حجز

إقتباس بسم الله الرحمن الرحيم

بسم الله الرحمن الرحيم
==

إقتباس اعضاء منتدا الزعيم الكرام السلام عليكم ورحمة الله وبركاته صباح الخير للجميع.

وعليكم السلام ورحمة الله وبركاته
صبحك الله بالنور والسرور :p

إقتباس خلاصة الموقف ..

صراحتن مدري وش اقول وش اخلي في هالي تصرفو باهالطريقه
قسمن بالله شي محزن :sad:

===

إقتباس طبعا اخوه للحين في البيت ماطلع .. ثم قاله بصوت عالي رح قل لفلان خله يشيلها في غرفته. اللي هي طبعا الشغله اللي كانوا يتفرجون عليها. عاد يقوله ولد اخته ليه ماشلتها انت .. رد عليه وقاله نسيت. قاله ولد اخته اشوا انك ذكرتها الحين. وتخيلو انا معهم في السياره كاني هندي يحسبوني نايم الظاهر او غبي ماافهم. انا في لحظته حسيت بغصه كان فيه احد طاعني في قلبي. بغيت التفت واقوله يابن الحلال ترا فاهم السالفه وماله داعي التجريح وش شايفني قليل اصل عشان اخونك واجلس اتفرج عليها بعد ماارجع للبيت ؟؟

ماشاءالله عليك ياأكشخ واحد شكلك طيبن ومنتب راعي هواش
واحدن مايعزني ولايحترم وجودي الله لايرده ماتشرفني صحبته
فعلا بالتحديد هذا المقطع وصل الاستفزاز حد حدوووده

إقتباس كنت عند واحد من الشباب في بيتهم طبعا هو مو مجرد صديق بالعكس اكثر من اخو

أكثر من اخو هاااه ؟؟؟؟؟؟؟؟؟ بطلوها الطيبه الزايده هذي ماعاد تنفع
قسمن بالله ماادري وين تشوف الاخوه مع هالناس الي تتصرف بالشكل ذا

===

إقتباس انا ماعمري خنته او طلع مني شي يحسسه اني خوان

لانه هو ماهوب واثقن من نفسه كيف تبيه يثق بالغير ؟؟
=======

إقتباس السؤال لو صار مثل هذي المواقف وش راح تكون ردت فعلك؟؟؟ بتواجه صاحبك ولا بتسوي كان الموضوع عادي ويحق له يخونك؟؟

شوف لو بس شميت ريحة حركه او همسه ماتعجبني
بالي مايحفظهم الي مايحترمني جعل القلعه تقلعه < متحمسه
==
واكيد بتوااااااااااااااجه ونصييين وعـــينـــي بعينهم بعد
كل شي إلا الظلم والاستفزاز والخيانه

وممكن اغير رايي وانتظر الساعه 2 باليل واصلي ركعتين وبعدها استلمهم للفجر دعاوي
لين يوصلني حقي < مجربتها

وطااانكس كبيره ع الموزوع الحماسي

حجـــــــــــــــــــز

إقتباس الرسالة الأصلية كتبت بواسطة اكشخ واحد اعضاء منتدى الزعيم الكرام السلام عليكم ورحمة الله وبركاته صباح الخير للجميع.

وعليكم السلام ورحمة الله وبركاته ..

صباح المسرات

إقتباس الرسالة الأصلية كتبت بواسطة اكشخ واحد اذا قالك اعز اصدائقك انك ليست اهل للثقه .. ولكن بطريقه غير مباشره .. ماهي ردة فعلك ؟؟؟

إقتباس الرسالة الأصلية كتبت بواسطة اكشخ واحد وكان هو واخوه وولد اخته يتفرجون على شغله خاصه فيهم يعني انا مايحق لي اشوفها

ياغالي اتوقع لو نظرناها بمنظر آخر لعذرته ... كيف ؟
بحكم الميانه فيما بينكم .. وبما ان هذا الشئ لايحق لك ان تشاهده
كما ذكرت اعتقد انه فكر انك اذا رجعت قد تشاهده تعتقد انه شئ عادي
بحكم انه لايخفى عليك اي شئ ..

( إلتمس لأخيك سبعين عذرا فإن لم تجد فلعل له عذر لا تعرفه ) ..
اتمنى يكون ردي واضح .

مع احترامي لك اخوي اكشخ واحد

فيك حساسية زايدة شوي

يعني كان يمديك تستهبل عليهم

أكلمك من جد هذا أفضل وقت للاستهبال

ذب كلمة تعلمه إنك فاهم الموضوع تماما و خله يضحك

و أضمن لك أنه مستحيل يسوي هالحركة معك أبدا

و حتى الموقف الثاني

يعني عاد أما جب المفاتيح يبو

أو جب الباقي خلني اروح قص عليها أخاف تضيعها

و تنحل المشكلة

ما أدري بالنسبة لوجهة نظري المتواضعة أرى أن المسألة كلها ( حساسية زايدة )

و إذا قالك أنت لست أهل للثقة ( بالحركات )

قله و لا أنت

في أمان الله يا حبيبي

إقتباس الرسالة الأصلية كتبت بواسطة عبيط..!! ياخي تراك انت وصاحب السالفة الثانية انتوا الغلطانين خلنا نجي من البداية اولا احسن شي سويته انك تكلمت بالموضوع ولا تركته بصدرك لانه راح يجيب لك مشاكل ;) ثانيا درس لك في الاهتمام بمشاعر الاخرين لانه انت ممكن تسوي نفس الحركة مع شخص اخر وانت ما تقصد ;) ثالثا وهذا الاهم لازم تعرف اخوي ان المفروض ان اللي بينك وبينه اكبر من شريط او شغلة خاصة فيه طيب انت ليش تفهمها انها شك او قلة ثقة انت على كلامك ما كنت ناوي تشوفها اصلا يعني المفروض انها ما تفرق معك سواء تركه قريب منك او شاله بغرفته ونفس الكلام بسالفة المفتاح اذا الشخص مو ناوي على الغلط المفروض انه ما يفرق معه اي تصرف من الاخرين رابعا احنا ليش دايما ندقق على التصرفات اللي تحتمل نيتين ونترك التصرفات الواضحة الجيدة مثلا انت دققت انه قال لهذا اللي يقرب له يشيل الشغلة الخاصة بس تركت الاهم هو انه بيتركك تنام في بيته بالله عليك لو ما يثق فيك بيخليك تنام عنده نفس الكلام لسالفة المفتاح معطيك سيارته بكبرها وما تشوف انها ثقة ويوم اخذ المفاتيح تحس انه يشك فيك هو اصلا لو يشك فيك ما اعطاك السيارة لانه ممكن يشك انك تبي تسوي فيها مصيبة او تبي تورطه بشغلة او اي شي ممكن يطرا على بالك خامسا عمر رضي الله عنه يقول في معنى كلامه انه ما يفسر تصرفات احد على محمل الشر وهو يجد له مخرجا من الخير يعني تخيل يقعد يدور له اعذار واحنا ننسى الثقة الكاملة ونعقدها على جزئية بسيطة لا تقدم ولا تأخر سادسا لو حطيت نفسك مكان خويك راح تلقى انك تسوي نفس التصرف يعني مثلا انا هالحين بحط نفسي مكان خويك وبتكلم بلسان خويك خويي على عيني وراسي يمون علي بس فيه حدود لازم انا احطها لنفسي قبل الناس انا اشيل هالشريط ( تراني اقول شريط بس عشان تسهل بالكتابه ) لا يجي فلان " فلان هذا واحد من عايلتهم اكبر منه " ويشوفه ويمتحنا عليه هالحين انا اشيل اشريط وبلاش احط نفسي في موقف صعب ومحير هل شافه ولا لا ( طبعا انت عارف ان الشيطان يكون حاضر في هالاوقات ) هذي كلها اعذار جبتها وانا ما ادري وش كان بالشريط ولا اعرف خويك اشلون يفكر نجي لسالفة المفتاح يمكن صاحب المفتاح يبي يروح بيتهم بدري ليش لازم يرتبط بالشخص اللي اخذ السيارة وينتظره الين يجي افرض احتاج شغلة من البيت صارت مصيبة بالبيت الشخص اللي اخذ السيارة صارت له مشلكة او حادث يقعد مرتبط فيه كل هالاعذار تتركها وتقول انه ما يبيك تنسخ على المفاتيح ورا الواحد ما يكبر عقله شوي سابعا هذي نصيحتين مني مع اني ما احب انصح الاولى : دايما دور اعذار لتصرفات الناس اللي يعزون عليك الثانية : اعرف ان بعض العلاقات ( اي علاقات , اخوة , صداقة, قرابة , زوجية ) اكبر من بعض الاخطاء اخوي تراني ما كتبت الرد هذا حبا في الكتابة لكن يشهد الله حسيت من كلامك انك تعز خويك هذا كثير وان الحركة هذي اثرت فيك كثير ولا بغيتك تفقده خصوصا انه ما سوى شي يستاهل تقبل مروري

أتفق مع عبيط

سبق الرد !

لي عوده أخويه

بصراحه انت حساس بس الموقف الاول يمكن يحقلك لانه لو يبي يشوف الحاجه

يشوفها وبلا حركات ويمكن يكون شي خاص بس حتى لو خاص مفروض ما يتكلمون

قدامك ويتناجون والموقف الثاني اشوفه شي عادي مشور اخوي تقبل مروري