السلام عليكم ورحمة الله وبركاتة ...

مساءكم ورد وعطر وفل وكل شيء حلو وزين ...

كيف حالكم ان شاء الله بخير ..

بأخش دووووووووووووووووووغري على الموضوع ..


انا من سكان الشرقية بالتحديد الخبر ...... وقدر علي ربي اني اجي الرياض يوم الخميس الجاي .. ولكن المشكلة اللي وجدتها عويسصة الا وهي اني ابي اسكن في شقق مفروشة وتكون اسعارها حلوة وخدماتها حلوة .. وتكون ايضاً للعزاب .. قلت مالي الا شباب المجلس العام يضبطوني ويدللوني على اللي ابيه .. المهم يا شباب اللي ابيه سلمكم الله شقق مفروشة تكون اسعارها مناسبة وتكون فيها خدمة الدي اس ال يا ليت اللي يعرف يدللني بالوصف لا اخوكم غشيم بالرياض ولا افهم فيها .. يعني اسم الشقق والحي اللي موجودة فيه وفي اي شارع واذا امكن رقم الهاتف ... ويعطيكم العافية وما قصرتوا


تقبلوا تحيات اخوكم : تركي ;)

والله ياخوي انا ماني من سكان الرياض لو اني في الرياض كان خدمتكـ

وإن شاء الله الشباب مايقصرون معـكـ

ســلآآم

إقتباس الرسالة الأصلية كتبت بواسطة البركان&الأزرق والله ياخوي انا ماني من سكان الرياض لو اني في الرياض كان خدمتكـ وإن شاء الله الشباب مايقصرون معـكـ ســلآآم

مشكور والله على مرورك...

إقتباس الرسالة الأصلية كتبت بواسطة فهود الزعيم تركي خدمة الدي اس ال ماتلقاها الا قليل وقليله شقق العزابيه النظيفه وبأدور وارد لك

مشكور والله وما قصرت وتعبتك معي

أنصحك بفندق البطحاء الليلة بـ50 ريال

ومكتوب عاللوحه 5 نجوم

شف اخوي انا اعرف شباب بالرياض

دوروا الين طلع بروسهم نخل

واقل شقة حصلوها نظيفة كان ايجارها 15000 ريال بالسنة <<< طبعا هذا قبل زيادة الرواتب اما هالحين ما ادري اذا زاد عليهم ولا لا

اما الدي اس ال هم اللي طلبوه من الشركة وجابوه


اذا اعجبتك المعلومة ابتصل عليهم واسالهم عن الوصف واقولك لاني والله ما اعرفه

فندق قصر السلي

عباره عن غرف نضيفه وروعه ودك تنام بحمامها من قوي ماهي نضيفه الله يكرمكم
وجديد واليوم ب 190 ريال وتامين 310 ريال
العنوان _ الرياض _ حي السلي _ قريب من الحرس _ وبجوار هرفي
واذا تبي الرقم دق على 905 وقلهم فندق قصر السلي بحي السلي ودق عليهم
وترا مافيها دي اس ال ...
واتمنا اني افدتك ...
وتاصل بالسلامه

الاخوان ما قصروا

تركي اذا مالقيت للحين

مستعد ادور لك بكرى

بس رد لي خبر على الرسايل الخاصة وابشر

لاني اضيع المواضيع

وياليت تحدد انت باي منطقة تجي بالرياض

شرقه او جنوبه او غربه او شماله

عشان ندور لك اقرب شئ لك عشان ماتضيع وتحوس

واذا كان للعمل قل لنا وين تبي وحنا نقرب لك الشقة

انت تامر امر

بس لاتصدق تبي تردها لي اذا رحت للشرقية انا خخخخخخ

انت تبي الشقه في اي منطقه بالظبط ؟؟ يعني شغلك في الرياض وين ... علشان نشوف لك شقق قريبه من شغلك اريح لك

تقبل تحياتي

اخوي فيه شارع في حي الرووضه فيه عمااير كثيره ونضيفه ورخيصه بس مادري فيها دي سي ال ولالا ووصفهاا

اذا مسكت الداائري وجاك مخرج 11 خش معه يسار اذا كنت جاي من طريق الشرقيه اول اشاره رح معها يسار فيه هشارع امش معه يكون على يمينك مخطط وعلى اليساار الشقق

وينتهي بك في شاارع ثاني فيه شقق بعد وفيه شارع 3 على نفس المخطط هااذا بس من الجهه المقاابله يعني كل هل حي فييه شقق كثيررره ورخيصه ومضيفه مره


والله يحيك بالرياض وانا جايكم الاسبوع الجاي بس كيف الجو عندكم الرطووبه خفت ولالا

واذا كنت تابي شي ثاني راسلني على الخااص

انا انصحك تدور لك شقه في حي غبيره والا منفوحه .... اسعارها رخيصه بس
مافيها دي اس ل ويمكن ما تحصل فيها خط ثابت !!

اذا كنت راعي كبسه انصحك تسكن في حي الشفاء ... عندهم مطاعم رز على كيفك
وعشان ما تحس بالغربه عندهم شوايه الخليج ...!
.................................................................................................... ..














انسى اللي فوق ...










تركي

المشكله طلباتك في السكن صعبه شقه عزاب ونظيفه ما تجي !! ودي اس ال بعد !!

دق على 905
واطلب شقق مفروشه في الدرعيه....

اذا كنت واحد ... اعتقد مايخالفون لو تسكن في شقق عوائل... الدرعيه منطقه هادئه

في شمال الرياض تبعد عن وسط الرياض 20 دقيقه ... واسعارها اكيد بتكون اقل من غيرها..وبالتوفيق

اترك عنك الشقق المفروشه

وتعال حيااااااااك الله اسكن عندي وعين لحاف وعين فراش

ترى اهل الرياض يعجبووووووووونك

حياك الله اخوي وبالنسبه للشقق الدي اس ال مو متوفر بكثير من الشقق بس فيه فندق الاندليسه بشارع العليا خلف حراج الكمبيوتر اللي بالعليا معروفه جدا وسعرها حليوو اذا كنت لحالك والافضل وانا اخوك تشوف لك شقه حول شغلك لان الرياض كبير وبتطلع روحك في الدخله والروحه يعني اذا تبي في اي مكان حدد وان شاء الله العيال هنا مايقصرون نعين ونعاون <= متعود على العروس هههههههههههههههههههههه في خدمتك اخوي خاص واسدح رقمك وابشر بسعدك

هلا والله أخوي تركي أنا اعرف ولد خالتي جايين هو ا هله لشقق الظاهر أنها عائلية لكن السعر والله ما اعرفه لكن فيها خدمة الدي اس ال و الart بحي الواحة بعد فندق المقصورة بس الرقم و الله ما اعرفه وارجو اني افدتك