> 彡 ريمــوو وبـــائع الايس كريم الإيــطالي 彡 < - نادي الهلال السعودي - شبكة الزعيم

¤ ريـموو ¤ · #1 13/08/2007, 05:27 AM

يامن خشيت الموضوع < ولايهونون الزوار :p السلام عليكم ورحمة الله وبركاته

=========

المدخل من هنا يالي تحووس

.

.

.
.
.
.

؟خربوشه ع الطاير؟

حسبي الله عليك غصب ياخي اموت فيك؟؟

ياخذ الله دروب حبك أشغلتني بكلمة أحبك :p

<< ماااش مافي اسلوب

.*.*.*.

الموووفيييد

تنـبيـه ..:.

الموضوع للي يحبون القراءه .. :p

بسم الله شدو الرحال << تروا بنسافر

=====

][ وأخيرا تحقق حُـلـمي ][

من هنـا كانت البدايـه

\

/

\
/

سافرت مع الاهل الى بلد الروعه والجمال

إيـــطاليا

وزرنا مدن كثيره ومناطق ساحره

وإذا بنا نطب على منطقه رائعه كانت تختص ببيع المثلجات الذيييذه

كنا ندوج وندوج حتى تعبنا

وبعد حوار دار بيني وبين امي وابوي

ريمووه :: يبه ماتبوون شي بااارد
ابوي :: إلا والله ياريم
امي :: ورا ماتقومين تجيبين لنا شي بارد
ريمووه :: < ماصدقت أروح لحالي

.. ابشرووو بسعدكم يمه
ابوي :: طيب لا تبعدين ..!. روحي مكانن قريب
ريمووه :: طيب يبه عن إذنكم ..
ابوي :: تعااااالي وييين طرتي انتي
ريمووه :: هلا يبه آمرني
ابوي :: تعالي ياخبله ماخذيتي فلوس على بالك الدنيا بلاش
ريمووه :: ( فيس متفشل ) طيييب يبه

×××××
ويوم بعدت شوي فتحت شنطتي وحطيت كحل وروج ع الطاير
<< تعرفون يعني لوازم الكشخه

الموهييييم

وانا ابحث وابحث عن مكان لبيع الايس كريم

وجدت شي؟؟؟

خلاني انسى الايس كريم والي خلفوووه :p

وجدت قطعه من القمر في الارض

<< اقصد الي يبيع الايسكريم

ماصدقت خبر وتعدلت 100 مره قبل الذهاب إليه
وبعدها أخذت نفس عمييييييييق < شاااهيق .. زااافيرر :p
وخطوه تلو الخطوه حتى اصبحت مقابله المحل
جلست أناظر وأتأمل ومدري وش اقول < لبيييييه يالزين

وانا سرحانه بوجهه الي يفلق الصخر <

قطع حبل افكاري صوته الي أحلى من زقزقة العصافير :p

بس المشكله يتكلم ايطالي مافهمت عليه

بلمت وطالعت فيه وعيوني كذا >>>

ضحك على شكلي ويالبيه ع الضحكه

شكله عرف إني من جنبها ومافهمت عليه :p
لاني لاحظت إنه بدا يأشر ويتكلم بالاشاره عشان افهم

اخترت الايس كريم وانا ماادري وش اخترت لاني اختار وعيوني عليه
قلت اكيد كل الايس كريم حلو دااامه هو البياع مايفرق

: المفـــاجأه :

لما جيت اطلع الفلوس لاحظته
عقد حواجبه
مافهمت ورجعت بلمت وعيوني كذا >>

قلت وش يبي ذاا ... :p

إلا شوي ورفض المبلغ الي دفعته وكأنه يقول لاتدفعين .<< ياشيخ احرجتنا

انا مع وجهي بغيت اقول :: والله إن تاخذن الفلوس .. < دلاخه :p

نسيت إني بإيطاليا على بالي بالسعوديه

ماعرفت ارد عليه

شلت قشي والايس كريم
ورجعت عند امي وابوي

][ الموفيد ][

راح الموقف بس مانسيته ..

][ وبعد العوده ,,][

عدنا بعد السفر الى أرض الوطن

مبسوطه مستانسه ومحد قدي <<

داخله جوو

واستلمت طبعا صديقاتي وحده وحده اقولهم عن
الكوارث البشريه هناك << الكوارث البشريه = الشعب الايطالي :p

وبعد فتــره

وإذا بشخص يتصل على ابوي ويطلب انه يقابله خارج المنزل

الوالد شرب قهوته وأخذ شماغه وطلع

بعد اكثر من ثلاث ساعات رجع ابوي

وقالي ريم تعالي فوق ابيتس بكلمة راس

قلت حاضرين للحلوين ابشر اجيك الحين

وهنـا داار الحوار

ابوي :: ريم انتي تسم عمرتس ..؟

ريموو:: << بإستغراب شديد ....

ابوي:: وراتس مستغربه
ريمووه:: يبه فيك شي ..؟
ابوي :: والابتسامه تشع من وجهه الجميل قائلاً .

. لايابنيتي مافي شي بس اليوم جاني واحد يبيتس على سنة الله ورسوله
ريمووه:: يبه انت عارف رايي بالموضوع زواج ماأبي <

ابوي :: تراه مهوب واحدن من عيال عمتس ولاخالتس ولاهوب قريب لتس اصلا
ريمووه:: متفاجأه .....

ابوي :: ولاهوب سعودي
ريمووه:: يبه وش السالفه حيرتن

ابوي:: شوفي يابنتي تراه واحدن من بلاد الغرب إيطالي لكن الحق يقال اخلاقه عاليه و موظفن وراتبه ممتاز تعرفت عليه بإيطاليا
ريمووه :: إيطاااااااااالي

ابوي:: وراتس تصرخين اركدي واسمعيني

اسمه سلفكرينو وعمره 25 موظف مع ابوه بالشركه ووقت فراغه يقضيه بمحل الايس كريم حقه
ريمووه:: وشوووو ...

... وانا اقول بخاطري << بياع أيسكريم بعد الله يستر

ابوي:: والله لو ماتسكتين لاخليك واروح لمه واقوله مافي نصيب

عاد انا انهبلت ومسكت فمي وسكت

ريمووه:: خلاص تووبه يبه كمل ولابقاطعك

وابوي جالس يتكلم ويتكلم وانا جالسه استرجع ذكرياتي بايطاليا

وقطع حبل الافكار ابوي شدني مع شعري < حلاله ابوي

ابوي:: هيييه انتي معي

ريمووه:: يببببه معك والله << وهـ بس ياسلفكرينو

ابوي:: طيب دامتس معي هاااه وش قلتي

ريمووه:: بخاطري اقول << ابي العرس اليوم

..
ريمووه:: يبه الي تبيه انت بيصير

ابوي :: ليييه انا الي بتزوج ولا انتي؟

؟ اشوف يوم يخطبونتس عيال عمتس تقولين ماحد يتحكم فيني والراي رايي

والحين اشوف الحتسي تغير الحين الشور صار شوري؟ اجل منيب مواقف ..:p
ريمووه:: يبه وشووله منت موافق

<< ( فيس متحطم )
ابوي:: امزح يالدلخه ابي اسمع الموافقه منك :p
ريمووه:: (فيس إنقلب سلطة فواكه .) م و ا ف ق ه

ابوي :: اجل اروح لم امتس واقوله
ريمووه :: بس يبه عندي كم سؤال..
ابوي:: تفضلي

ريمووه:: يبه الرجال مسلم..؟

ابوي:: اجل انتي وخشتتس بزوجتس واحدن مهوب مسلم

الحمد الله مسلم من فتره بس مهيب طويله

ريمووه:: << حاطه يدي على قلبي .. اوه الحمد الله طلع مسلم

ريمووه :: زين يبه شلون عرفني؟؟
ابوي يناظرني بنص عين:: لاياشيخه

ترا الرجال قالي وشلون عرفتس انتي وخشتتس وبمحل الايسكريم بعد < ينعن الاحراج

ريموو :: يبه انا ؟؟لا ايه ( فيس مايدري وين يودي وجهه :p ) << فشلتن ياسلفكرينو :p

ابوي :: المهم ياريم انا طالع

ريمووه:: طيب يبه الله معاك

....

