السلام عليكم ,,

لاحظت أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي أبوي ... خخخخخخخخ

بسم الله نبدأ ..

خطأ :

عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح :
تمسكه مع ثوبه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

وبعدين:
تقوله شيل الكتب .. ومرة ثانية فتح عيونك يالوح


خطأ :

تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...


الصحيح :

تنزل له بمفتاح العجل .. أو عجراء ... وتطق الطاقة عليه ... وأول مايفتحها ... جرّه مع شعره ... واجلده لمين يقول العيد الليلة ... هههههاااااي

وبعدين:

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..


خطأ :

تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح حزين ...

الصحيح :

تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

وبعدين:

طلع راسك مع الطاقة ... واضحك ..


خطأ :

جالسين أنت ومجموعة من الشباب ... وعندكم بباسي ... وطلعت تبي تغسل ... فيقوم صديقك ويرج الالعلبه ... ثم تجي تبي تفتحه ..
ثم يطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح :

تمسكه ... مع رجليه ... وتصبخه بالارض صبخ ... وتجيب كرتون ببسي .. وترجه رجا مبرحا ... ثم تفتحه بوجهه ...

وبعدين تقوله لاصرت أخوك الصغير ... والا تمون علي .. نكّت معي هالتنكيت ... وهالمرة بسمح لك عشان خاطر الموجودين ..
والا تدري !! ...
ثم اعفس العلبه... وحطّه بمخباته ... وقله لاتطلعه من مخباتك الا اذا رحنا ...


خطأ :

تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح :

تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

وبعدين:

قل بينك وبين نفسك ... ماعمري أحلّق عنده ...



خطأ :

تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ...
وتكمل دربك .. تقول بزر ماعليه شرهه ...

الصحيح :

تاخذ لك بلكّه ... وتحلته عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وانه التزاماتك... ثم ارجع له .. وتفرّغ له ...
أكيد مومتحمل لمين وقت الصلاة الثانية ... وعلى مسؤوليتي بصيح ...


خطأ :

راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح :

حتى لو انت مو مستعجل ... اقطع الاشارة ... الاشارة حطوها للي مايعرفون يسوقون ... وموهم جلزومين ...

خطأ :

ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لمهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة ..
ثم تقول .. الله يقطعهم ماخلوني أنام .. وتواصل للصبح ..

الصحيح :

دق على محل ستالايات ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب خمسة .. الليلة بس ..
ثم واصل للصبح ...


خطأ :

متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح :

صكه بالمركأ ... ولحقه ببياله والا طفاية ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...


خطأ :

ان شاء الله ما طولت عليكم ..

الصحيح :

اذا طولت هذا شيء راجع لى وبكيفى وإلا من قال لكم تقرون >>العن ام الكسرره

امزح معكمـ

الخطأ :

إنك تقرأ الموضوع وتضحك سموك وتخرج

الصحيح :إنك ترد على الموضوع وتضحك وتضحك وتقول شكرا على المجهود............


مع شوي تعليقات


>>طرار ويتشرط

تحياتي
!!هلالي الرس!!

هههههههههههههههههههه واحد ههههههههههههههههههه ثاني
ومشكوور على المجهود

بالصراحه انك ما قصرت

وحللوه

هههههههههههههههههههههههههههههههه


مشكور على المجهود


و الصحيح إنك تكتب لنا دائم

و الخطأ إنك تسحب على المنتدى و ما عاد تكتب مواضيع

ههههه هههههههه ههههههههههههههههههه <---------------- بناءا على طلبك



بس موووضووعك بيطير لصيد الانترنت لانه منقوول ولا كتبت منقوول


بس حلووووه

إقتباس خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ... الصحيح : تاخذ لك بلكّه ... وتحلته عليه ... إن ضربته ... فهو خير ونعمة ... وإن ماضربته ... خذ عصا .. وامسكه واجلده ... إن صاح خير ونعمة ... وإن ماصاح .. فاتركه ... ورح صل وانه التزاماتك... ثم ارجع له .. وتفرّغ له ... أكيد مومتحمل لمين وقت الصلاة الثانية ... وعلى مسؤوليتي بصيح ...

يعني على مسؤليتك
يعطيك العافيه

إقتباس خطأ : متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟ الصحيح : صكه بالمركأ ... ولحقه ببياله والا طفاية ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

مشكووووووووووور على التعليمات العربجية ...

هههههههههههههههههههههههههههههههههه
يا عالم لا تحطمون الرجال

تصدق كنت ماني ارد عليك لانك من الرس وانا اكره الرس ما اواطنها خير شر


بس قلت حرام لازم ارد

خخخخخخخخخخخخخخخخخخخخخخخخخخخخخخخخخخخخ

حلوه تسلم ..

حجز

هههههههههههههههههه

مشكور أخوي على المجهود المتعوب عليه

لكن الصراحه تراك صححت بعض الأخطاء

ههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههه

تذكر يوم اسويها فيك وصصك بلبكه ههههههه

مشكور ع الموضوع

والله روعة ..

موضوعك جداً شيِّق << يالخطييييير ..

ههههههههههههههههههههههههههههههههههههههههههههههههههههههههههههه

الخطأ :
إنك تشوف الردود اقل من المشاهدة وتقول حاجة طبيعية فيه ناس راكبهم الغرور وما يردون

الصحيح :انك تسوي نفس الموضوع من بكره وكل يوم لحد ما تشوف الردود اكثر من المشاهدة

هههههههههههههههههههههههههههههههه


مشكور على المجهود

ههههههههههههههههههههههه


مشكور يا هلالي الرس على هالفرفوشة الحلوة


كتبت الرد و أنا مستعجل


بس عجبني الموضوع