][انتم على موعد مع مباراة الهلال / الرياض بملعب نادي الرياض ][ - نادي الهلال السعودي - شبكة الزعيم

هـلالـي مـن حـيـنـي · #1 15/08/2007, 10:21 AM

السلام عليكم ورحمة الله وبركاته

انا اجزم ومتأكد ان كل هلالي ( صادق ) بحبه للهلال مشتاق يشوف مباراة للهلال بعد هالغيبه الطويله بكامل نجومه .

مباراة اليوم فرصه للجمهور الهلالي انه يشوف " برونو " ومهاراته وكلنا نعرف ان المباراة ( وديه ) ومع الرياض يعني الهلال راح يكون مسيطر وراح يلعبون بابداع ومهاره

اللي اقصده ( لاتفــوت ) عليك فرصة متابعة الفن والمهاره الهلاليه .

- مباراة اليوم فرصه لان نثبت للمدرب ولـ " برونو " ان الزعيم يمتلك قاعده جماهيريه كبيره .. جماهير تغار على فريقها وتتابعه بكل شغف حتى في مبارياته الوديه .

- مباراة اليوم تقام على ملعب نادي الرياض في وادي لبن الشوط الاول ( بعد صلاة المغرب مباشرة ،، الشوط الثاني بعد صلاة العشاء ) .

- موقع النادي / طريق مكه ( قصر المؤتمرات على يدك اليمين بعد مايظلم الشارع بتجيك لوحه مكتوب عليها ( وادي لبن ، نادي الرياض ) اطلع من فوق الكبري ويمين سيييده وتشوف أنور الملعب قدامك .. وياليت اذا الوصف خطأ علي يصححون لي الزعماء .

كـــونـــوا عــلــى المــوعـــد يــازعــمـــاء

أجمل تحيه

طيار هلالي · #2 15/08/2007, 10:51 AM

والله ما أدله نادي الرياض ولا ودي أروح ياليت يفيدونا الشباب

الزعيم سامي الجابر 9 · #3 15/08/2007, 10:53 AM

باذن الله اني اروح ومشكور اخوي

رومنصي القناص · #4 15/08/2007, 11:02 AM

اشكرك يالغالي على التنويه
بالنسبه لموقع النادي

الاخوه المشجعين من جنوب وشمال وشرق الرياض
وانتم ماشين على طريق مكة المكرمة
تجيك حي السفارات على يمينك وقصر المؤتمرات يسارك
خلك ماشي سيده لحد ماتجيك لوحة
مكتوب عليها ( وادي لبن ، نادي الرياض )
اطلع فوق الكبري وادخل يمين ..
تمشي حدود الـ 500 متر تشوف الملعب قدامك
اتمنى توصيفي واضح