انتهى الحوار
..
من كثر الفرح والوناسه صرت افكر بفستان الزواج

< مستعجله

وقلت .. لازم اسويه كذا ومكياجي كذا والورد كذا ووو..الخ

وعلى بعد مُتيرات قليله من غرفتي

سمعت صوت جدال وشد وجذب وشوي شوي ترتفع الاصوات
ورحت وفتحت باب غرفتي إلا امي بوجهي وابوي مسك الباب الخروج وطلع

][ودار النقــاش الحــاد][

امي:: الحين تتركين فارس وتروحين للخايس

ريمووه:: مااامي حبيبتي لاتسبين زوجي

امي:: زوجتس بعينتس يالخبله ابصم بالعشر إنتس مراهقه

ريمووه:: انااا يمه؟؟؟؟؟ الله يسامحك بس

امي :: انا ابي افهم .. فارس اقل منه في وشو يعني؟
ريمووه :: يمممممممممه وشو الي تقوليييينه
يمه ولد خالتي على عيني وراسي
O بس O

سلفكرينو < وهـ ياناس >

هذا ايطالي

يمه هذي فرصة العمر:p

وبعدين الرجال شاريني جاي من ديرته للسعوديه عشاني وتبيني اقول لا

لاوالله ماأقولها<

امي :: والله محدن خسران إلا انتي
ريمووه:: يمه حبيبتي وشو الي خسرانه انا فيه؟

امي:: لاهوب من ثوبنا ولاهوب من مستوانا ياريم

ريمووه:: يمه وشو الي تقولينه الرجال مسلم واخلاقه طيبه وموظف وكل هذا بشهادة الوالد

امي:: وفاااارس اطلق منه
ريمووه :: << ياذا الفارس النشبه غصب يصير مثل سلفكرينو ياناس؟؟

امي :: لاتطالعيني كنتس قطوو ردي على كلامي..

ريمووه:: فارس مااحبه .. والله يرزقه بغيري ..

امي :: حبتس برص زييين ..!.. الحين الحب مهوب يقولون بعد الزواج وشوله مستعجله

ريمووه:: يمه ماأبيه ماأبيه بتزوجيني غصب ؟؟

امي:: لايابنتي انتي الوحيده عندي مااقدر اقولتس شي

ريمووه:: يابعد عمري والله فديتك ياالغاليه وبعدين يايمه ماتشوفينها فرصه بالله احسن فيها النسل

امي:: قلت لتس فارس احلى وازين منه

ريمووه:: يايييمه وش ذا الحكي ؟؟؟ مابعد تشوفين سلفكرينو وتقولين فارس احلى؟
سلفكرينو وييييييييييييييين وفارس وين..

امي:: الله يهديتس يعني هالصبغ الازرق الي بعينه بيخليه احلى من فارس
يابنتي خلاص بروح اصبغ عيون فارس عشان ترضين بوه

ريمووه:: واصبغي شعره بعد هههههه :p
امي :: الله يهديتس يابنتي < آميين

انتهى النقاش الحــاد ..

× يوم الاحد ×
قالي ابوي ان يوم الخميس الرجال بيجي مع امه يخطبوني رسميا
:: انا من الفرح اغني ::
طاير من الفرحه طاير قلبي على نار صاير .. ووالخ

وقضيت كل الايام التي تسبق الحدث بين كوفيرا وسوق وووالخ من الاستعدادات

][ يوم الخطبه ..][

وجااااء الحدث الاكبر في حياتي << متحمسه

وصديقاتي كانو حاضرين خطوبتي
ودار الحوار ..

