|
هلا وغلا بنايف بن محمد;) الحين باخذ راحتي في الأسئلة :) 1- ما هو أجمل موضوع كتبته ؟؟ طبعا بعد موضوع (( إحح كح كح )):D 2- راحت الخربشات .. وما قلت لنا وش المصدر ؟؟؟ ===> رافع ضغطه هالمصدر :) 3- العضو اللي تعرفت عليه وقابلته .. هل داااج أم لا .. أكيد انه داج وحول بعد :D:D:D 4- ماذا تعني لك سيارة الكورفيت ؟؟؟ وماذا يعني لك الهليل ؟؟؟ 5- كنت نايم وحلمت إنك مسئول في شبكة الزعيم .. من أول عضو توقفه . ومن أول عضو تخليه مشرف ؟؟؟ ===> انواع التوهيق :D:D 6- وش رايك في هذا الكاريكاتير ؟؟؟؟ http://www.al-jazirah.com/1237085/haged.jpg :D بس هذا اللي جاء في بالي الحين وتأخرت على الدوام بس راجع لك ..!!!;) تحياتي كل ابوها لك ..:) أخوك/ البـــارق;) |
الـسلام عليكـم عنـدي لك سؤال ومـحـيـرنـي شوي الـسؤال هو:هل انـت رعيـها؟:D :D :D :D |
السلام عليكم ورحمة الله وبركاته هلا والله بالاخ نايف اولا اش اخبارك اخوي الاخ نايف ماهي افضل الاوقات التي تستمتع فيها بوجودك علي النت ؟ بمناسبة هطول الامطار من من الاعضاء ودك تاخذه في كشته الي البر ؟ متي ناوي تسوي هجوم مسلح علي اشراف المنتدي العام:D تنبيه: اقلب الصفحه لحل النموذج الثاني:cool: |
يوووووووووووووووه معليش صيفت عليكم :( :( هاه يمديني اسئل والا لا؟ تصدق ماانتبهت انهم يسئلونك أحسبه الا الحين ملزقين اسئلة عاشق النمر:p :p على العموم انت وش اخبارك ؟؟؟؟؟ نجي لللاسئلة الله يعينك ....بس بدون هيا ..هيا ==================== السؤال الأول من القائل ....لالالالا أمزح :D :D :D - يوم انت صغير وش كان أهلك يدلعونك ؟؟ يعني ينادونك مثلا نيفو والا النيفاوي:D :D ============ السؤال الثاني عبر في سطرين عن جمجمة الهلال ؟؟ ============ السؤال الثالث: أبعطيك بعض الشخصيات الكرتونية وابغاك تخيل انها تشبه بعض اعضاء الشبكة ..اوكي - بنك بانثر - شفاط النمل - زينه صديقة نحول - كعبول - مرت بوباي ============ السؤال الرابع اذكر اسم لاعب سعودي اسمه الأول نايف ؟ ============ السؤال الخامس تكتب باليمين والا باليسار ؟ ============ السؤال السادس تخيل نفسك مروض اسود بسيرك وجايب واحد من الاسود لغرفتك على بالك انه صديقك ومرة من المرارير بلعك يعني أكلك صديقك الأسد اوكي وش تبي تسوي وانت داخل بطن الأسد ؟؟ مع العلم انه معك جوال ومعك ريموت الدش هل : - تبي تدق بالجوال وتخلي احد يجي ينقذك مع العلم ان جوالك مفصول مع انك مسدد الفاتورة . - والا تغير القناة اللي بالدش وتحط القناة الأولى وبكذا تبي تلوع كبد الأسد ويبي يطلع كل اللي في بطنه ومن ضمنهم انت :D :D أرجو اني مااثقلت عليك بالاسئلة :p شكرا :) :) |
اخيرا رجعنا لاكبر منتدى رياضي في العالم واحب يكون اول موضوع لي بعد انقطاع 3 شهور هو في مناسبه كبيره ... وهل هناك مناسبه اكبر من وجود الغالي نايف ضيفاً في المنتدى نخش في الدجه 1/ وش هي افضل المناظر السياحيه اللي لا زالت عالقه في ذهنك من رحلة استراليا ؟؟؟ 2/ وش هي علاقتك بخوينا القديم 054488 والباقي عليك ؟؟؟ تصدق اني قابلته في العيد في الدخل المحدود ؟؟؟ 3/ وش الموقف اللي خلاك تحط مسنجرك بنك غريب يقول / هي خاربه خاربه خلنا نعميها 4/ الصراحه نايف انا اشوف انك عاقل شوي هاليومين دلنا على الطريق يخوي لا يكون تعديت مرحلة المراهقه بسلام او الزواج المبكر له ايجابيات ؟؟؟ 5/ لا تنسى ترد على سؤال البارق اللي يقول فيه عن الكورفيت لان السؤال يهمني ؟؟؟ وفي النهايه اقول لا تنسى ترحب فيني ولا تبلشني بسواليف زكيه زكريا :cool: :cool: |
أخي نايف هلا والله بنايف : بصراحة انا هلالالالالالالالي بس من كثر ماني هلالي صرت ما اقدر اقول شي لانه مهما قلت الهلال هلال , بس ودي أقول شي : ليه انت هلالي ؟ اي الفرق السعودية تحترم الهلال ؟ متى كان اعتزال صالح النعيمة؟:rolleyes: :confused: :o :D :eek: |
رجعـت لــكم . البارق2000 1- ما هو أجمل موضوع كتبته ؟؟ طبعا بعد موضوع (( إحح كح كح ))؟ . * يازين موضوع أحح :) , والله المفروض مو أنا اللي أحدد أنتم اللي تحددون , وبكذا والله مقدر أحدد :) . 2- راحت الخربشات .. وما قلت لنا وش المصدر ؟؟؟ ===> رافع ضغطه هالمصدر ؟؟! * مـازلت أحتفظ فيـه , وماراح أقول لأنها خـاصة جداً جداً جداً . 3- العضو اللي تعرفت عليه وقابلته .. هل داااج أم لا .. أكيد انه داج وحول بعد ؟؟ * والله من ناحية الدجه فهو داج بس الى الحين مالقى الفرصة :D , ومن ناحية أحول فهـو أحول ( تقدر تقول عور :D :D ) . 4- ماذا تعني لك سيارة الكورفيت ؟؟؟ وماذا يعني لك الهليل ؟؟؟ * الكـورفيت عشـق صديق لي , والهليل حلى جريدة الرياض . 5- كنت نايم وحلمت إنك مسئول في شبكة الزعيم .. من أول عضو توقفه . ومن أول عضو تخليه مشرف ؟؟؟ ===> انواع التوهيق . * بكل صـراحة وبدون حذف أو تعديل إذا صرت مسئول في الشبـكة أول عضو أو شخص أقوم بتعطيل اليوزر حقه إلى الابد( ســلمــان 99999 ) :eek: :eek: :eek: لحد يطير عيونه مثل ذولآ , وأول عضو اخليه مشرف ( عاشق النمر ) . 6- وش رايك في هذا الكاريكاتير ؟؟؟؟ * يحاكي الواقع بكل مرارة :( . Mr.Y هل انـت رعيـها؟ * وشــــــــــــــو..!!؟ مافهـمت . |
الصبحي الاخ نايف ماهي افضل الاوقات التي تستمتع فيها بوجودك علي النت ؟ * يوم الخميـس الظـهر , وآخـر الليل في كل يوم . بمناسبة هطول الامطار من من الاعضاء ودك تاخذه في كشته الي البر ؟ * ودي أخذ النجيدي , والبارق , وابوسليمان , وحبي التيماوي , وعاشق النمر, وهاجس , ومجنون الهنوف , والصبحي , ونجم الصبح , وسهل 888 , والاسطوره , وزعيم اسياء , وراعي المحبة .... والله فيه غيرهم بس المساحة ماتكفي :D . متي ناوي تسوي هجوم مسلح علي اشراف المنتدي العام.. ؟ * فضحت المخطط علماً بأني قد شنيت هجوم مسلح على الشبكة ككل لكن للاسف فشل الهجوم , والقادم أحلى , حبه حبه . جمجمة الهلال يوم انت صغير وش كان أهلك يدلعونك ؟؟ يعني ينادونك مثلا نيفو والا النيفاوي ؟؟ * يدلعـوني نيــوفي :D ياقلــبووووووه :D ومازال الدلع الي يومنا هذا . السؤال الثاني عبر في سطرين عن جمجمة الهلال ؟؟ * إنسـان شـامل في كل مجال تلقى له مشاركة , مهبول مع درجة الامتياز . السؤال الثالث: أبعطيك بعض الشخصيات الكرتونية وابغاك تخيل انها تشبه بعض اعضاء الشبكة ..اوكي - بنك بانثر - شفاط النمل - زينه صديقة نحول - كعبول - مرت بوباي ؟؟ * ( بنك بانثر : جمجمة الهلال , شفاط النمل : مافية أحد بنفس المواصفات , زينة صديقة نحول : ريمانة , كعبول : jaj , مرت ببباي : والله مدري بس يمكن تكون عنود الصيد.!! . السؤال الرابع : اذكر اسم لاعب سعودي اسمه الأول نايف ؟ * الله يخلف علي , مافية الأ نايف فلاته , بس تراء خلق وفرق الحمدلله رب العالمين . السؤال الخامس : تكتب باليمين والا باليسار ؟ * باليمين , وإذا تعبت باليمين :D . السؤال السادس : تخيل نفسك مروض اسود بسيرك وجايب واحد من الاسود لغرفتك على بالك انه صديقك ومرة من المرارير بلعك يعني أكلك صديقك الأسد اوكي وش تبي تسوي وانت داخل بطن الأسد ؟؟ مع العلم انه معك جوال ومعك ريموت الدش هل : - تبي تدق بالجوال وتخلي احد يجي ينقذك مع العلم ان جوالك مفصول مع انك مسدد الفاتورة . - والا تغير القناة اللي بالدش وتحط القناة الأولى وبكذا تبي تلوع كبد الأسد ويبي يطلع كل اللي في بطنه ومن ضمنهم انت . * مادامك تقول التليفون مفصول , فكل الل علي إني احط القناة الاولى وقضينا , وإذا حصل احرك اصبعي على لهاته :D :D :D وقضينا..!!! . تشــكرات . |
ملك العشاق هلالالالالالالالالالا والله وغلالالالالالالالا :D:D:D:D:D:D . 1/ وش هي افضل المناظر السياحيه اللي لا زالت عالقه في ذهنك من رحلة استراليا ؟؟؟ * المناظر واجد , لكن لعل أهمها غابة نسيت أسمها شيء خيالي :D . 2/ وش هي علاقتك بخوينا القديم 054488 والباقي عليك ؟؟؟ تصدق اني قابلته في العيد في الدخل المحدود ؟؟؟ * سحبت عليه , وياشين لية ماقلت لي :mad: :mad: :mad: ..!! بس شرايك:D ؟؟!! . 3/ وش الموقف اللي خلاك تحط مسنجرك بنك غريب يقول / هي خاربه خاربه خلنا نعميها ؟؟ * والله فترة ضاف فيها صدري وقلت لنفسي خلني أسوي كل اللي يطري على بالي ولاعلي لا من فلان ولاعلان , حالة من القلق والزهق..!!؟ 4/ الصراحه نايف انا اشوف انك عاقل شوي هاليومين دلنا على الطريق يخوي لا يكون تعديت مرحلة المراهقه بسلام او الزواج المبكر له ايجابيات ؟؟؟ * أبشرك متعدي المراهقة من مبطي مخليها لك أنت وحبي تيماوي :D , والزواج ماطرى على بالي , وبعدين ياخوي الحمدلله إني عاقل وهذا فضل من الله . 5/ لا تنسى ترد على سؤال البارق اللي يقول فيه عن الكورفيت لان السؤال يهمني ؟؟؟ * أفا عليك رديت عليه:) . وفي النهايه اقول لا تنسى ترحب فيني ولا تبلشني بسواليف زكيه زكريا * والله يامجنون أنت وجهك هذي الساعة المباركه وماتصدق وش كثر فرحتي برجعتك , ولاتنسى شبكة الهلال ترانا بأنتظارك ياقوي :D , وزكية شكلنا نبي نكلمه يجي لمنا الاسبوع الجاي :D . الباشا الكبير ليه انت هلالي ؟ * والله من يوم عرفت نفسي وأنا هلالي , والبيت كله هلال * هلال . اي الفرق السعودية تحترم الهلال ؟ * الأهلــي , القادسيـة . متى كان اعتزال صالح النعيمة؟ عام 1411 الظاهر بشهر 11 ..!! تحياتي وتشكراتي الكثيرات للجميع . |
هلاء وغلاء ابونوف ومشكور حبيبي البارق اللي شرفتنا بالغالي نايف حبيبي لي امنيه قبل السؤال وهي ان اتشرف بمقابلتك يالغالي سؤالي يالغالي وأعرفك لاتحب المجامله وانت من كان متواجد بهذا المنتدى ببدياته ولك بصماتك وخصوصآ بالمجلس العام حبيبي ابو نوف ماذا ينقص المجلس العام من وجهة نظر ؟ شاكر ومقدر تشريفك لنا يالغالي |
