حجز

ولي عوده

لي عودة بكــره ان شاء الله

(وقل ربي ارحمهما كما ربياني صغير )

يعطيك العافيه ... والله يقدرنا على البر بالوالدين

موضوعك ما شاء الله جميل
ويبي له حجز وان شاء الله اذكر وارجع
إن ما رجعت فأعذريني اختي عسيريه لأني بكون ناسي

السلام عليكمـ ..,,

أختي عسيريه حياك الله بعد عودتك الموفقة بإذنه ..,,

ناقشتي أشد المواضيع تأثيراً في الحقيقة واحمد الله على وجود قلة مثلك يلمسون الوتر الحساس بعطاءٍ متناهي ,,


عزيزتي وللأسف انتشر العقوق ولا أعلم هل سببه التربية .؟!

أم الغزو الفكري الرهيب ..؟! أجهزة الإعلام من مقروء ومسموع ومرئي .! امثال المسلسلات التي تؤثر على عقول المشاهدين مهما كانت اعمارهم , أو قدراتهم .

وإنه لمن المخزي أن يصل حال بنات الأمة المحمدية الى ما آلت عليه ..

نسأل الله السلام والعافية .. وأن يعننا الله على بر والدينا .. و على إجتناب نواهيه..


وبالنسبة لتلك المخاطرات التي يُقدم عليها مراهقين حتى وإن كانوا من المرور . .(( شكلهم يكونون توهم متحمسين مع براد بيت ولا جورج كلوني))

وتعريض حياة المئات من الناس أصبحت "هينه" ..!!!

وأذكر موقف حدث لخالي .. أن شاهد واحد "مطفوق" ومراهق .. "يسوق" السيارة

قطع الإشارة الأولى .. ثم الثانية ..!! وكان يمشي بسرعة عالية .. وقال خالي بينه وبين

نفسه " اشكر ربي لو ما صار حادث فضيع" .. ومافي شوي الا خالي يشوف الولد هذا

وسيارته فوق الرصيف !! وسيارة ثانية منقلبه وفيها بنت تصيح وتصارخ وتقول ..

"يمه .. يمه ..يمه وينك بموووت " والأدهى والأمر أن الولد طلع من سيارته ودخل يده من شباك البنت و راح يضربها !! ويقول خالي واللي كان معه خوي له .. ما حسيت الا خويي نازل من السيارة وشايل الولد فوووق وضاربه بالأرض .. ونازل عليه ضرب ..!!
المهم خالي أخذ خويه وقاله "خلاص لا يموت الولد بين يدك وتصير هذي بعد جريمة خل الشرطة تجي تشوف الوضع " ..

ومشوا الأثنين و نزل خالي خويه بالمكان الي يبيه .. وجاء راجع لموقع الحادث ..

ولا الناس متجمعه تبي تطلع البنت ولاهم قادرين !! والبنت ما عاد لها حس ..! ! !

اما الولد ما عاد لقاه .! ولما سأل الموجودين وقالهم وين السيارة الجمس السوداء ..

قالوا مافي سيارة جمس سوداء هنا !!

استغفر الله من جد ناس ما يفكرون .. نكبه والله نكبه



عسيريه .. لا هنت على الموضوع ..,,

في ما يخص الموقف الأول ..

مؤسف والله هذا الحال ، و لا أعلم أيهما سبب لي الألم الأكبر ؟
أهي طريقة معاملة البنات لأبيهم ، أم تصرفهم مع الشاب .

الله يصلح الحال ..

شكراً لكِ ..

والله شي يحزن
( تساهل في الحجاب / عقوق الوالدين / علاقات محرمة )
اللهم ارينا الحق حقاً ورزقنا اتباعه وارينا الباطل باطلاً ورزقنا اجتنابه

اما مايخص السرعة والشباب
الله يهديهم ويصلحهم فقدنا اعز الناس والسبب التهور
يعطيكـ العافية اختي عسيرية

السـلام عليـكم ،،

حيـاك الله اختي عسيريه وموضوعك رائـع يلامس قضيـه
يعيشـها المجتمـع باكمـلهـ ! :sad: ..

إقتباس الرسالة الأصلية كتبت بواسطة عسيريه لن اتكلم عن طريقة لبسهم [للعبايه] لأني لست نموذجاً يُقتدى به حتى اتشمت بالناس ولست ايضا ممن يحمل صفات الوقاحه في لبس الحجاب.

والله بعـض البنـات يفتتنك بمظهـرها وملبسـها.. لكـن الله يهـدي الجميعـ ..

إقتباس الرسالة الأصلية كتبت بواسطة عسيريه انا صرفت نظري لأني تأكدت انه من ظمن عائلتهم لما شفته قريب منها لهالدرجه

واخزيـاهـ ;) ..

إقتباس الرسالة الأصلية كتبت بواسطة عسيريه منآل البنت الكبيره..أفف طيب خلاص وش قلنا روحي والحين نجي

((ولاتقل لهمـا افـ ولاتنهـرهـما)) :sad:

إقتباس الرسالة الأصلية كتبت بواسطة عسيريه والبنت جوالها بيدها وتلتفت يمين ويسار تخاف احد يشوفها ومادرت ان اعظم رقيب وحسيب يراقبها

اه لـو كلن ياخـذ الكـلام بعين الاعتبـار لكـانت الدنيـا بخيـر
ولكـن بعض الاحيـان رغبـة الانسـان تنسـيه كل شـئ :sad: ..