نوره : الف الف مبروك ياريم
ريمووه :: احم احم الله يبارك فيك :p
سارا :: شوي شوي لاتطيحين على خشتتس

ريمووه:: ياناس فرحانه شسوي

سارا :: والله حاستن فيتس الله يسعدتس يارب

نوره :: طرت على بالي اغنية راشد الماجد (دنيا حظوظ)

ريمووه:: بنااات كذا حلوو الميك آب ولا اشيله
سارا:: حلو والله لاتخافين ترا الي يبي يشوفتس ايطالي مهوب سعودي خبرتس السعودي شين ويجلس يشوف نفسه عليتس

ريمووه:: اسكتو لايسمعكم اخوي هههههههههههه

نوره :: خليه يسمع لو ان الي خاطبتس سعودي كان علووم ..

.. المهم حلو الميك آب لاتشيلينه

سارا :: ههههههههههههههههههه
دق باب الغرفه..
نوره:: ريم ؟؟ افتح الباب؟
ريمووه:: ايه الله لايهينتس
وتدخل امي :: يلا ياريم خلصتي
ريمووه:: ايه خلصت
امي :: يلا يابنات امشو الصاله الحرمه جالستن لحالها<< تقصد ام سلفكرينو وهـ ياألبي :p

" معلومه "

(ام سلفكرينو تتكلم عربي كويس ..) < عشان تمشي القصه

سارا و نوره :: إن شاءالله

طلعت مع امي ورحنا قرب المجلس
جلست اشوف نفسي أخر مره قبل الدخول :p
شوي إلا يجي ابوي

ابوي:: بنت ماخلصتي؟

ريمووه:: إلا يبه
امي:: يلا سمي بالله وادخلي
ريمووه:: يمه مابتجين معي
ابوي:: وانا يا ريمووه مومالي عينتس

ريمووه:: ......

امي:: يارجال البنت خايفه لاتجلس تخوفها زود

ابوي:: طيب يابنتي تعوذي من ابليس وادخلي :p
ريمووه :: << ياربي والله لو اني بدخل معركه ماخفت لهالدرجه

نفس عمييييييييييييييق

][ بسم الله ][

ودخلت المجلس

ياناس مجلسنا حسيته تغير وكأني ادخله اول مره < من جد

الجوو بارد والدنيا هدووء لدرجة ان صوت الهوا سمعته << مالها داعي

... طالعت يمين يسار فوق تحت ...

===

مالقيت سلفكرينو

وينه؟؟؟؟؟؟

ريمووه:: << أناظر ابوي

ابوي:: لحظه اجلسي ياريم بروح اشوف وينه ؟؟

جلست وانتظرت ..

الحبيب طلع بالحووش يتمشى عند الحديقه
طفش وهو يستنانا << يابعد عمري طولت عليه

طلع له ابوي وناداه ..

وأول مادخلو ...
.
.
.
.
.

لاإله إلا الله

اللهم صلي على محمد

ياناس وش ذا الزين قسمن عظمن انحولت من وسامته

لابس بدله سودا وعيونه زرق والشعر اشقر < الله يقلع بيكهام بس :p
لولا الحياء والله ماأشيل عيني منه

بس تعرفون يعني << ...

................
دخلت ام سلفكرينو وجلست معنا عشان تترجم الكلام لنا

ودار هذا الحوار

ابوي :: كيف حالك ياام سلفكرينو

ام سلفكرينو :: أنا بكير وأفيه

وهنا غرد آآقصد تحدث سلفكرينو ..

سلفكرينو :: gtjhtjhjhyjnjukmkjkmkjkjkkj

ام سلفكرينو :: يكول سلفكرينو انهو يريد من ريم ان تتهدث يريد سماء صوتها

ابوي :: ياريم تكلمي يابنتي

سلفكرينو:: fbkjhlkgjnlhhghghgh

ام سلفكرينو :: يكول سلفكرينو . كيف حالوكي ياكمر ؟؟

ريمووه :: وانا اقول بخاطري<<< والله انك انت القمر

ريمووه :: ب خـ ي ر

سلفكرينو :: ghghogjnkhghgjhkjjhlkjhgjpofhp[mkj

ام سلفكرينو :: يكول انهو يريد سماء الموافكه منكي على زواجكما؟

ريمووه :: اقول بخاطري < أفـا عليك ماطلبتي شي ..