الغالي نايفووووووه : سلام كبير من الحدود الشماليه ... الغالي نايف ماتصدق من غلاك قطعت لي ثمانين كيلو ادور مكان يتوفر فيه نت وترأى الأن اكتب لك من مقهى وتعرف جو المقاهي ,,,, وصدق يمكن 2/1 ساعه وان احلف ملك العشاق يوم قالي انك ضيف المنتدى.... بصراحة ماعندي سوال محدد لكن ودي بس اسألك ؟؟؟؟ 1- نايف متي تكون متضايق ؟ 2- اشياء تشوفها في شبابنا خطاء وتتمنى تختفي ؟؟؟ 3- عمل قمت به وانت غير راضي ؟؟؟؟ 4- اجبرت على فعل عمل ماء تعلم انه قد يضر غيرك تفعل ام لا ؟؟؟؟ ++++++ وش سالفة الدخل المحدود والكورفت اشوف تكررت هذه الأسئله عليك هل من ايضاح ...... < ==== جاوب يا نايفوووووه افندي تحياتي يالغالي والى اللقاء بعد شهر انشاء الله ؟؟؟؟؟؟ |
هلا اخوي نا يف ابيك تجاوبني بصراحه لاني سميَك يعني انا وياك نفس الاسم وش كلامك على اللي يصير الان في افغانستان ؟؟؟؟؟؟؟؟؟؟؟؟؟؟؟ |
ابوسليمان هلا بك أبوسليمــان . ماذا ينقص المجلس العام من وجهة نظر ؟ * إعطاء الحرية أكثر في جميع منتديات الشبكة , مثلٍ يوم كتبت موضوع ( ياشين المبزرة شينااه ) تفأجات بحذف الموضوع من قبل الإدراة..!! ويومي سـألت عن الاسباب قالوا ( ياخوي المنتدى فيه آباء وفيه ناس متعلمه وكبيره وأنت تنعتهم بالمبزره..!! ) مدري بصراحة مع وين يفهـمون..!! والمشكل إن الموضوع تفاعل معه الشباب ككل في المجلس العام..!! لكن مدري وش السالفة ..!! . وبعد طغيان المجاملة على بعض الردود .. . حبي تيماوي هلا والله وغلا بحاتم , ياجعلك تسلم , أحرجتني :D , والله يرجعك سالم ياحاتم بيك . 1- نايف متي تكون متضايق ؟ * والله واجد اتضايق , لو أشوف شخص حالته شينه ضاق صدري , لو اشوف تصرف خطاء من شخص تجاه شخص اخر يضيق صدري , وأحياناً اتضايق من لأ شيء . 2- اشياء تشوفها في شبابنا خطاء وتتمنى تختفي ؟؟؟ * بصراحة الأخطاء واجد لكن مااتوقع إنها راح تختفي , والاخطاء فيني وفيك وفي غيرنا, ودام الفراغ موجود أبشر بـاالاخطاء اشكال وانواع ..!! . 3- عمل قمت به وانت غير راضي ؟؟؟؟ * غيابي أسبوع وكم يوم تسببت في فصلي من معهد الإدارة , إلى يومك منقهر . 4- اجبرت على فعل عمل ماء تعلم انه قد يضر غيرك تفعل ام لا ؟؟؟؟ * لألألألألألألألألألألألألألألألألألألألألألألألألألألألألألألألألأ , امعصــي :D:D:D:D . وبالنسبة للكورفت فهي سيارة , والدخل المحدود حي من إحياء الرياض الشيــنة :D:D:D:D:D: ;) ;) , التفاصيل تجدونها في مراكز بيع مجنون الهنوف;) ;) . |
الفتى الفضي وش كلامك على اللي يصير الان في افغانستان ؟؟! . * شـيء يحـزن ويبكي كل من له قلب , شعب ماله ذنب الآ إنه يدين بالاسلام يذبح يدمر ينسف من على وجهه الارض وباالاخير ( قصف خاطيء..!! ) , لعب على المكشوف , وين حقوق الأنسان اللي يتكلمون عنها..!! , كل اللي قاعد يحصل في أفغانستان مسلسل أبطالة النصارى واليهود, الضحية الشعب المسلم المسكين...!! . ماقول غير الأ اللهم عجل بنصرك , وأشغل اليهود والنصارى بأنفسهم , وأجعل تدبيرهم تدميراً عليهم ياقوي ياعزيز . تشـــــــكرات . |
الله يجزاك خيييييييير هذا ما توقعته منك الله يتقبل دعاء المسلمين اللهم آآآآمين وعندي طلب ثاني الا وهو: اذا قلت لك عطني شي حلو وش راح تعطيني؟؟؟!:rolleyes: :rolleyes: |
| الوقت المعتمد في المنتدى بتوقيت جرينتش +3.
الوقت الان » 11:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd