بسم الله الرحمن الرحيم
تحيه طيبة لكم " جماهير " الزعيم .. ومساكم سعيد ان شاء الله
بالبداية علينا الاعتراف بأن الوضع الحالي الذي يعيشه اكبر أندية آسيا
على الإطلاق .. لا يدعوا للتفاؤل أبدا بين جماهيره العريضة
خصوصا والنادي مقبل على مشاركة قد تكون هي الأهم طوال تاريخه الكبير
والمليء بالبطولات والانجازات .. وهي البطولة الأسيوية المقبلة ..
واصبح الجمهور " الهلالي " منقسم الي قسمين
قسم " مؤيد " للإدارة في كل قراراتها مهما كانت ..!! وهذا اللي لاحظناه من ردود كثير من الاعضاء ..
والقسم الثاني " معارض " للإدارة ويحاول ايصال وجهه نظرة في كثير من الامور
واللي تخص مستقبل " نادي الهلال "..
بسبب القرارات اللي طرحت اكثر من علامة استفهام امام المشجع الهلالي ..
وبلمحة سريعة راح نستعرض بعض هذه القرارات والأحداث اللي صارت خصوصا في الموسم الماضي وراح يكون لكم الحكم النهائي ،،
أولا .. (( الإدارة )) ..
مافي أي احد يقدر ينكر الدور الكبير والجبار اللي يقوم فيه سمو الامير " محمد بن فيصل " ولا اعضاء مجلس ادارة النادي الكرام ،، نقولهم بيض الله وجيهكم وماقصرتوا ..
لكن من باب الحرص والمسآلة وهذا شي طبيعي يحدث في أي مكان يتولي فيه شخص مسؤولية كبيرة هناك بعض الملاحظات منها ..
( 1 ) – التلويح المستمر بالأستقالة احدث ربكة كبيرة في النادي ولدى الجماهير
وكلنا نعرف مدى محبة اللاعبين " لبو سلطان " واللي بسببها صارت نفسية اللاعبين سيئة جدا واثرت كثير على مستوياتهم ..
( 2 ) – تصريحات " ابو سلطان " واللي دائما تكون فيها صراحه كبيرة واحيان تضعه في وضع محرج مع اعضاء الشرف بالذات خصوصا مسآلة الدعم " المالي "
للنادي ..
( 3 ) – الوضع غير مفهوم وغير واضح في ادارة نادي الهلال كل بعد فترة نسمع عن استقالة شخص وعودة شخص .. مره رئيس النادي بيستقيل ومره يتراجع .. مره يكون نائب الرئيس هو المرشح الاول لتولي رئاسة النادي وفجاءه بدون سابق انذار نلاقي ان نائب الرئيس استقال وابتعد عن النادي بشكل نهائي غير ابتعاد " البابطين " و " عادل البطي " وعودة " ناصر الأحمد " يعني بصراحه ماندري وش اللي قاعد يصير بالنادي ..
( 4 ) – الادارة دائما ماتتدخل وتعطي تفسير مقنع وواضح لبعض الاحداث اللي وقعت مثل سالفة رحلة " اوزباكستان " ومشكلة تآخر الطائرة العائدة بالفريق من معسكر " العين " قبل نهائي الموسم الماضي ..
ثانيا .. (( أعضاء الشرف ))
لهم دور كبير ودائما نقول لولا الله ثم وقفتهم وحبهم للنادي ودعمهم ماكان تحققت هالانجازات الكبيرة ولا كان " الزعيم " بهذي المكانه الكبيرة على مستوى اسيا ..
لكن في ملاحظة على اعضاء الشرف وهي ..
ابتعادهم الغير " مبرر " عن النادي في وقت هو في امس الحاجه لهم ولدعمهم .. الا اللهم كم عضو شرف اللي مايتجاوزون مع الاسف عدد اصابع اليد الواحدة ..
طالما انكم غير قادرين على دعم " ابو سلطان " اجل ليش تضعونه في هالموقف المحرج امام جماهير النادي ومحبيه وانتوا قاعدين تتفرجون عليه ..
ثالثا .. (( استثمارات النادي ))
تفاءلنا كثير لما سمعنا بان الادارة بتوقع عقد كبير مع احدى الشركات ولكن مع الاسف المبالغ الكبيرة في الاخير طلع مبلغ ( 20 ) مليون مع شركة صلة .. معقولة نادي مثل الهلال يوقع عقد استثماري بالمبلغ هذا ..