ابوي :: وراك ساكته ردي ياريم

سلفكرينو :: kgjfbghgnhj,klklkhgkhggikhgjkh

ام سلفكرينو :: يكول انها تبدو كجوله > ((خجوله)) وهذا يجئل الفتاه اجمل

ريمووه :: ...........((

)) من الاحراج

ابوي :: موافقه ياريييم ؟؟

ريمووه :: ا ي ه :p < مابغت تطلع الموافقه

سلفكرينو :: fbifhgkfhgkjblkjhlnjlkgnkjgbhjg

ام سلفكرينو :: يكول انهو سوف يجئلكي اسئد فتاتن بالتونيا وسوف يفئل ماتريدين
ويتمنى ان تكوني سئيدتن به

ابوي :: فيك الخير والبركه

سلفكرينو :: vkbhjgbfkdjgdxvfhvjkbhfjg

ام سلفكرينو :: يكول انهو يئتبر رؤيته لريم اسئد ماكد مر أليه بهياته :p

ريمووه :: << فيس مبتسم ومتشقشق >>

ام سلفكرينو :: نأتذر يبدو اننا اتلنا أليكم نهن
سوفا نكادر وسنزوركم كريبا

ابوي :: حياكم الله بأي وقت

سلفكرينو :: vibjgkhgkhglkh

ام سلفكرينو ::يكول سلفكرينو انهو سيشتاك لكي ياريم

ريمووه:: وانا بخاطري << وانا اكثر

ام سلفكرينو :: إلى اللكاء

سلفكرينو :: hgh hjih

أبوي :: فمان الرحمن ..

ريمووه :: اقول بخاطري<< يالبيه ع الادب ماخلى شي حلو إلا قاله وش هالسلفكرينو ياناس

وانتهى اللقــاء

................

عاد الحين وبعد ماانتشر خبر الخطوبه

جاكم الاعصار << وخر عن طريقه

قامو عيال العم والخال والي له دخل ولا مال امه دخل :p

بالهجوم على زوج المستقبل العزيز سلفكرينو وإتهام والدي بأنه استعجل بالموافقه

<< يامال الـي مانيب قاليه تبون تخربون بس

المشكله ماادري هم رافضينه ليه؟

لانه غريب

ولا لإنه ألاشقر الإيطالي

وبعد مرور الوقت كـ البــرق

جاء يوم الزفاف

< أخيـرا بنعرس

مر الوقت بسرعه كنت بالبيت وسمعت إن سلفكرينو موجود وطلب مقابلتي

والي صدمني

وخلاني اعض اصابع الندم

سلفكرينو جاء بإتجاهي مسرعاً

كان غاضباً ويحمل بيده شيء وانا اقول < يارب استر

رِحت لمه ويوم صار مقابلني وجا يبي يتكلم

لفت نظري صوت امي ...

تقول :: ياريييييم قوومي ماشبعتي نووووم
ورانا عرس بنت خالتس

آآخ آآه يالقـهـر

لو ادري انه حلم ماكان صحيت << مشكله الغباء :p

عـاد انا بعد ماصحيت وصحصحت من النوم

لاااا شعوريا طلعت معي هذي الخزعبله

سلفكرينو جعل عيني ماتبكيك تعال كل ليله نور احلامي

=====

بالله وش رايكم بإسم سلفكرينو؟

والله عصرت مخي
مالقيت غير اسم الشامبو حقي سلفكرين شقلبت جد عم ابوه
وطلع سلفكرينو :p

وهـ بس

.........

مع خالص الي مدري وش يسمونه :p

مخرجة الحلم : ريمووه

تنبيــه :

لا للتدقيق ع الاخطاء الاملائيه

المعذره على تقلب اللغه < عامي فصحى ايطالي <

====

شاكرين لكم حسن قراءتكم

تاكسـي الغرام · #2 13/08/2007, 05:40 AM

هلا بريمو

إقتباس


	حسبي الله عليك غصب ياخي اموت فيك؟؟

لا لا تكفين موتي عند اهلك ماني ناقص مشاكل

إقتباس


	انا مع وجهي بغيت اقول :: والله إن تاخذن الفلوس ..

كفووو

إقتباس


	سلفكرينو :: gtjhtjhjhyjnjukmkjkmkjkjkkj ام سلفكرينو :: يكول سلفكرينو انهو يريد من ريم ان تتهدث يريد سماء صوتها

تذكريني بطاش ما طاش يوم الحيان على أنه ساحر ومعه السدحان مترجم ويضحكون على ابو علي اللي هو ناصر

إقتباس


	قامو عيال العم والخال والي له دخل ولا مال امه دخل :p

ههههههههه اخس عاد

إقتباس


	لو ادري انه حلم ماكان صحيت << مشكله الغباء :p

الدعوه حلم .. اجل خلك على فارس ولد خالتك

تحياتي لك اخت ريمو ..

الموضوع رائع بس فيه ملاحظات

ماله داعي كل هالخاقه مع هالإيطالي

تحياتي لك

Canada's gallant · #3 13/08/2007, 05:44 AM

يت شين الاحلام و يا زينك بس في مطبخك ^_*

لي عودة مع المحقق كونان لاثبات ادانتك

الســفيرة · #4 13/08/2007, 06:00 AM

ههههههههههههههههههههههههههههه اسلوبك بسرد الموضوع رووووعة ماشااء الله بس

نهايتك مؤلمة

>> اجل وش ودك تاخذ سلفكرينو يعني

برايفت ريموو >> اذا تم الزواج بالحلم القادم اخطبيلي اخو سلفكرينو

Paolo Nesta · #5 13/08/2007, 06:13 AM

والله منتي صاحية ياريمووووووووه

والسفلكتر حقك الله يرده لك بالحلم

والله عندك اسلوب رواية روووووووووعه

مثلك ولا تنسينى بالجديد ياقمر

تحياتي أختك ريم

ملـــــ الهلال ــــك · #6 13/08/2007, 06:39 AM

ياليتي الأيطالي ...........

أمزح صدقتي أهم شي من يوم لقيت اللغه حقت اليطالي حرفين متكررات وانا داري الأطالي زنجي من زنج تشلسي ههههه

يسلمو أيدكـ ع الموضوع الحلو زيــ(ي) وفي لقاء أخر باذن الله

قلبتها مؤتمر

اهم شي أكيد حطتيلي أي سكريم الاطالي ع جنب وع فكره تراء الأيطالي هذاك ان كنت أمشي في مره من المرات

لقيت محل اسكريم وماعنده احد وقالي راعي المحل أقعد اليوم في المحل قلت أبشر ويوم راح وأقعد ويوم لبست ملابس الأيسكريم<<ماعرف يهلس

أهم شي يوم قعدت وتجيني ذيك ألي ماتنوصف

وقالت أبي أسكريم قلت والله أصيرلز((عسكريم))
ومدري وش طلبت وحطيته لها بكيس وأخذته وقلت ما ابي دراهم لأانه يوم جت تفتح الشنطه طاحت 500 ريال يعني مكن ما أدري أهم شي أنه فلوس كثيره هههههه

وشرايكم بالقصه تكميله وساريك ريمو يالله برب لي رجعه عشان التكمله

د.هلالية · #7 13/08/2007, 06:57 AM

إقتباس

الرسالة الأصلية كتبت بواسطة ¤ ريـموو ¤


	عاد الحين وبعد ماانتشر خبر الخطوبه جاكم الاعصار << وخر عن طريقه قامو عيال العم والخال والي له دخل ولا مال امه دخل :p بالهجوم على زوج المستقبل العزيز سلفكرينو وإتهام والدي بأنه استعجل بالموافقه << يامال الـي مانيب قاليه تبون تخربون بس المشكله ماادري هم رافضينه ليه؟ لانه غريب ولا لإنه ألاشقر الإيطالي

