zooom 
هذي ممكن أجي معك فيها ...
[/center]
أما هذي فإسمح لي ... المفرج في هذه الفترة أساسي و بقوّة بعد ... مع المدرب أديموس ..
و اسأل من شئت .. أو عد إلى تقارير المباريات في الشبكة ..
صدقت ...ذكرتني الله يذكرك الشهاده ...
اديموس كان يلعب المفرج ظهير ومحور وما بقى الا يلعبه حارس !!
يا كبر أمرك يا zooom !!! الحين صار المتسبب بالخمسات المفرّج !! صعبه 
للاسف المفرج كان يتحمل نسبه كبيره مع النزهان في مباراه الشارقه
بس حطوها في ظهر ابو شريده المسكين واحرجوه واجبروه على الاعتزال..
في مباراه الاهلي كان فيه اخطاء تحكيميه .. يعني ظروف خارجه عن الاراده
بس مباراه الشارقه يتحمل نسبه كبيره !!
[center]ياخوي على أيام أديموس كان الفريق يعاني من شلل تام بسبب الإصابات ولم يكن في الفريق صانع لعب واحد تقليدي .. لم يكن موجود أبداً .. غير سعد الدوسري رحمه الله ..
وما كان صانع لعب من الدرجة الأولى .. و كان يغيب عن الفريق كل من الثنيان ( للإعتزال ) و نواف ( للإصابه ) و الشلهوب ( عانى كثيراً من الإصابات ) و سامي ( غاب كثيراً بسبب هبوط مستواه و هو ما أكده سامي نفسه في المواجهه مع بتال القوس و في بعض الصحف بعد إنتهاء الموسم .. وكان سبب هبوط مستواه هو الإصابة التي حدثت له في بداية الموسم في مباراة وديّة أمام التعاون بعد حركة مقصيّة نتج عنها إصابة في الفقرات العنقية ) وخرج بسياره الاسعاف الى مستشفى الامير سلمان !! >>> يعلمك انه متابع!
و كانت قوة الفريق تكمن في الجهة اليمنى التي كان يتواجد فيها (( جاتو سيسه و الدوخي )) وكان يعتمد المدرب على هذا الثنائي في بناء الهجمات و التوغل في منطقة الخصم .. و عندما جاء العجلان الـ... ـ مثل ماتقول ـ قسم قوة الفريق إلى جهتين .. حين جعل سيسيه في اليمين و نقل الدوخي لليسار و أحياناً يفعل العكس <<< داهية !! وازيدك من الشعر بيت يلعب سيسيه رأس حربه !!
فأصبح الدوخي في جهة لا يجد من يسانده و يتعاون معه مثل سيسيه وفي الجهة الأخرى سيسيه لا يجد من يدعمه و يسانده مثل الدوخي ... نتج عن ذلك أن الفريق أصبح غير قادر على مغادرة ملعبه و التقدم إلى ملعب الفريق المنافس ... فكان الفريق يضغط في ملعبه مما تسبب بالخمسات 
صدقت بس هذا ما يشفع بالاخطاء البدايه اللي حصلت من المفرج والنزهان
والخثران وحتى عزيز في هذاك الوقت كان نكبه !!
[center]مثل ما قلت لك في ردي السابق .. أنا لا أنسب للبطي المجاملة و لكن إذا أنت ترى أن الإستقالة دليل على أنه لا يجامل .. فسبق لمنصور الأحمد أيضاً أن إستقال في عهد إدارة سعود بن تركي لعدم رضاه عن أحوال الفريق  وش رايك ؟!!
اكيد كان فيه اسباب !! بس اكذب عليك لو قلت لك ادري !
بس يمكن زعلان ليش المفرج مايلعب اساسي !!
[center]لا تنسى أن المرشدي لاعب محترف و جايبينه بمبلغ و قدره .. يعني المفرض إنه عارف مصلحته .. ما هو طالب في مدرسة يحتاج إلى أخصائي إجتماعي !!
المرشدي ماكلف 900ألف والى اللحين مادفعوا الفلوس للجبلين !!
لو كانت مشاكل المرشدي ماليه أو حقوق له عند الإدارة أو خلاف بينه و بين المدرب .. ممكن نقول يجلسون معه و يحاولون حل هذا الإشكال .. لكن الرجال راعي مكاشيت و غيابات و تبيهم يجلسون معه و يقنعونه يحظر للتمارين !! هذي ماهي معقولة أبداً !!!