طيب لو قلنا الحمد الله ( 20 ) مليون احسن من " بلاش " وهالمبلغ راح يفك شوي
من " الضائقة المالية " اللي يعيشها النادي طيب وين عقود الرعاية الثانية ..؟؟
وين عقد شركة الاتصالات .. وين الاستفادة من تسويق شعار النادي .. وين مبالغ " قناة الزعيم " .. والمصيبة الاكبر الحين حتى العقد اللي موقع بين النادي واحد البنوك
احتمال كبير انه " يلغى " وحسب كلام الصحف ان البنك يقول نادي الهلال مالتزم بالاتفاقية الموقعة بينهم ..؟؟؟ ولحد الحين مافي أي رد رسمي على هالكلام ..
رابعا .. (( صفقات اللاعبين والمدربين ))
اما هذي النقطة فحدث ولا حرج .. بالبداية لازم نوضح ان أي لاعب " عالمي " وكبير ومشهور فهو يكلف خزينة النادي مبالغ كبيرة جدا .. هذا متفقين عليه ومافي أي خلاف على هالكلام .. لكن لاعب " عالمي " ومميز قد يكون لو نجح سبب كبير
في دعم النادي ماليا متى مااستفاد النادي من تواجده
( 1 ) – استفادة اعلامية كبيرة للنادي داخل وخارج المملكة ..
( 2 ) – تسابق الشركات لرعاية النادي بمبالغ كبيرة واستغلال تواجده
( 3 ) – الاستفادة الكبيرة من حضور الجماهير للمباريات وحتى لتمارين النادي
وهذا دخل ثاني وكبير للنادي .. طبعا هذا غير الاستفادة الفنية ..
ارجع واقول اللاعب ماقصد من كلامي أي لاعب عمره فوق الـ( 33 ) نجيبه للنادي وخلاص لا اللي اقصده ان في لاعبين مميزين واحيان يكون دولي ويمثل بلدة وصغير في السن ولاعب ممتاز ويكون من دولة غير مشهورة على المستوى العالمي ليش احنا كل تركيزنا على البرازيل وبس في لاعبين مميزين في الدوري الارجنتيني وفي لاعبين من افريقيا ويلعبون في بلجيكا وسويسرا وهولندا
طيب الحين راح تقولون خلاص وقعنا مع البرازيلي الجديد
وانتهي الموضوع ومايفيد الكلام
وانا اقول " اهلا وسهلا " فيه معنا في نادي الزعيم
ان شاء الله يارب يكون صفقه ناجحة ومميزة
بس ليش من الاساس كانت الادارة
تحاول تقنع الجماهير بأن في لاعب " عالمي "
راح يكون مفاجأة
وبالاخير طلع ( ؟؟؟؟؟؟ )
اما المدرب فالله يستر لحد الحين في اخبار تقول انه يطالب بحقوقه
واحتمال كبير انه يرجع " لرومانيا " وماندري وش " نصدق " ..؟؟
خامسا .. (( المعسكر ))
ان شاء الله انه يكون على مستوى تطلعات المسؤولين وجماهير الزعيم
لكن بصراحه لم يقدم الزعيم المستوى المآمول منه في معسكرة المقام في " تونس "
ماعدا مباراة الشباب الاخيرة واللي انتهت بالتعادل ( 1 – 1 )
لكن الاهم من النتيجه والمستوى ان شاء الله يكون المدرب عرف امكانيات اللاعبين
لكن الشي الملفت هي حصول اللاعبين على " الكروت الحمراء "
وتصريح اللاعب " نواف التمياط " للـ( ART ) حسب مافهمت من كلامه .. بأن ملاعب التمارين كانت " سيئة "
سسسسسسسسسؤااااااال
على أي احساس تم اختيار المعسكر اذا كانت ملاعب التمارين " سيئة " ..؟؟ ..
بالاخير اقول للجميع
:
صحيح عندنا ملاحظات وانتقادات لعمل الادارة
ولاشياء كثيرة تحصل في النادي
لكن هذا مايقلل ابدا من حبنا وعشقنا لنادي الهلال
ولايقلل ابدا من " ابو سلطان " او اعضاء الشرف واللاعبين
بالتوفيق يارب للجميع وللزعيم في البطولات المقبلة
(( كلنــآ معــآك يالزعيــم .. مهمــآ صـــآإر )) 
آآهـ يالقهرَّ .. وش إللىْ بآإقـىْ .. مآإظهـَّر 
الوضع الشجري