إقتباس الرسالة الأصلية كتبت بواسطة عسيريه اخذت تكتب الرقم بجوالها ولما انتهت من الكتابه وحصلت على ماكانت تتمناه ذهب الشاب بطريق والأختين بطريق البنت الكبيره منال وهي تضحك بفرح..الله وناسه اليوم بسهر معه هههههههه

والله بعـض البنـات صـراحه يزودنـه معـ احتـرامي ..
صديقـي يشتـغل باحد محـلات العطـور المشهـوره باحـد المجمـعات
التجـاريه طبـعا عوائـل فقط يمنـع الشبـاب ..

يحكـي لي قصص اكـاد لااصدق من غرابـته .
يقول احد المـرات دخلت علي بنـتان بالمحـل بآخر السـوق طبعا خويي
معه اخـر من الجنسيه المغربـيه .. يقـول فاضيات ويتمشن وفيه وحده
تطالع فيني ..يقول والله اني انحـرجت قلت وش تبي بعـد ذي ..
مدري الا جايـات يمي وحده تطالـع فيني تقـول اتصدق انـك تشبـه رفيقـي !!! ..

يقـول قلت طيـب واذا اشبه رفيـقك وش تبينن اسـوي .؟
قالت لابس تذكـرته يـوم شفـتك لانـه هو بالطـائف ..

والله يحـكي قصـص صراحـه غريـبه ..

إقتباس الرسالة الأصلية كتبت بواسطة عسيريه ياناس ياعالم هذي أمكم اقسم لكم بالله راح تتحسفون على الايام هذي اللي كنتوا تعقونها لما تروح عنكم وتتركم..!

والله انك صـادقه .. الحمدلله الوالـده (الله يطول بعمرها ) واعمار الجميع
لا اكـاد اخرج من البيت الا بتقبـيل راسـها ;)
وهذا شئ قلـيل بحق الوالـده لكن نسـال الله ان يعفـوا عنا
واتخـذت هذا الشئ عادي جدا لاننـي من الصغر وانا نشئت على هـذا ;) ..

لكن مااقـول الا الله يطـول بعمرهـا ويجـعل يومـي قبـل يومـها :sad:

إقتباس الرسالة الأصلية كتبت بواسطة عسيريه نصيحه لوجه الله اتركوا كل شي بين يدينكم واطلبوا رضاء امكم والله العظيم مالكم غيرها بهالدنيا

الله يجـزاك خير اختـي .. ويعطيك الـعافيه ..
وآسف على الاطـاله ..

تحياتي وتقديري ،،

تم الرد مسبقا ،،

اهلاً بكِ اختي الغاليه عسيريه ..
للاسف هذا هو حال اغلب شبابنا وفتياتنا ..
يكون هم الشاب (الترقيم) وانه يُمتع رغباته الشهوانيه ..
والفتاه كذالك صار همها الوحيد إنها تجد من يحبها ولو بالحرام ..
الكل يبحث عن ما يشتهي ويمتع نفسه ولا يهمه ان كان حلال ام حرام ..
اما عن معاملتهم مع اهلهم فــ حدث ولا حرج البعض ينهر والبعض يتأمر وكـأنهم لم ينجبوبه
اصلاً حتى وصل بهم الى الضرب والله المستعان ..

اعتقد ان البطاله لها دور في ذالك فــ الشاب لا يكون لديه
عائد مادي يقضي به حاجته حتى وإن اعطوه اهله فلن يعطوه
كل مره فــ بالتاكيد ســ يتجه الى السرقه كــ حل سريع له
وللاسف هذه العاده السيئه انتشريت كثيراً مؤخراً ..
ســ اذكر لكِ موقفٍ حصل قبل اسابيع قليله لــ اخي
كان في احدى الاسواق فــ اتاه شاب طلب من اخي جواله الخاص حتى يكلم اهله وادعى
بــ ان ( جواله ليس فيه رصيد ) اعطاه اخي بكل طيبه قلب الشاب ابتعد عن اخي قليلاً
(لانه يقول اريد ان اخذ راحتي )
اخي قال له حسناً اذهب وســ انتظرك هنا الشاب ذهب
ولم يعد انتظر اخي لــ اكثر من ساعه ثم بعد ذالك
ذهب اخي لانه ادرك بــ ان ذالك الشاب قد سرق جواله ..
اخي غضب كثيراً ليس من اجل جواله انما من طريقة ذالك الشاب
في السرقه لانه شعر بــ انه كان ساذج في ذالك الموقف ..

إقتباس اقسم بالله انني اصبحت اركب السياره وادعوا الله ان نصل بالسلامه خوفا من حادث اخر.!

مثل اختكِ في الله فــ انا اخاف من السياره اكثر من الطائره ..

مواقف واقعيه مؤلمه لا نتمنى رؤيتها في حياتنا ولكننا مجبريين ان نرائها لان
كل واحد منا يختلف عن الاخر في كل شي ..

الرائعه ( عسيريه ) ..
الحمد لله على سلامتك ووصولكِ الى الرياض إن كان قد وصلتِ ..
موضوع يلامس واقعنا وتشكرين على مناقشته وطرحه هنا ..
خالص التحيه والاحترام لكِ .. دمتِ بخير وسعاده ..