انا اختلف معك !! وابعطيك مثل !! تتذكر احمد بهجاء مع الهلال كان مستواه
جيد الى جيد جدا ! بس بعد ما انتقل الى الاتحاد اصبح مستواه ممتاز واستطاع ان ينقل الاتحاد الى عالم البطولات مع ظروف اخرى طبعا دميتري
وخطه التكسير وتساهل الحكام معهم كل هذه ظروف خدمت الاتي !!
لكن بهجاء كان دوره مؤثر جدا والسبب تعامل طلعت لامي معه !
كان يتعامل معه تعامل خاص جدا يتناسب مع عقليته الصغيره !
وشف النتيجه وش كانت !!
انا ما اقول يدلعونه او يقنعونه بالحضور بس عالاقل شوي من الاشادات
اللي يأخذها المفرج جزء بسيط يتحول الى المرشدي مع شوي نصايح
والدنيا كذا ارخ شوي وشد شوي ! اللي حاصل شد مع المرشدي وارخاء مع المفرج !!!
بغض النظر عن إني معارض أو مؤيد لتصريح أبو سلطان ... فالتصريح ما جاء إلا رد على حملة منظمة تقودها الصحافة و أيدتها بعض الجماهير و التي صورت أن كل شيء تمام في الفريق وأن جميع مشاكل الفريق سببها المفرج <<< وهو ما ثبت عكسه تماماً في
صدقني مافي حمله ولا شي اللي حاصل ان المفرج هابط مستواه والبعض من اصحاب القرار ماخذ الدعوه عناد !! ويبغى يقنعنا بالقوة ان المفرج افضل لاعب دفاع في العالم !!
و إذا على المكافأة فالمفرج يستاهل ... ماهو لأنه أفضل لاعب في الفريق و لكنه أكثر واحد إلتزاماً بواجباته داخل النادي .. و على فكرة في غير المفرج أخذوا مكافأت فئة ( أ ) الموسم الماضي وهم لم يشاركوا أساسيين !!
ولاعبين أخرين أخذوا مكافأت وهم مصابين !!
الله يهنيه ببركتها ... اللهم لا حسد ومن حصل شي يستاهله
أبو سلطان ما هو الوحيد اللي يدافع عن المفرج ... المفرج دافع عنه سامي و ياسر و عمر الغامدي وعزيز و تفاريس ...راح تقول مجامله لزميلهم .. طيب ليش ما يجاملون المرشدي و يسكتون أقل شيء ؟!! يعني لا يشيدون بهذا ولا هذا ..
بتوجيهات من الاداره وبعضهم يرحمونه !!
بعدين اللي بيتوسط للمفرج ... يتوسط له ليش ؟؟
لاهو لاعب ولد ذوات على شان يتوسط له تزلفاً لأهله ..
و لاهو لاعب عنده جلسه في البيت و يجتمعون عنده اللاعبين و أعضاء مجلس الإدارة حتى يتوسط له تقرباً لهم ..
و لاهو لاعب راعي سفريات حتى نقول إنه يتوسط له لأنه خوي سفر ..
و لاهو لاعب مرغوب و محبوب عند الصحافة حتى نقول أنه يتوسط له لكي ينال نصيباً من الإشادات الصحفية ..
أبغى سبب واحد بس يقنعني إن فيه أحد يتوسط للمفرج كل هذه السنين بالرغم من أنه لاعب (غير مفيد للفريق ) على حد زعمك !!
الله اعلم !! في اشياء تحصل ولا تجد لها تفسير !!
ياخي بديت تخوفني من المفرج ... إلى هذه الدرجه المفرج مسيطر على الفريق ؟؟ لاقي اللي يتوسط له ...و لاقي اللي يقنع كل المدربين فيه .. و لاقي اللي يبعد عنه كل المنافسين له على الخانه ... عجيب والله ..
أما المرشدي فقد تمت إعارته لنادي الوحدة قبل موسمين و لعب أساسياً هناك و لكن مع لأسف ما راح للمنتخب ..!!
انتقل في وقت غير مناسب لفريق غير مناسب في هذاك الوقت
كان الفريق نص لاعبيه معيرهم الى انديه اخرى والباقي صغار ومع ذلك كان اسامه هوساوي احتياط له!!
صدقني لو يشوفه انجوس اللحين يضمه وهو مغمض !!
أخيراً وليس آخراً / { المفرج ليس أفضل مدافع و لكنه أفضل الموجودين } ليس افضل الموجود !! مستحيل !! فيه اللي افضل منه بمراحل !! @@ ما تلاحظ إننا قلبنا الموضوع شات | 
الوضع العادي
