[برونو فاشل]-[ برونو لاعب حواري] عقليات مقفله.. - نادي الهلال السعودي - شبكة الزعيم

زعيم زعيم زعيم · #1 09/08/2007, 08:42 PM

السلام عليكم ورحمة الله وبركاته

اليوم نزل خبر تعاقد الهلال مع اللاعب برونو اجنيللو .. وأخيراً تعاقد الهلال مع لاعب للبطولة الآسيوية ..

وللأسف تفاجئنا بردود الفعل للجمهور الهلال المثقف والواعي .. فهم غير راضون عن الصفقة وحجتهم انهم يريدون لاعب كبيير جداً ومعروف ومشهور ..

واحنا للأسف مادهورنا الا هالمشاهير .. صفقة بمبلغ وقدره وفلاشات اعلامية واذا نزل في الملعب ندمنا على اللحظة الي تعاقدنا معاه فيها ..

انا من رأيي الشخصي ان الصفقة ممتازة:

أولاً : لأن اللاعب مغمور .. مغمور يعني لا توجد لديه اي ضغوط اعلامية ولا فلاشات ولا شهرة .. لاعب غير معروف على غرار كماتشو وتفاريس وكلنا نعلم ماذا قدم كماتشو للهلال وماذا قدم تفاريس ومازال يقدم وكل هذا لأنهم بعيدين عن الضغوط.

ثانياً : الاعب عمره صغير يعني ممكن انه ينضج في الهلال ويستفاد منه خاصة اننا اشترينا بطاقة اللاعب يعني اللاعب اذا نجح مع الهلال سوف يفيدنا فنياً ومادياً اذا اردنا بيعه مستقبلاً..

مشكلة بعض الجمهور الهلالي الله يهديهم يبغون لاعب يشخصون به قدام الأندية الثانية ...

يعني عشان يقولون لأخوياهم شوفو الهلال جاب ريكلمي شوفو الهلال جاب ايمار جاب جاب .... الخ .. وبعدين ؟؟؟ فشل في الملعب..

مشكلة بعض الجمهور هذولي عقلياتهم عقلية [مهايطية] ... مايبون لاعب يخدمهم في الملعب .. يبون لاعب اسمه مشهور وبثاني مباراة تلقاهم يسبون ويلعنون شكله ويلعنون الإدارة اللي جابته ..

ياشباب لاعب مغمور مثل كماتشو وتفاريس بيكون بعيد عن الضغوط ومرتاح نفسياً وهذي اهم اسباب النجاح والإبداع..

ارجو من الجميع الإدلاء بآرائهم حيال هذا اللاعب ...

yaser+alshlhob · #2 09/08/2007, 08:51 PM

انا رايي ان مركزه غير وناسب

ونكرر ونقول نصوم ونصوم ونفطر على بصله

king kaka22 · #3 09/08/2007, 08:55 PM

مشكور

الجوهرة · #4 09/08/2007, 08:55 PM

إقتباس


	ثانياً : الاعب عمره صغير يعني ممكن انه ينضج في الهلال ويستفاد منه خاصة اننا اشترينا بطاقة اللاعب يعني اللاعب اذا نجح مع الهلال سوف يفيدنا فنياً ومادياً اذا اردنا بيعه مستقبلاً..

مدري 21 سنة !!! على الاقل نبي واحد عمره 26 27 عنده خبره شوي .. قدامنا الاسيوية ..

21 كبر الصويلح والعنبر ..

الحزين&&& · #5 09/08/2007, 09:03 PM

كلام سليم بس لاعب مغمور لأخر درجه يعني لاعب حواري
لاخبره ولا جسم ولا طول ولا ولا ولا بس أني متفائل

هـلالـي ولا ابـالـي · #6 09/08/2007, 09:05 PM

الله يكتب اللي فيه الخير

بس اتوقع انه صغير وماراح يفيد الهلال

ميسي الهلال · #7 09/08/2007, 09:13 PM

مشكور ياحبيبي على الموضوع بس ياليت الجماهير تقتنع بكلامك الكل جالس يتكلم بغضب لاكن أنا متأكد أنشاء الله أنه راح يفيد الهلال في البطوله الآسيويه والدوري وحنا الحين مانخاف قلة خبرة الاعبين أو ضعف مستوا الاعبين أحنا الحين مانفكر الى في _( بن همام )_ والله يستر منه لايحوسنا بتصرفاته الحقيره

ناديت · #8 09/08/2007, 09:14 PM

وجهة نظر اؤيدها 70%

غريب امرك · #9 09/08/2007, 09:14 PM

انت موضوعك وردودك مافيه الا كلمتين

هياااااط _ ونشخص

من قال حنا نبي نهايط والا نشخص به !!!!!

اذا طلعنا من اسيااا لا تلوم الاداره لا تقول انهم جابو لنا لاعب صغير ماعنده خبره اوك !!!

ثاني شيئ تقول لاعب ينضج بالله قلي لاعب جلس في الهلال اكثر من اربع مواسم
باستثناء ليتانا والان تفاريس !!!!

الاتفاق متعاقد مع البرنس توغو بمليون دولار وهو الاتفاق وصلاح الدين عقال بـ700 الف دولار

معقوله الهلال ماعنده مليون دولار والله مشكله اذا الاتفاق احسن منا في التعاقدات

هلالي@انتراوي · #10 09/08/2007, 09:17 PM

ان شاءالله بيكون قد طموحنا الاعب

وتفائلو بالخير تجدوووه

ولاتنسون تفاريس وكماتشو يوم جو للهلال كانو مغمورين والحين اي فريق يتمناهم

وتقبل تحياتي

بندر 999 · #11 09/08/2007, 09:20 PM

طيب اذا صارت اللقطات المسجله للاعب قديمه ومستواااه هابط الوقت هذا وقداامنا مشاركه اسيويه وش انسوي . بعدين الهلال مطالب بلاعب مهاجم يلعب بجوار ياسر وهم جايبين لنا لاعب وسط او صانع لعب وش نبغى فيه بوجود التايب ـ ونواف ـ الشلهوب .
بالعقل الموضوع ،،،،،،

فهد المنيف · #12 09/08/2007, 09:21 PM

كلام سليم 100% وختى لو لم ينجح لاسمح الله فالخسارة الماديه لان تكون كبير بحجم خسارة طيب الذكر ( جيوفان و الفان

تيتي 99 · #13 09/08/2007, 09:22 PM

الصويلح اصرف

البدررر · #14 09/08/2007, 09:25 PM

جيبوو كاس الدوري بسسس الموسم هذا لازم

لاجل نلعب السنه الي بعدها بالاسيويه

لاتحلموون بالاسيويه يازعماء

لاتحلموو كثيرراا لاجل الصدمه ماتكون قويه

تحياتي

احبك يا زعيم الكون · #15 09/08/2007, 09:31 PM

لا تنسى يا حبيبي ان وراك بطوله قاريه ويبيلها لاعب زي الناس

يعني ذا الفلبيني بوصل الهلال للعالمية

احلق شنبي ياشيخ