ابغى ارائكم - نادي الهلال السعودي - شبكة الزعيم

روحي روح ياسر · #1 08/08/2007, 01:51 AM

السلام عليكم صباح الخير
حبيت اكتب لكم بعض من كتابة قصايدي وخواطري واتمنى انكم تعطوني ارائكم هذي القصيده امحق
من قصيده سموها اللي تسموها كتبتها قبل سنتين ورتيها كثيرين بعضهم عجبتهم والبعض ماعجبته وعلى فكره احب اشكر خالي
لانه هو اللي شجعني على الكتابه ماطول عليكم هاذي ثاني قصيده كتبتها من يوم بديت اكتب

مشيت في سكة الظلمه مشيت ولاوجدت حدود
مشيت على درب الموده وفاجئني طريق مسدود
كسرت السد وانهارت مشاعر قلبي المكدود
بكيت الدم من عيني وعلى اثر الدم بنيت سدود
تطاول همي وغمي وسهرت والعباد رقود
تمنيت الزمن يوقف ويرجع للورى ويعود
واكون في يوم مثل الطفل والاجمل اكون مولود
وماتت وردة الاحباب وغديت في دنيتي مفقود
رفعت يديني لربي ودعيت الخالق المعبود
يسهلي دروب العيش وييسر يومنا الموعود

الله يعينكم ادري ماعجبتكم بس جاملوا معليه

ولد وايل · #2 08/08/2007, 02:31 AM

عندك مشاعر ياولد منت سهل ماشاء الله

بس يبيلك تتعلم الاوزان

ادخل على الرابط وتعلم

ــــــــــــــــــــــــــــــــــــــــــــــــــــــــــــــــــــــــــــــــ

عندك مشروع قوي ماشاء الله عليك بس تعلم الوزن

معليه ياخوي جاني تهديد من كلاسيكي بمنع وضع الروابط

برايفت للمشرف كلاسيكي

(( عادل ياحبي لك بس على قولة يوسف مابزيناك عضو نبزاك مشرف ارفق علي ترا قلبي رهيف

الله يوفقك وتكون قد المسؤوليه بس لا تنفخ تكف ))

الكلاسيكي · #3 08/08/2007, 03:16 AM

وعليكم السلام ورحمة الله وبركاته

هلا فيك اخوي .. وصح لسانك ..
وياليت نسقتها على شكل قصيده على شان تكون اوضح للقارئ ..
وباذن الله مع تقبل النقد راح تعلم وتكون شاعر رائع ..
واخلي النقد لاهلـه ..

تقبل فائق احترامي ..
ننتظر جديد ..

برايفت ولد وايل ..

إقتباس


	معليه ياخوي جاني تهديد من كلاسيكي بمنع وضع الروابط

مو انا سياسة المنتدى :p

إقتباس


	برايفت للمشرف كلاسيكي (( عادل ياحبي لك بس على قولة يوسف مابزيناك عضو نبزاك مشرف ارفق علي ترا قلبي رهيف الله يوفقك وتكون قد المسؤوليه بس لا تنفخ تكف ))

لا تبزاني وانت مكلوف فيني ..

انا اللي مارتحت منك عضو ارتاح منك مشرف

وعسى مانقطع قلبك يالهريف الحساس :p
... والرابط تفاهم مع ع الخاص ...

ملـــــ الهلال ــــك · #4 08/08/2007, 03:20 AM

قلبها المشرف سواليف <<<<ههههههه

أمزحخ لا يجين فصل الحين << دموعي تنزل مهموره وبسرعه تتعدى 140كيلو

اما يا أخوي روح ياسر فانا لاتعليق

سندريلا الهلال · #5 08/08/2007, 03:22 AM

اذا هي بداية ان شاء الله الأبــداع في القادم من الأيام ..

موفق يارب

روحي روح ياسر · #6 08/08/2007, 03:46 AM

مشكورين جميع وماقصرتو لاكن اخوي ملك الهلال وش تقصد لاتعليق حلوه كاني فهمت انك تقصد انها حلوه

الهنوووف · #7 08/08/2007, 04:03 AM

مشيت في سكة الظلمه مشيت ولاوجدت حدود
مشيت على درب الموده وفاجئني طريق مسدود
كسرت السد وانهارت مشاعر قلبي المكدود
بكيت الدم من عيني وعلى اثر الدم بنيت سدود
تطاول همي وغمي وسهرت والعباد رقود
تمنيت الزمن يوقف ويرجع للورى ويعود
واكون في يوم مثل الطفل والاجمل اكون مولود
وماتت وردة الاحباب وغديت في دنيتي مفقود
رفعت يديني لربي ودعيت الخالق المعبود
يسهلي دروب العيش وييسر يومنا الموعود

رتبت القصيده علشان تطلع افضل

ماشاء الله اخووي بدايه موفقة

وماجامل والله

واصل والقلب داعيلك

بالتووفيق خيو

الهنووف

كانت

هنا
ورحلت