محجوز لحين تحرير الموقف
=============================
اصعب موقف مر علي مرة من المرات جاني خويي نصراووي صميم
وقالي ابيك تخاويني مشواااااار طبعاص انا عن طيب نيه قلت اوكيه ابخاويك
فجأة اشووفه وقف عند استاد الامير فيصل بن فهد بالملز كان فيه مباراة بين
النصر والطائي في الدوري .. عااد انا قلت وش عندك وقفت فيذا لايكون ناوووي
تطب وتسرق كوور
قال لالا فيه مباراة بين النصر والطائي وابيك تحضرها معي عشان تشوف
جماهير النصر على اصوول
عاد انا انحرجت مدري وش اسووي يااني احضر المباراة
والا ارجع للبيت بتاكسي
والله وستسلم للأمر الواقع وادخل الملعب لاواللي دابلن تسبدي اني دفعت 20 ريااال
قيمة تذكرة آآه يالقهر
عااد يوم دخلنا الملعب كان على نهاية الشوط الأول ونجلس وكانت النتيجة صفر ×صفر
والله واناظر في جماهيرهم اللي قاعد يسب واللي يلعن واللي يلعب بجواله لعبه الدوده
بصراحه كنت خايف لايغدر خويي فيني ويقولهم اني هلالي ثم وش يفكني منهم :p
بدأ الشوط الثاااني ومع اول دقيقه سجل الطائي هدف والله وانقز من الفرحه
والجمهوور يناظر فيني وش عنده ذا مهبوول .. والله يوم شفت الدعوة مهيب بصالحي
واقلب الموجة واقعد اسب في المدرب وقلت الشرهه مهيب عليكم الشرهه على اللي
يشجعكم واطلع من الملعب يقالي اني زعلان
ومشكوور اخووي ابو مطلق على هالموضوع الممتع