|
سامي الجابر ارحل ، وخذ معك الفعل " كان " سامي بن عبدالله الجابر لاعب ومهاجم قل ان تنجبه الملاعب السعودية والخليجية بل والعربية والاسيوية .. له انجازات كبيرة على صعيد النادي والمنتخب أهدافه هي أكبر رد على من يشكك في مهارة هذا اللاعب .. ولكن نحن في العام 2007 .. اين سامي من كل هذا ... عندما تتحدث عن سامي الجابر .. يجب ان تنسخ كلمة " كان " حتى لا تقوم بعملية لصق هذه الكلمة مراراً كونك ستحتاجها كثيراً ... سامي الجابر الآن يشغل خانة في الفريق على حساب الوجوه الجديدة سامي الجابر الآن يجوب العواصم الاوروبية ضارباً بالنادي وبالتمارين عرض الحائط .. ومكانته في الفريق رفم كل ذلك محفوظة . . سامي الجابر يتقاضى الحد الأعلى من الرواتب المسموح به " عشرون ألف ريال " دون أن يقدم للنادي ما يوازي 300 ريال سامي الجابر تقاضى العام المنصرم ثلاثة ملايين ريال لتجديد عقده وهو على مشارف الأربعين من عمره كان الأولى استغلالها لاستقطاب لاعب جديد شاب صغير السن . سامي الجابر له حصانة إعلامية كالسفراء والممثلين لدى مجلس الأمن وجندت له اكبر صحيفتين في المملكة ( الجزيرة والرياض ) جل اقلامها للدفاع عنه للأسف .. كل مرة ننتقد فيها سامي الجابر يردون علينا بالاسطوانة المشروخة التالية : سامي الجابر حقق ( فعل ماضي ) امجاد كثيرة للهلال .. وسامي الجابر سجل ( فعل ماضي ) اهدافاً اهدت بطولات للهلال .. وسامي الجابر صعد ( فعل ماضي ) منصات تتويج باسم الهلال لا ننكر ذلك ... ولكننا في عصر الاحتراف ... فمن لا يستطيع العطاء ، فليرحل قبل سامي رحل صالح النعيمة ، والفيلسوف يوسف الثنيان ، ، وبقى الهلال نحب سامي .. ولكن نحب الهلال أكثر |
الرجاء احترام سامي انت لو تدري وش صاير كان عذرته لكن بوضحلك شي بسيط ترا الملايين الي تتكلم عنها تراه ما استلم ولا قرش |
والله كل كلامك صح 100% الى متى هذه التدليل على حساااب الاعبين الشباب |
صح لسانك هذا الكلام الصحيح أوافقك الراي وأتمنى لو طلبت الادارة بشكل واضح وجاد من سامي الاعتزال (بدل التنسيق) حفظا لتاريخه الذهبي للاسباب التالية: عدم انضباط سامي والمنتظر منه أن يكون قدوة عدم قدرته على العطاء لكبر سنه مع قلة التدريب الحاجة للخانة في الكشوفات بعد تقليص العدد وترك مكانه لاسم يستطيع خدمة الهلال سد باب يجي منه الريح وبالنسبة لتجديد عقده فهي (غلطة) تكريم ما قدرها سامي..... |
وانتم ماتخلصووووووون كل ماردينا على وااااحد طلع واحد جديد على العموووم ماابي اكثر كلاااااااام ابي منك تشوف مباراة الهلال والحزم كأس ولي العهد الأخير والهلال والقادسيه بالدوري وشف سامي اللي تقووووووول انه انتهى بعدين انت وش حارق رزك يااخي سامي اذا لعب جاب هدف ولا صلح هدف ولا مايكوون له تأثير سلبي على الفريييق يكفي المعنوياااااااااااات شف كيف ترتفع عند الاعبين اذا شافو رقم 9 بالملعب ياحبي لك بس موب انت ابوعبدالله |
كل شخص له وجهة نظر بس من الظلم أم نتحدث عن غياب سامي ونحن لا نعلم عن قرار اعتزاله من استمراره فلننتظر بداية الموسم ... ونرى |
ايها الزعيم الجديد مو انت الي تعلمنا واش المفروووض يسوي سامي وبعدين يكفينا شرف انه سامي الجابر يرضى يلعب في فريق فيه جمهور مثلك يقيمونه انه المفروض الحين يعتزل |
وين سامي في أوروبا . والده متوفي قبل كم يوم وتقول في أوروبا . أقول سامي قادر على العطاء وتقديم أفضل المستويات فيه لعبيين في العالم أكبر من سامي ولزالو يقدمون مستويات عالييه مع أنديتهم أذا بغييت تكتب موضوع لا تكتب على الإسطوره سامي لا ننهي حياته الكرويه بطلبه بالرحيل لماذا لا ننهي حياته الكرويه بكأس ما ونحن معه . (( نعم للنقد لا للرحييييييل . )) ...... |
سامي سيبقى لاعب كبير وما اعطي له قليل في حقه والرجاء من الاعضاء احترام تاريخ سامي ومااعطاه للفريق |
سلملي على رئيسكم اللي ماعطاه حقه ويبي يطفشه من النادي اااااااه بس البزران ماودك يمسكون الاداره |
إقتباس:
اي ابوه متوفي قبل كم يوم الظاهر انك مضيع يالحبيب ابوه قبل سنتين توفى الله يرحمه والا بس ترقيع للكابتن سامي ياعالم شجعوا الهلال اللي انجب سامي عيب والله عيب الكابتن المحترم الكبير اللي توقعته ذكي مااحترم تاريخه تبيني احترمه انا انا من وعيت على هالدنيا وانا احب الهلال بسامي والا بيوسف والا بنواف مايهمني كل هالاعبين كثر مايهمني الهلال سامي في اخر مؤتمر صحفي له وعد الجماهير باكاس اسيا وانه بيسعى مع زملائه للحصول عليه وانه بيلعب كاس العالم مع الهلال وهذا هدفه طيب وين الكابتن سامي اللي ماكان قد كلمته كيف تبيني احترم تاريخه سامي الهلال اكبر منك ومن يوسف ومن بقيه اللاعبين وعشمنا كل العشم في الجيل الاقدم بقياده ياسر القحطاني اللي باذن الله بيحقق مع الهلال اكثر مما حقق سامي ويوسف الله يوفق الهلال وينجب لنا اكثر من يوسف واكثر من نواف الله يعينا بس على جمهور اللاعب والجمهور اللي ماعرف النادي الا وقت هاللاعب ياللأسف |
ايش رايك تروح انت وتاخد معاك فعل كان اول شي لازم تعرف الاسباب اللي مخلية سامي غايب بعدين اتفلسف |
انتظرو سامي فلديه المزيد ليقدمه |
لا تعليق |
يا رجل سعودي .. هالفلوس اللي تتلكلم عنها ما استلم منها ولا قرش ... |
| الوقت المعتمد في المنتدى بتوقيت جرينتش +3.
الوقت الان » 01:06 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd