مع اني ما احب برشلونا

بس هاذا الشعر

تروح أبطال أوروبا وضاع الكاس والمطلوب
................ وأبد هذي هي (الكورة ) بيوم تفوز أو تُغلب

وأبد ماهـمنـي أخسر وعـادي لو أنا مغـلـوب
................ أنا البرشا ،، أنا البرشا ،، معاك إلين ماتكسب

ثلاثي النار لو يكمل تشوف الملعب المرعوب
................ وعاد أسمح لي شي ثاني إذا (ميسي) بعد يلعب

أخبر (الكامبنو) مره قعد يبكي على المحبوب
................ على أيام (سـرقـسطـه) إصابه خلته يتـعـب

رجع مـشـتاق للكورة ولعبه ،، مابه أي عيوب
................ رجع جاب الثلاث أهداف ورجٌع فرحة الـملعـب

ولا ننسى أبد (ميسي) بهدف خيتافي المتعوب
................ لا تستـغـرب ،، يجي مره بهدف مثله لا تستـغـرب

أنا ابداً ما اتكلم عن : من الفايز / من المغلوب
................ أنا أتكلم عن الأبـداع عن اللي لشوفـته تـطـرب

تقولي (سيرجيو راموس) أقولك راسه المعطوب
................ تقولي عندنا (بيكهام) ،،، ترفق بس لا تـتـعـب

إذا قلنا (رونالدينو) تقول الـسـاحر المرغوب
................ بلـعـبه بس وبـفنه ،،، يـساوي نادي ومـلعـب

وإذا قلنا الأسد (إيتو ) تقول الاعب المطلوب
................ وعمرك شفت لك غابه قعد في عـرشـها ثـعلب

وإذا قلنا (ليو ميسي) قليله كلمة الموهوب
................ هنا الأبداع هنا الروعه هنا الكورة هنا المطرب

وأبد ماهمني اخسر وعادي لو أنا مـغـلوب
................ أنا البرشا ،، أنا البرشا ،، قصيده من قلم معجب