بسم الله الرحمن الرحيم




عندما تكون معروفا ً بميلك إلى شخص معين أو إعجابك


بما يبدعه هذا الشخص فإن شهادتك به تكون منقوصة ً


لاشك .,,( ليست مجروحةً بالطبع ) ..





ولكن عندما ترى ( شــا عــرا ً ) أ ُختصرت إبداعاته


بما يردده الناس من أبياته على ألسنتهم دون أن يعلموا


من هو قائلها ..





ذلكم هو الشاعر العملاق .. / مــحــمــد الــدحــيــمــي





هو صاحب البيت الشهير /

تكفى ترى تكفى تهز الرجاجيل *** لولا صروف الوقت ماقلت تكفى


بيت عرفه القاصي والداني دون أن يعرفوا قائله .. بل إنه أصبح


مثلا ً يتناقله الناس ..


وهو صاحب الابيات الشهيرة /

ظامي ووردت بير دونها الحية ** الله يجازي زماني ويش سوابي

وإن مت قولوا لفاقدني وداعية ** والله ماني ردي وقتي تردى بي


كذلك هو صاحب بيتين مـن أجمل ماقيل في الغزل /


إليا اضحكـــت .. كنذاك اللــول في فــمها
لغــــــز ٍ يحــــــــيّر لبيــــب العـقل مافهـــمه

ثلاث حبــــــات خــــال ٍ حـــــول مبســـمها..
والمـــنهل العـــــذب .. تكــــثر حـــوله الزحمه















في هذا الموضوع سأطرح إحدى قصائده الشهيرة وإن

كانت قديمة نوعا ً ما ... وهي قصيدة ( الـــعــار )

التي عدها د. عبدالله عرفة في قراءة ٍ للقصيدة بأنها

أفضل ماقيل عن فلسطين من الشعر النبطي ..

.
.


أحببت أن أقدمه بهذه المقدمة لأن الكثير منكم قد لايعرفه

فاسمحوا لي أيضا ً بنبذة بسيطة عن هذا الشاعر العلم ..


الاسم / محمد بن رافع بن عبدالله الدحيمي الشهري

المدينة / قرية الظهارة في مدينة النماص - منطقة عسير

ألقابه / متنبي الشعر الشعبي - مروض الكايد - أخو تكفى

يكنى بأبي بدر رغم أن أكبر أولاده خالد ..