لا والله, الغيرة وعمايلها تسوي أكثر,,

إقتباس

الرسالة الأصلية كتبت بواسطة ¤ ريـموو ¤


	بالله وش رايكم بإسم سلفكرينو؟ والله عصرت مخي مالقيت غير اسم الشامبو حقي سلفكرين شقلبت جد عم ابوه وطلع سلفكرينو :p

وأنا أقول الاسم مألوف ليه؟؟!

خفت إني شايفته قبل وما ركزت عليه!!

***
بالله شوفي إذا كان لسلفكرينو ولد عم,,

¤ ريـموو ¤ · #8 13/08/2007, 07:10 AM

تاكسي الغرام

إقتباس


	لا لا تكفين موتي عند اهلك ماني ناقص مشاكل

مثقله عليك وانا مادري

إقتباس


	الدعوه حلم .. اجل خلك على فارس ولد خالتك تحياتي لك اخت ريمو .. الموضوع رائع بس فيه ملاحظات ماله داعي كل هالخاقه مع هالإيطالي تحياتي لك

توتي الغرام ياهلووو

طااانكس ع الرد الكويس مررره

======

Canada's gallant

إقتباس


	يت شين الاحلام و يا زينك بس في مطبخك ^_*

إقتباس


	لي عودة مع المحقق كونان لاثبات ادانتك

هلا بالمغترب

حتى لو ماترجع عادي مرورك كافي < لاتصدق

أحتري رجعتك < نشبه

=========

أحلاهم واتحداهم

إقتباس


	ههههههههههههههههههههههههههههه اسلوبك بسرد الموضوع رووووعة ماشااء الله بس

إقتباس


	نهايتك مؤلمة >> اجل وش ودك تاخذ سلفكرينو يعني برايفت ريموو >> اذا تم الزواج بالحلم القادم اخطبيلي اخو سلفكرينو

الحين بس نور الموزوع يامال الطانكسات والتشكرات

ابشري ماطلبتي شي

اخطب لتس صانصلكو اخو سلفكرينو

< شامبو صانصلك عرفتيه

وطااانكس كبيره مره مره

========

Paolo Nesta

إقتباس


	والله منتي صاحية ياريمووووووووه والسفلكتر حقك الله يرده لك بالحلم

إقتباس


	والله عندك اسلوب رواية روووووووووعه مثلك ولا تنسينى بالجديد ياقمر تحياتي أختك ريم

هلا هلا وراتس جايبتن معاتس نوررر اعمي موضوعي < ماتعرف تمدح

أبشري ياصووووكر

طااانكس

=========

ملـــــ الهلال ــــك

إقتباس


	ياليتي الأيطالي ...........

حيا الله ملكلك تو مانور الموزوع

إقتباس


	أمزح صدقتي أهم شي من يوم لقيت اللغه حقت اليطالي حرفين متكررات وانا داري الأطالي زنجي من زنج تشلسي ههههه

إقتباس

لاتسب زوجي لو سمحت <<

مصدقه

إقتباس


	يسلمو أيدكـ ع الموضوع الحلو زيــ(ي) وفي لقاء أخر باذن الله

إقتباس

ملكلك لاتكون سلفكرينو وانا ماادري

إقتباس


	قلبتها مؤتمر

إقتباس


	اهم شي أكيد حطتيلي أي سكريم الاطالي ع جنب وع فكره تراء الأيطالي هذاك ان كنت أمشي في مره من المرات لقيت محل اسكريم وماعنده احد وقالي راعي المحل أقعد اليوم في المحل قلت أبشر ويوم راح وأقعد ويوم لبست ملابس الأيسكريم<<ماعرف يهلس أهم شي يوم قعدت وتجيني ذيك ألي ماتنوصف وقالت أبي أسكريم قلت والله أصيرلز((عسكريم)) ومدري وش طلبت وحطيته لها بكيس وأخذته وقلت ما ابي دراهم لأانه يوم جت تفتح الشنطه طاحت 500 ريال يعني مكن ما أدري أهم شي أنه فلوس كثيره هههههه وشرايكم بالقصه تكميله وساريك ريمو يالله برب لي رجعه عشان التكمله

ملك

مشكله انت الاملاء عندك رايح بخرايطها

أحتري رجعتك ملكلك

=====

د.هلالية

إقتباس


	لا والله, الغيرة وعمايلها تسوي أكثر,,

مشكله والله هالغيره

=====

إقتباس


	وأنا أقول الاسم مألوف ليه؟؟! خفت إني شايفته قبل وما ركزت عليه!! *** بالله شوفي إذا كان لسلفكرينو ولد عم,,

ههههههههههههههههههههههههههههههههههه

ابشري ولايهمتس

يقولون ولد عمه ازين منه :p

طاااانكس ياعسلسل

r7l · #9 13/08/2007, 07:10 AM

al89aaa ebdaa3
...>>>>>>>>>3ad ana 5l8a a58 3nd ali6alin

هلالي في مانع · #10 13/08/2007, 07:14 AM

ياليــتي أيطاالي امزح بــس تراا نعرف نحطم زيكــم.!

شوفيــ الرد تحــت

شـوفيليـ اخت الشامبو حقكــ.!

تبيني.!

الكلاسيكي · #11 13/08/2007, 07:19 AM

هلا فيك اختي ريم ...
نوماً هنيئاً .. ولا تتعودينه .. وش فيه فارس :p ..

إقتباس


	نأتذر يبدو اننا اتلنا أليكم نهن سوفا نكادر وسنزوركم كريبا

اللهجه لهجة افريقي في الحج !

دمتي بخير ..
اسال الله ان يرزقك الزوج الصالح ..

¤ ريـموو ¤ · #12 13/08/2007, 07:29 AM

r7l

إقتباس


	al89aaa ebdaa3 ...>>>>>>>>>3ad ana 5l8a a58 3nd ali6alin

:p < جآآآري تفكيك الرموز

يعطيتس العافيه والابداع مرورتس الهيلوو

<< وانا مثلتس خاقتن معهم :p

====

هلالي في مانع

إقتباس


	ياليــتي أيطاالي امزح بــس تراا نعرف نحطم زيكــم.! شوفيــ الرد تحــت شـوفيليـ اخت الشامبو حقكــ.! تبيني.!

ماعندي اخت لـ الشامبو

عندي زييييت وحنااااا تبيها حياك الله :p

مرور ولاأسنع طااانس منووع

====

الكــلاسيكي

هلا هلا بشيخ المجلس

ياشيخ احرجت موزوعي بطلتك :p

إقتباس


	هلا فيك اختي ريم ... نوماً هنيئاً .. ولا تتعودينه .. وش فيه فارس :p ..

فـارس والنعم فيه رجاااال

بس مع سلفكرينو مافيه مجااال تبصبص يمين وشمااال

=====

إقتباس


	اللهجه لهجة افريقي في الحج !

إقتباس

فضحتن يارجال < خليها مستوره :p

إقتباس


	دمتي بخير ..

إقتباس


	اسال الله ان يرزقك الزوج الصالح ..

طاااانكس ع المرور العسلسل

هلالي في مانع · #13 13/08/2007, 07:46 AM

8
8
8
افااا مافي اخت.!

فهد_المشيطي · #14 13/08/2007, 10:19 AM

ايطاليا دولة موب مدينة

¤ ريـموو ¤ · #15 13/08/2007, 10:31 AM

إقتباس


	8 8 8 افااا مافي اخت.!

الصراحه فيه .

. بس ماودي أضايقك واقول انها ماتبيك < امزززح :p

====

إقتباس


	ايطاليا دولة موب مدينة

ومن قال غير تسذا ؟؟

طاانكس ع المرور