نادي الهلال السعودي - شبكة الزعيم - الموقع الرسمي - فليت - عطر مركز - محلول سارقته من معمل الكيمياء << خلطه ودتني لنادي الهلال!!

أبد الله يسلمكم ذاك اليوم قريت كتاب عن الابداع وما الابداع ..http://www.sami9.net/vb/images/smilie/aabiggrin.gif

وبما أني أبي أروح لنادي الهلال أنا ويا بنت خالي .. (( الجوهره ))

فجلست أفكر في طريقه أني أروح النادي ومحد يدري من أهلي والنادي مايدرون أننا رحنا لهم << إذا فهمتوا قولوا لي http://www.sami9.net/vb/images/smilie/aabiggrin.gif

فكلمت بنت خالي http://www.sami9.net/vb/images/smilie/aawink.gif

الجازي (( اللي هي أنا)) : جويهروه ووجع إن شاء الله أحد ينوم لها الحزة يامال المصع

الجوهره: كلي تبن ... هبلوا بي ذا البزارين ماخلوني أرقد

الجازي: هو عندس عيال وماعلمتينا ؟؟http://www.sami9.net/vb/images/smilie/aaeek.gif

الجوهره : لالالالالالالالالالالالالالالالالالاء << أحس حلقها طلع ...

أخواني يا البقرة ...

الجازي: أقول هاتي لنا طريقة نروح فيها لنادي الهلال وـأنا أختس ...

الجوهرة : خل نتلثم وندخل والله محدن داري عنا

الجازي: أقول لايكثر وش نسوي بأجسامنا أنتي ووجهك

الجوهرة : خلاص أجل موب لازم نروح

انا: لالالالالالالالالالالالالالاء لازم ...

وأصك السماعة في وجهها وأروح في الصالة وأنبطح وأجلس أفكر تفكيرن عميييق

وتنبت فوق راسي لمبه .... لقيتها ,,, هع هع هع ...

وأروح أجيب لي فليت و عطر مركز وأجيب لي محلول سارقته من معمل الكيمياء حق المدرسة وأخلطة مع بانزين 91وأشربه

وأنا اللي ماأحس بعمري إلا أني طايره فوووووووووووووووووووووق حتى أني دخلت في الجدار ورحت للغرفة

الثانيه وأشوف نفسي في المرايه

لين مافيه كائن حي اسمه الجازي

وأنا اللي أقعد أزاعق وااااااااااااااااااااااااااااااء أختفييييييييييييييييييييييييت ...

وأطير لبيت خالي وآخذ الخلطه معي ...

وأدخل مع جدارهم << حشا جني

وأزاعق جويهره ... وأكتشفت أن ماأحدن يسمعني وأنا اللي أروح لمطبخهم وأبلع لي سكر ورجعت طبيعيه

الجوهرة : بسم الله من وين طلعتي ؟؟؟

أنا: هع هع ... وأقولها السالفة ونقعد نشفط الخلطة ونطير لنادي الهلال ... طبعا مرينا التحليه قبل

أنا : شوفي الزحمة من فوق والله أنها شي

الجوهرة : كل الناس نقوط أقول ورا مانهبط لنا على مقهى

أنا: عن الدجة وخلينا نبتل للعريجا أبرك لنا

وأخيرا هبطنا على سطح نادي الهلال ...ياهو وصخ سطحهم ما أنغسل من عام 1820

المهم نزلنا للنادي ...

أنا : وااااااااااااااااااااااااااااااااااااااااااااااااااااء ...شوفي اللاعبين والمشجعين

الجوهرة: وناااااااااااسة ....

قعدنا ندور لين وصلنا لمكتب محمد بن فيصل ...

الجوهرة: أدخلي منب داخلة والله استحي

وأنا اللي أعطيها كف حلاقة ... يا البقرة مايشوفس

وندخل

أنا : محمممممممممممممممممممممممممد ...

الجوهرة : أنطمي لايسمعنا ...

أنا: محد يسمعك لو تصارخين لين بكره

محمد بن فيصل كان يكلم السكرتير : أطقم الهلال الجديده وصلت

السكرتير : إيه وصلت

محمد : ورني الطقم وجب معك لي كركديه

أنا : ياحليله محمد بن فيصل يشرب كركديه

الجوهرة : أقول أمشي خلنا نطلع

أنا: لاأصبري نشوف طقم الهلال الجديد

ويجي السكرتير ومعه الطقم

أنا : وععععععععععععععععععععععع

محمد بن فيصل : وش ذا ما اتفقنا أن الطقم يصير كذا ... رجعه لشركة أديداس وخلهم يسون لنا غيره

أنا : أشوا أنك رجعته ...

تكينا أنا والجوهرة فوق المكتب وماغير اناظر في ذا الأوراق وكل شوي متصل أحد ... ملينا وطلعنا ...

الجوهره : أدعسي خلنا نروح للاعبين في غرفة الملابس

أنا : يالله ...

ونروح وأول واحد شفته الشلهوب

أنا : وااااااااااااااااااء الشلهوب وقلبس يا ناااااااااااااااااس

وماغير نشوف في ذا اللاعبين ونشاهق ...

الجوهره : شوفي سامي الجابر

أنا : لالالالالالالالالالالالالالالالالالالالالالالالالاء مستحيييييييييييييييييييييل سامي قدامي وبغا يغمى علي ...

وجلسنا نلاحق في أبو عبدالله ماتركناه ثانيه وحده ...

سامي : ياسر ماشفت شرابي مدري وينه فيه

أنا : شرابك فيذاك يابعد تسبدي وأنقز وآخذ الشراب وأي شي أمسكه يختفي معي << ونااااااااسه

وأحطه عند جزمة سامي ...

سامي : بسم الله أدور الشراب وأثره جنب الجزمة

ياسر: بلاك ماتشوف

سامي : أحترم نفسك وخلك عاقل

عاد أنا حقدت على ياسر وأنا اللي آخذ جواله وساعته وأغراضة اللي بالدرج كلها وأحطها في درج الدعيع

الجوهرة: حرااااااام بيتمشكلون ألحين

أنا : أحسن << نذله

سامي طلع وأنا اللي ألحقه والجوهرة قعدت في غرفة اللاعبين تعبت وهي تطير ياحياتي

سامي راح يسوي تمارين أحماء وأنا مرتزتن في وجهه : واحد اثنين أسرع أسرع

سامي خذا راحته وماغير يغني ويدق رقبه ...

وأنا بغيت أستنزل بس صوت أبو عبدالله خطيييييييييييييييييير << والله من جد

بعد ربع ساعه من المطامر سمعنا زعاق في غرف اللاعبين ونروح لهم أنا وسامي ...

أنا : جويهرة وش صار ؟؟؟

الجوهره : خخخخخخخخخخخخخخخخ هبلت بياسر زياده

أنا: وش سويتي ؟؟؟

الجوهرة : أبد غطست جواله في كوب الدعيع وهو ممتلي شاهي

أنا : الله يفضحك يا بنت الذين

ياسر: صدق أنك ماتستحي

الدعيع : قسم بالله مامسكت جوالك

ياسر: لا أجل الجني ...

وأقوم أنا وأدخل في درج سامي وأطلع جواله وأحطه في جيب ياسر ...

بعد دقيقة دق الجوال

سامي : كن ذي نغمة جوالي والصوت قريب ... ياسروووووووووووووووووه ماخذ جوالي

ياسر: قسم بالله ماخذته

سامي : لا وش ذا اللي في جيبك

ياسر: بسم الله وش جابه في جيبي

سامي : ولد الجيران

وتطير الجوهرة وتسرق الأوراق اللي في مكتب الرئيس وتحطها على أغراض خالد عزيز

محمد بن فيصل فقد الاوراق وماخلا مكان في النادي مادور عليه وآخر شي راح للاعبين

محمد : شباب ماشفتوا أوراقي بسم بالله مدري وين راحت له

اللاعبين : لا ماشفناها

محمد : وش ذا ؟؟ ويروح لخالد عزيز ...

خالد عزيز : وش هو؟؟؟

محمد: وش تفسر لي هالتصرف ؟؟؟

اللاعبين ماغير يشاهقون

خالد عزيز: مالي دخل والله العظيم

سامي : طال عمرك شكل في النادي جني

ياسر: إي والله

محمد بن فيصل : وأنتم صادقين حتى أني ما أذكر أن أحد دخل علي في المكتب اليوم

أنا والجوهرة ميتين ضحك ... وأنقز وأطفي الكهرب يعنني نسوي أكشن ...

اللاعبين خافوا ياحياتي وحالتهم حالة ...

أنا : خلاص عاد والله بصقناها روحي خلنا نولع الكهرب مساكين رحمتهم

الجوهرة تعالي معي ... رحنا وولعنا الكهرب

أنا : شهقت شهقه ... إييييييييييييييييييييييييييه الجوهره رجعنا طبيعين

الجوهرة : يمممممممممممممممممممممممه وش نسوي ألحين ؟؟؟

ويمر سامي ... ويشهق

عاد من زين الأشكال أنا لابسه بلوزة حمرا وبنطلون كاروهات موف واخضر

والجوهره قميص قطن حق بيتهم

أنا : ياسامي أنا داخلتن على الله ثم عليك ونقول له السالفه كلها

... عاد هو رحمنا وجاب لنا فليت و.... الخ عشان نختفي

وأختفينا وطلعنا من النادي دون رجعه فكرنا نكررها بس ماش __ مو كل مره تسلم الجره

وتوته ياتوته خلصت الحتوته

مايستفاد ....

الله يعظم أجرنا يا البنات ماغير الشباب يطامرون يا في التحليه يا يحضرون مباريات وإنا ياحيااااااااااااااااتي ننرحم

الفضاوة تأثيرها عجييييييييييييييييييييييب اللي عندها فضاوه مثلي تكبر الوساده

أبد ماعندي شي ...

قفله

سبحانك اللهم وبحمدك أشهد أن لااله إلا انت أستغفرك ربي واتوب اليك

الجازي