|
عندما يقول لك صديقك .. انت ليست اهل للثقه ... موضوع للنقاش (( يرجا دخول الجميع بسم الله الرحمن الرحيم اعضاء منتدا الزعيم الكرام السلام عليكم ورحمة الله وبركاته صباح الخير للجميع. اذا قالك اعز اصدائقك انك ليست اهل للثقه .. ولكن بطريقه غير مباشره .. ماهي ردة فعلك ؟؟؟ اللي خلاني اكتب هالموضوع مو تهور مثل بعض الاعضاء اللي دفعني لكتابته هو موقف صار لي. خلاصة الموقف .. كنت عند واحد من الشباب في بيتهم طبعا هو مو مجرد صديق بالعكس اكثر من اخو وكان معنا اخوه وولد اخته .. المهم كنا جالسين في المجلس وكان هو واخوه وولد اخته يتفرجون على شغله خاصه فيهم يعني انا مايحق لي اشوفها. طبعا مو جالسين يشوفونها في التي في. وبعد شوي قرر يروحون للاستراحه وانا اللي كنت بوديهم لان سيارته مع اخوه. طبعا هو عارف اني ابرجع انام قبله عندهم في البيت <<<<< الشي هذا عادي بالنسبه له واكثر من مره صارة والعكس صحيح. اللي صار يوم ركبنا السياره كانه تذكر شي وشهق والتفت على ولد اخته وجلس يوشوش في اذنه. طبعا اخوه للحين في البيت ماطلع .. ثم قاله بصوت عالي رح قل لفلان خله يشيلها في غرفته. اللي هي طبعا الشغله اللي كانوا يتفرجون عليها. عاد يقوله ولد اخته ليه ماشلتها انت .. رد عليه وقاله نسيت. قاله ولد اخته اشوا انك ذكرتها الحين. وتخيلو انا معهم في السياره كاني هندي يحسبوني نايم الظاهر او غبي ماافهم. انا في لحظته حسيت بغصه كان فيه احد طاعني في قلبي. بغيت التفت واقوله يابن الحلال ترا فاهم السالفه وماله داعي التجريح وش شايفني قليل اصل عشان اخونك واجلس اتفرج عليها بعد ماارجع للبيت ؟؟ لو قاله بصوت عالي ارحم بس يقولها بصوت واطي هذا اللي قهرني من جد. المهم جاء اخوه وسئله حطيت اللي قلتلك عليه في غرفتك قاله ايه ومشينا. طبعا بحكم اني مااقدر ادخل جوا البيت. وانا جالس طول الطريق افكر ليه يضن فيني كذا؟؟ انا ماعمري خنته او طلع مني شي يحسسه اني خوان. الموقف هذا ذكرني بسالفه صارت لواحد اعرفه. يقول انه كان في الاستراحه مع واحد من اعز اصحابه. عاد اتصلو عليه اهله وقالوا تعال نبيك ظروري. يقولي انا جاي للاستراحه معه قاله الله لايهنك عطني سيارتك بروح للبيت ماادري وش يبون. يقول الرجال قام واخذ ميداليت المفاتيح وطلع مفتاح السياره وحط المفاتيح الباقيه في جيبيه. يقول لحظته طلع على راسي انواع الاستفهامات من ذا الحركه؟؟ يعني بروح اسوي نسخه على مفتاح بيتهم ولا ورع انا بضيع المفاتيح؟؟ السؤال لو صار مثل هذي المواقف وش راح تكون ردت فعلك؟؟؟ بتواجه صاحبك ولا بتسوي كان الموضوع عادي ويحق له يخونك؟؟ انتظر مشاركاتكم. |
حجز |
حجـــــــــــــــــــز |
إقتباس:
صباح المسرات إقتباس:
إقتباس:
بحكم الميانه فيما بينكم .. وبما ان هذا الشئ لايحق لك ان تشاهده كما ذكرت اعتقد انه فكر انك اذا رجعت قد تشاهده تعتقد انه شئ عادي بحكم انه لايخفى عليك اي شئ .. ( إلتمس لأخيك سبعين عذرا فإن لم تجد فلعل له عذر لا تعرفه ) .. اتمنى يكون ردي واضح . |
مع احترامي لك اخوي اكشخ واحد فيك حساسية زايدة شوي يعني كان يمديك تستهبل عليهم :D أكلمك من جد هذا أفضل وقت للاستهبال ذب كلمة تعلمه إنك فاهم الموضوع تماما و خله يضحك و أضمن لك أنه مستحيل يسوي هالحركة معك أبدا :) و حتى الموقف الثاني يعني عاد أما جب المفاتيح يبو :D أو جب الباقي خلني اروح قص عليها أخاف تضيعها :D و تنحل المشكلة ما أدري بالنسبة لوجهة نظري المتواضعة أرى أن المسألة كلها ( حساسية زايدة ) و إذا قالك أنت لست أهل للثقة ( بالحركات ) قله و لا أنت :D في أمان الله يا حبيبي |
