ..

علوش :- عطها فقشه من فقشاتك الدرامتيكيه

عنتره : ضنك

علوش :- ايه تراها مصريه

عنتره وهو يكلم البنت : الا كيف حال الانسه >> حلوه انسه

البنت المصريه : تمام

عنتره : تدرين ان الملك عبد الله بيستقبلني بالمطار ..

البنت المصريه (( وهي تقطر سعابيل )) : والنبي ..

عنتره : يمكن يجي معه

علوش وهو ينغز عنتره : استغفر الله وش هالفقشات

عنتره : مدري عنها تقول والنبي تستهبل هي

علوش : اقول خلاص نم لين نوصل

وصل عنتره وعلوش لي سوريا وراحو للشقه

عنتره : علوش خلنا نطلع نتمشى ..

علوش : يله

وهم يتمشوون يلقون بنت صاااايعه ... جت البنت سلمت عليهم

البنت : هاي شباب كيفكو

عنتره وهو مرتبك .. الحممد للللله .. اشششلونك انتي

البنت : وش فيك بتتتأتأ

عنتره : لا بردان توني متروش

البنت : هههههههههههه يا خف دمك عشان هالخفة الدم بعطيك بوسه

علوش : وانا

عنتره : تقول عشان خفة دمك يعني انا يا غبي

عنتره : صدقيني ماهوب ازين لتس

عنتره : يا اغبياء انت وياها اللي خذته من فمي مهوب علك .. اللي خذته بلغـــــم

البنت : اييييييييييييش

عنتره :بلــــغم :p

ويغمى على البنت ويتصلون على الاسعاف ويجي الاسعاف يشيل البنت وعنتره وعلوش

ويجي الدكتور يقول البنت صابتها حالت تسمم قويه جدا وش السالفه

ويقوم علوش يقوله السالفه من طقطق لسلام عليكم

ويتصل الدكتور على الشرطه ليقضبوا عليه لان يشتبه ان يكون مصاب بالسارس

ويتم القبض على عنتره

ولبث في السجن اسبوع كامل

واثبتت التحقيقات ان لا يوجد هناك لا سارس ولا خرابيط ولاكن يتم ارجاع عنتره إلى

بلده ولا يطب سوريا مرة اخرى

فرجع عنتره للديرته وهو مطأطأ الراس وحلف بعدها ما يتعدى حارتهم

.... أنتهينا ....

ما يستفاد من القصه

1ـ لا يستفاد من القصه الا المتعه والضحك فقط لا غير

2ـ لا وش ثاني بعد ان السفر برا كله خرااب وبلاووي

وفي الاخير يا شباب امس تم وبحمد الله زفاف الاخ فيااض وتم التقااط الصور والي يبي يشووف الصور يحصلها بالتوقيع :p

شباب انصحكم انكم تشوفون الجزء الاول لاني كل مادخله اضحك

على ردوودي قسم بالله اضحك ضحك غير طبيعي ياليت

تشووفوون ردوودي انا وسوسو الهلاليه قبل ماتتوقف واحب اعتذر

لها من هالموضوع لاني سببت لها احراج وبقووه وكنت ماعرف احد بالمنتدى بس مدري وش خلاني اتسلط عليها

برايفت للواحد عارف نفسه :p شف رد زي الناس ولا لاترد

ادري التنسيق مدري شيبي بس اعذروني

معليش على الإطاله

سلاميشــــو