** تعدت قصائد الــ 800 قصيدة ...


--------------------------------------


إليكم .. الــــــــــــعـــــــــــااااااااااااااار




نذر علي ماعقب ذا العار مـن عـار
وبْعذرهـن لـو طلّقونـا النساويـن

من صغرنا ننشد: فلسطيـن الاحـرار
وبافواهنا ماغيـر علكـة فلسطيـن

يابنت يكفي ما سمعنـا مـن اخبـار
مير اسكتي يابنت الاجـواد تكفيـن

الثأر.. واقسم بالـذي شـرّع الثـار
ربٍ قضى في شرعه العيـن بالعيـن

عـلام غيبـان النوايـا والاسـرار
اللي طمن سابع سما .. سبع اراضين

لو تجري دماهم مثل جـري الانهـار
او نمحي اسرائيل قاصـي ودانيـن

ومن عقبها نجمع درر كـل الاقطـار
بمحمـد الـدره فلانوفـي الـديـن

لبّا عيون غمضت خـوف الاخطـار
ولبّـا خفـوق نثـروه ابعيـاريـن

لبّاحشاه اللي احتضن طلقـة النـار
ولبّا جسده اللـي خـذوه النياشيـن

في ظهر ابيه اقفى يدوّر لـه ستـار
وشقّوا ستاره واصبح الجرح جرحين

لايامحمـد وانـت صنديـد مغـوار
لكن زمانك فـات ماهـو بهالحيـن

وقتك مع ( عقبه وطـارق وعمـار)
مـع رجـال همهـم نصـرة الديـن

اللي افتحوا بايمان وبعزم واصـرار
من داني المغرب الى قاصي الصيـن

احرار في حطين والقادسية لهم كـار
واقفـوا بعـزم القادسيـة وحطيـن

لايامحمـد عقبـك الحـال منـهـار
مير العـزا ثـارك خذينـاه ثاريـن

حنا اتفقنا من عقب شجـب ماصـار
امّا اعقلوا نستنكر الوضـع ونديـن

ياسين لاصرنا علـى ارواح الابـرار
يكفي دقيقة نوقـف حـداد ياسيـن

حنا جدانا سطوة الجار عـا الجـار
والاعلى اسرائيـل ماحـن بساطيـن

ستين عام سلاحنـا شجـب وانكـار
لين اسحبوا وجه العروبه على الطين

هم جرعونا الذل في كـاس الامـرار
لابالله الا ذوقـونــا الامـرّيــن

برجولهم داسوا علـى مـش الازوار
وحنا نهـز بروسنـا تقـل راضيـن

هم لبسونا العـار فـي ذل واصغـار
هم اتركونا نخلـط الزيـن بالشيـن

هم برّكونا في مجاعـات واحصـار
هم خلوا الغاليـن فينـا رخيصيـن

هم ارغمونا مانْتًخطّـى ورى القـار
هم زلزلونا عقـب هـاك البراكيـن

هم طوعونا كننـا عمـي الابصـار
والى اذبحوا مسلم نقول . ايه مسكين

هم هتكوا عرض العرب ستر واجهار
هم طمّنوا بلحى الشيـوخ المسنيـن

هم لاعْجزوا برجال واطفال الاحجـار
ساقوا لنا الحجـة بـدون البراهيـن

ياربعنا يا احفـاد وافيـن الاشبـار
الـى متـى الاجـداد منـا بريّيـن

الى متى نتخلّـق اسبـاب واعـذار
الى متى واحنا علـى الثـار مقفيـن

الى متـى واحفـاد عبـاد الابقـار
لوما اذبحونا غـدر متنـا مساجيـن

الحر مايوقـع علـى خربـة الفـار
والى وقع ماهـو بكفـو الجناحيـن

اكرم بنـي صهيـون نـذل وغـدار
لوهم يبون السلم ما اغتيـل رابيـن

تدرون ويش ارهبهم اقـلال واكثـار
اكثر من اللي شافوا بحرب تشريـن

وخلى الطوال من الفزع فيهم قصـار
فرحة شهيد بضحكة الشيخ ياسيـن

هيا مشينا نرخص امـوال واعمـار
هيا نعيد امجـاد الاحـزاب وحنيـن

قد قلتها من قبل في بعض الاشعـار
ترى الذلول الطيبـة تـردف اثنيـن

متى تشوف العين عج الرمـك ثـار
وبنصرنـا نقبـل نهيجـن ملاييـن

يادارنـا جينـا واحنـا هـل الـدار
حنا هـل الرايـة وحنـا السلاطيـن

جيناك يوم اقفت مراهيـش الامطـار
وابطت حراوي المعتصم يافلسطيـن

اما خذينـا ثـارك كبـار واصغـار
ولا تبرقعنـا ســواة النسـاويـن



--------------------------------




أتمنى أن تكون القصيدة مناسبة لذائقة النسبة



الأعلى منكم .. وبأذن الله سيتم طرح قصيدة ( تكفى )



وغيرها في حال سنحت الفرصة ..

ياهلا والله وغلا اخوي

إقتباس ستين عام سلاحنـا شجـب وانكـار لين اسحبوا وجه العروبه على الطين

صدق والله

إقتباس متى تشوف العين عج الرمـك ثـار وبنصرنـا نقبـل نهيجـن ملاييـن

ياسلااااام والله روووعه

إقتباس اما خذينـا ثـارك كبـار واصغـار ولا تبرقعنـا ســواة النسـاويـن

صح لسان الشاعر والله انها من افضل القصايد اللي
قريتها بحياتي واقواها قايد قوات العشق

تكفـــــى لاتبخـــــل علينا بروائع هالشاعر المتميز

لاتعبت ياغالي موضوع في غااااية الروعه

هذا الشعر اللي يحق لصاحبه أن يسمى شاعر ,,

وهذا الشعر اللي يهز الوجدان ويحرك المشاعر ,,

شكرا لك على هذا الإختيار لشاعر مبدع يتفوق بشعره على كثير ممن يفوقه شهرة ,,

تحياتي لك ,,

إقتباس الى متـى واحفـاد عبـاد الابقـار لوما اذبحونا غـدر متنـا مساجيـن

صح لسان الشاعر
مشكور اخوي
يعطيك العافيه

الله يعطيك العايه على
هالمعلومات

مشكووور يابعدي


وصح لسان الشاعر ..

وجب لنا قصيدة تكفى .. تكفى

الله يصح لسانه
ويعطيك انت وياه العافية

والله بغيت اقتبس بس طلعت القصيدة كلها تستاهل الاقتباس

لذلك حفظت القصيدة عندي على الجهاز


لا هنت

صح لسانك ولسانه

إقتباس اما خذينـا ثـارك كبـار واصغـار ولا تبرقعنـا ســواة النسـاويـن

متى سنأخذ الثار ؟؟

أو ننتظر إلى أن يتحدث الحجر و الشجر ؟

قصيدة رائعه من شاعر أقل ما يمكن أن نقول فيه أنه رائع و متمكن


ننتظر باقي قصائد الشاعر ((أبو بدر))

إقتباس الرسالة الأصلية كتبت بواسطة leo messi ياهلا والله وغلا اخوي صدق والله ياسلااااام والله روووعه صح لسان الشاعر والله انها من افضل القصايد اللي قريتها بحياتي واقواها قايد قوات العشق تكفـــــى لاتبخـــــل علينا بروائع هالشاعر المتميز لاتعبت ياغالي موضوع في غااااية الروعه

صح بدنك عن أبو خالد ..


ولاندمت يا غالي .. مرورك يشرفني دائما ً ..

وأبشروا باللي يرضي الزعماء بحول الله

إقتباس الرسالة الأصلية كتبت بواسطة راشــد هذا الشعر اللي يحق لصاحبه أن يسمى شاعر ,, وهذا الشعر اللي يهز الوجدان ويحرك المشاعر ,, شكرا لك على هذا الإختيار لشاعر مبدع يتفوق بشعره على كثير ممن يفوقه شهرة ,, تحياتي لك ,,

صدقت أخوي الغالي ..

والعفو مسوينا شئ ..

مرورك شرفني كثير .. لاهنت

إقتباس الرسالة الأصلية كتبت بواسطة مواصل من عام 1413هـ صح لسان الشاعر مشكور اخوي يعطيك العافيه

صح بدنك عن أبو خالد ..

والعفو ما سوينا شئ ..

مرورك يشرفني .. لاهنت