ياخي تراك انت وصاحب السالفة الثانية انتوا الغلطانين:yes: خلنا نجي من البداية اولا احسن شي سويته انك تكلمت بالموضوع ولا تركته بصدرك لانه راح يجيب لك مشاكل ;) ثانيا درس لك في الاهتمام بمشاعر الاخرين لانه انت ممكن تسوي نفس الحركة مع شخص اخر وانت ما تقصد ;) ثالثا وهذا الاهم لازم تعرف اخوي ان المفروض ان اللي بينك وبينه اكبر من شريط او شغلة خاصة فيه طيب انت ليش تفهمها انها شك او قلة ثقة انت على كلامك ما كنت ناوي تشوفها اصلا يعني المفروض انها ما تفرق معك سواء تركه قريب منك او شاله بغرفته ونفس الكلام بسالفة المفتاح اذا الشخص مو ناوي على الغلط المفروض انه ما يفرق معه اي تصرف من الاخرين رابعا احنا ليش دايما ندقق على التصرفات اللي تحتمل نيتين ونترك التصرفات الواضحة الجيدة مثلا انت دققت انه قال لهذا اللي يقرب له يشيل الشغلة الخاصة بس تركت الاهم هو انه بيتركك تنام في بيته بالله عليك لو ما يثق فيك بيخليك تنام عنده نفس الكلام لسالفة المفتاح معطيك سيارته بكبرها وما تشوف انها ثقة ويوم اخذ المفاتيح تحس انه يشك فيك هو اصلا لو يشك فيك ما اعطاك السيارة لانه ممكن يشك انك تبي تسوي فيها مصيبة او تبي تورطه بشغلة او اي شي ممكن يطرا على بالك خامسا عمر رضي الله عنه يقول في معنى كلامه انه ما يفسر تصرفات احد على محمل الشر وهو يجد له مخرجا من الخير يعني تخيل يقعد يدور له اعذار واحنا ننسى الثقة الكاملة ونعقدها على جزئية بسيطة لا تقدم ولا تأخر سادسا لو حطيت نفسك مكان خويك راح تلقى انك تسوي نفس التصرف يعني مثلا انا هالحين بحط نفسي مكان خويك وبتكلم بلسان خويك خويي على عيني وراسي يمون علي بس فيه حدود لازم انا احطها لنفسي قبل الناس انا اشيل هالشريط ( تراني اقول شريط بس عشان تسهل بالكتابه ) لا يجي فلان " فلان هذا واحد من عايلتهم اكبر منه " ويشوفه ويمتحنا عليه هالحين انا اشيل اشريط وبلاش احط نفسي في موقف صعب ومحير هل شافه ولا لا ( طبعا انت عارف ان الشيطان يكون حاضر في هالاوقات ) هذي كلها اعذار جبتها وانا ما ادري وش كان بالشريط ولا اعرف خويك اشلون يفكر نجي لسالفة المفتاح يمكن صاحب المفتاح يبي يروح بيتهم بدري ليش لازم يرتبط بالشخص اللي اخذ السيارة وينتظره الين يجي افرض احتاج شغلة من البيت صارت مصيبة بالبيت الشخص اللي اخذ السيارة صارت له مشلكة او حادث يقعد مرتبط فيه كل هالاعذار تتركها وتقول انه ما يبيك تنسخ على المفاتيح ورا الواحد ما يكبر عقله شوي سابعا هذي نصيحتين مني مع اني ما احب انصح الاولى : دايما دور اعذار لتصرفات الناس اللي يعزون عليك الثانية : اعرف ان بعض العلاقات ( اي علاقات , اخوة , صداقة, قرابة , زوجية ) اكبر من بعض الاخطاء اخوي تراني ما كتبت الرد هذا حبا في الكتابة لكن يشهد الله حسيت من كلامك انك تعز خويك هذا كثير وان الحركة هذي اثرت فيك كثير ولا بغيتك تفقده خصوصا انه ما سوى شي يستاهل تقبل مروري |
إقتباس:
بسم الله الرحمن الرحيم :d == إقتباس:
وعليكم السلام ورحمة الله وبركاته صبحك الله بالنور والسرور :p إقتباس:
صراحتن مدري وش اقول وش اخلي في هالي تصرفو باهالطريقه قسمن بالله شي محزن :sad: === إقتباس:
ماشاءالله عليك ياأكشخ واحد شكلك طيبن ومنتب راعي هواش :upset: واحدن مايعزني ولايحترم وجودي الله لايرده ماتشرفني صحبته :wallbash: فعلا بالتحديد هذا المقطع وصل الاستفزاز حد حدوووده :mad: إقتباس:
أكثر من اخو هاااه ؟؟؟؟؟؟؟؟؟ :mad: بطلوها الطيبه الزايده هذي ماعاد تنفع :upset: قسمن بالله ماادري وين تشوف الاخوه مع هالناس الي تتصرف بالشكل ذا === إقتباس:
لانه هو ماهوب واثقن من نفسه كيف تبيه يثق بالغير ؟؟ ======= إقتباس:
شوف لو بس شميت ريحة حركه او همسه ماتعجبني بالي مايحفظهم الي مايحترمني جعل القلعه تقلعه < متحمسه :d == واكيد بتوااااااااااااااجه ونصييين وعـــينـــي بعينهم بعد كل شي إلا الظلم والاستفزاز والخيانه :upset: وممكن اغير رايي وانتظر الساعه 2 باليل واصلي ركعتين وبعدها استلمهم للفجر دعاوي لين يوصلني حقي < مجربتها :d وطااانكس كبيره ع الموزوع الحماسي s13s |
سبق الرد ! |
لي عوده أخويه |
مشكورين على المرررررر ووووو رررر يوزر يوزر الشباب اللي قالوا اني حساس وشي عادي طيب يومه شي عادي ليه مايقوله بصوت عالي وهو عارف اني ماراح اشره عليه انا اللي قاهرني وفقع مرارتي يومه يوشوش في اذنه وانا بجنبه وبعدين يرجع يرفع صوته ثم يرجع يوشوش في اذنه مره ثانيه. والثاني يقول اشوا انك ذكرت الحين؟؟ والله تقهر ياخي اتكلم عادي ليه تسوي فيها اني ماابيه يعرف وانت متاكد اني حسيت على الموضوع. عبيط طيب مو المفروض انه يراعي ان بجبنه وبحس بالموضوع ويقدر الشي هذا ومايبدا يجرح؟؟؟ يعني وش بيظره لو قال لحظه نسيت شغله وينزل من دون مايتكلم ولا يحسسني بالخيانه؟؟ مشكور على النصائح ريمووو اما استلمه دعاااوي والله شكلك مو قليلة شر مشكوره على المرور |
بصراحه انت حساس بس الموقف الاول يمكن يحقلك لانه لو يبي يشوف الحاجه يشوفها وبلا حركات ويمكن يكون شي خاص بس حتى لو خاص مفروض ما يتكلمون قدامك ويتناجون والموقف الثاني اشوفه شي عادي مشور اخوي تقبل مروري |
غلاهم مشكوره اختي على المرور بس ترا الموقف الثاني ماصار علي وبعدين مافهمت عليك كيف اصير حساس وفي نفس الوقت تقولين انهم غلطانيين؟؟ انا اسئل عن رايك لو صار الشي هذا لك يصير عادي عندك؟؟ |
الموضوع عدااااااااااادي بس انت كبرته.. معليش مهما كان صديقي و اعرفه من زمان ..بس فيه أشياء له حد.. يعني الشريط مثلا يمكن فيه خاصه وخاف عليه لأنك أنت مو ملاك عشان يضمنك والشيطان للحين موجود يعني أفرض فيه أحد من محارمه بالشريط..هذي ما به صداقه وامانه وش راح يكون موقفه لو انك شفت الشريط..تراها صعبه شوي..وبيلوم نفسه على الثقه الزايده بالصديق.. اما مفاتيح السياره.. حلوه ذي مفاتيح بيته و يعطيهن صديقه وان عايشين حنا .. الثقه ما تنفع لوصار شي بأهله لا سمح الله وش بيكون موقفه في ذاك الوقت.. معليش الصداقه لها حدود .. و الرسول عليه الصلاة وسلام حذر الرجل من أخوه وقال "الحمو الموت" وهو من لحمه ودمه فما بالك بالصديق..والانسان محاسب عند الله على رعيته التي أؤتمن عليها.. بعيدا عن العاطفه أخي .."أكشخ واحد".. |
اقصد انك انت حساس صح ان الموقف مايزعل بالمره بس اكيد راح تحس بالقهر والموقف الثاني اشوف انه مافيه شي بالنسبه لصديقك يعني ماله حق يزعل ابد مهما كنتو اصدقاء او اكثر يعني اخوان حتى الاخوان بينهم خوصيات وهذي وجهت نظري |
وعليكم السلام .. أخوي المفروض أنك خذيتها استهبال وقمت تستهبل عليهم وكذا أحسن , بعدين إذا كانت زي هالسالفه بتفرق بيني وبين خويي كان ما عندي ولا خوي ألحين , وبعدين تعوذ من أبليس وأنا متأكد أن خويك قصده موب كذا , يمكن غيرك بيدخل المكان قبل ما تجيه أنت وخايف أنه يشوفه .. و لاتخلي أبليس يركب راسك . |
| الوقت المعتمد في المنتدى بتوقيت جرينتش +3.
الوقت الان » 10:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd