[ شخبـط شخـابيط .. ويا ادارتنا ما عندكم شي جديد ] - نادي الهلال السعودي - شبكة الزعيم

a7b_yasser · #1 10/08/2007, 01:42 PM

بس وش رايكم بالعنوان ..;)
عسى ما يقدم فيني احد شكـوى ويقول اني سـارقن كلمات الاغنيه ..

ايـه ما علينا من شخبط وما شخبط وخلونا في الهلال اللي شكله هالسنه ما عنده ما عند جدتي حصـه ..

انا بطبيعتي ما اعرف اكتب بالفصحى واذا تهورت وكتبت فتأكدوا اني بخوره ..

عشـان كذا خلون على العـاميه يكون احسن وعشان نعرف نحتسي ونطلع اللي بقلوبنا ..

الشهـر اللي راح اخذتنا الوطنيه ورحنـا مع المنتخب ولهينا عن الهلال شوي ..
انا حزته قلت زين يمكن تكون خيـره وتعرف الاداره تشتغل بهدوء دون ظغوط جماهيريه ..
موب هذا الحتسي اللي يرددونه واشغلونا عنده ..
بس الظـاهر ان اللي يصير العكس وان الاداره تيتي تيتي مثل ما رحتي جيتي ..

تفـائلنا خير يوم قالوا انهم وقعوا مع باسكال انا خصوصا تفائلت بالاسم اكثر شي ..

واخـرته يا للفشيله كله عقد مبدئي و سحـب عليهم يوم شاف ما وراهم الا الدجه ..

انا اقول للاداره دام انكم شايفين انكم منتب قد هالاعبين خلوكم على السمكه والفان ترا والله احسن من الفشيلـه ..

وكملت المسـرحيه الضـاحكه بالتعاقد مع الاشهب برونو ..

ونحتري ان شـاء الله فترة التعاقدات الثانيه عشان نغيـره ..
كالعاده مثل كل موسم ..

الله يصبـرنا بس ..
ادري موضوع ما ادري وش يبي بس فيه شي بقلبي وحبيت اني افض فض

رسـاله الى محمد بن فيصـل ..
اذا كنت لا ترى في نفسك القدره على اعـادة الهلال لتوهجه كما في اول موسم كنت فيه رئيساً له فأرجوك استقـل

مستركي · #2 10/08/2007, 01:45 PM

وانت صادق

$ الأسطورة SS $ · #3 10/08/2007, 01:50 PM

خوفي ...

مو نشخبط شخابيط ...

خوفي ....

بوس الكاسوا ليك ...

بهالأجانب وش فيك ....

هنري الوحش · #4 10/08/2007, 04:22 PM

اقول وش اخبار الكاتو ورى مايرجع يوم الدعوه صب قهوه

ليتكم مثلي · #5 10/08/2007, 04:49 PM

شخبط شخابيط لخبط لخابيط مسك الالوان ورسم على الحيــط ..
أنــا أقول شكل نانسي مغنية فيك جالس تشخبط علينا بالعكس صفقه منتاازه ..
يكفي انه صغير بالسن ولاتخاف ينتظره مستقبل مزهر مع الهلال <<<< لزوم رفع المعنوياات ..