#1  
قديم 04/01/2002, 04:50 PM
زعيــم متواصــل
تاريخ التسجيل: 28/03/2001
مشاركات: 147
نبغى علي رضا محمدي على وجه السرعة ،،،

السلام عليكم ،،

شفتوا اليوم اللاعب الإيراني رقم 22 علي رضا محمدي ، طبعا هو لاعب المنتخب والذي سجل الهدف الثاني في المرمى الأصفر الاتحادي بعد رأسية هائلة لا يلعبها إلا لاعب من الفئة الفاخرة ،،

وأنا شفته خلال المباراة يرجع لخانة الظهير الايسر ،،
والله إنه حريقه ومبدع وفنان ،،

أضف عندك قوي البنية ، يعني يتعلق به الداوود يقوم يجرجره على وجهه من أول الملعب لآخره ،،

مهارة عالية ، وأنا أقول شكله يلعب ظهير أيسر ،،

فإن كان كذلك فنرجو أن تتكرم إدارة النادي بإحضاره ، وأنا واثق أنه أرخص بكثير من اللاعب العالمي الداج لوبيسكو اللي والله ما أدري وش سنعه بالنادي ،،
هو يلعب ولا يخرب اللعب ،،

تدرون عاد ،،
الظاهر ما فيه نصيب ، لأن إدارتنا برئاسة سمو الأمير الغائب الذي أخيرا حضر البارحة ، والمصيبيح والمدرب اللي حارقين أعصابنا بالعتيبي الله يغثهم ،،
يمكن متحسفين اننا ننبسط ويجينا لاعب عليه القيمة ،،

أجل يالله إنا داخلين عليك ،،
ذولا لعيبة أجانب ،،
البارح والله لو ما فيه أمن كان نزلت لأرض الملعب ويا ذابح يا مذبوح مع ذا اللعيبة الداجين ،،
أدميلسون مغير يدز الكورة خلف المدافع ويصقع فيه ويطيح ،،
والثاني مغير يخرب الكورة وتمرير غلط وكذا مرة تنقطع منه الكورة وترتد ، وغبي والله يا ناس إنه غبي ما يستوعب تمريرات أبو يعقوب ، كذا مرة يمرر الله الثنيان يبيه يسوي ون تو أو يحط له الكورة ومغير يدربي راسه الله ياخذه ،،

يا ناس إن كان ذولا أجانبنا عطو عيال الديرة الفرصة يمكن يطلع فيهم واحد يملأ العين ، هذانا صابرين على العتيبي وش لو جانا واحد ثاني مثله ، عادي أصلا حنا ما نهمكم يا إدارتنا الموقرة ،،،

تحياتي ،،،
  #2  
قديم 04/01/2002, 04:59 PM
زعيــم متواصــل
تاريخ التسجيل: 28/12/2001
المكان: riyadh
مشاركات: 101
حرام عليك اللي عنده ادميلسون يفكر في غيره .


وسلامتكم،،،،،،
  #3  
قديم 04/01/2002, 07:11 PM
زعيــم نشيــط
تاريخ التسجيل: 19/12/2001
مشاركات: 839
نبيهم الحين يوقعون مع ماجد المولد ويماطلون وتبيهم يجيبون محترف ظهير ايسر .. الله يهديك بس
  #4  
قديم 04/01/2002, 08:01 PM
زعيــم نشيــط
تاريخ التسجيل: 17/03/2001
مشاركات: 951
وأزيدك من الشعر بيت أخوي الوالي هذا الاعب اللي تقول عنه سجل هدفي الأستقلال قدام الأتحاد في مباراة الذهاب واللي انتهت 3-2 للأتحاد
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:32 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube