صباح الخير أيها الزعماء

أمس قراءت في جريدة الأقتصاديه أن الهلال دفع في باسكال مشعلاني عفواًُ باسكال فيدينو 10 ملايين يورو أي مايعادل 50 مليون ريال

خلونا نفترض أن الخبر صحيح وأن الهلال قدم هالمبلغ ماتحسون أنه شي يبكي العين ويحرق القلب

والله أني قادر بال50 مليون هذي أخلي الهلال الأقوى بالشرق الأوسط لمدة ثلاث سنوات قدامه على الأقل

راح تقولون لي كيف ؟؟؟

راح أقولكم كيف :

1- أجيب مالك ب20 مليون ريال من الأهلي ولو رفضوا أجيب مكانه كالون والا الشماخ

2- أجيب أسامه هوساوي وماجد العمري مقابل 15 مليون ريال اسامه 8 مثل مادفع فيه نادي الشباب حالياً والعمري ب7 ملايين

3- أجيب حسن معاذ ب10 ملايين من الشباب

داري أن بعضكم يقول بقى 5 ملايين وين بتروح ؟؟؟

راح أجاوبكم وأقول أبي أخذها أنا مقابل أني أمسك منصب التويجري مدة 6 أشهر فقط لأن علي عروض من أوربا أبرزها عرض من ريال مدريد لأني زلبت عرض برشلونه


وهذا اللي عندي

اسف على الأطاله

بس بالله وش رأيكم بالفكره ؟؟؟

..

ياخوي الكلام سهل .. الأهلي بيفرط في مالك وكذلك
الحال مع الأهلي والشباب ..

أنا أقدر أتمنى وانت وكل الناس .. لكن التطبيق على ارض الواقع صعب جداً

.والله فكره جيده بس محد لمك اما لو تصير وش بيصر الهلال مو ناقصه اي لاعب
في اي خانه

والله لو اللاعبين اللي ذكرت بالقادسيه يمكن اقولك انك صادق

بس اللاعبين اللي تطلبهم عند انديه غنيه

الشباب والاهلي

يعني مو صعبه الا مستحيله

حنا ماشرينا عقد الشمراني وهو بالمزاد

شلون بنشتري لاعبين متمسكين فيهم انديتهم

يعني لاتحلم الله يطولي بعمرك

الهلال والخطر.. الإدارة في "إجازة" كادت تكلف النادي 50 مليونا
عبد العزيز العجلان من الرياض - 21/07/1428هـ

وقََعت إدارة نادي الهلال في مأزق كبير حيال صفقتها مع الغيني باسكال فيندونو مهاجم نادي سانتيان الفرنسي الذي تعاقدت معه لمدة ثلاثة مواسم نظير مبلغ مبالغ فيه يصل إلى عشرة ملايين يورو (ما يقارب 50 مليون ريال) وهو الرقم الحقيقي لقيمة الصفقة التي كاد الهلاليون يتورطون بها نظير العجز المادي الكبير الذي تعانيه الخزانة الزرقاء.
ويكمن المأزق الأزرق مع باسكال في انعدام قدرة خزينة النادي ليس في توفير المبلغ المطلوب فحسب وإنما في توفير جزء يسير من كامل المبلغ الذي يعتبر مبلغا كبيرا على إمكانيات اللاعب، الأمر الذي أوقع الهلاليين في ورطة حقيقية من المنتظر أن تكلفهم الكثير جراء تعجلهم الذي كاد ينهي الصفقة بهذا المبلغ الكبير.

والله لو اللاعبين اللي ذكرت بالقادسيه يمكن اقولك انك صادق

بس اللاعبين اللي تطلبهم عند انديه غنيه

الشباب والاهلي

شوف الشباب عنده لاعب راح يغطي على حسن معاذ اللي هو محمد الهليل لاعب المنتخب الأولمبي

أصعب شي تقدر تقول عنه اللي هو مالك وأنا حطيت حلول ثانيه كالون والشماخ ترى أفريقيا مليانه مهاجمين أطلق من مالك وياسر

يعني مو صعبه الا مستحيله

مافي شي مستحيل بعالم كورة القدم حنا نتكلم بالرياض مو بالسياسه

حنا ماشرينا عقد الشمراني وهو بالمزاد

أحد جاب طاري الشمراني حنا نتكلم عن أسامه هوساوي والله قهر يروح لغير الزعيم

شلون بنشتري لاعبين متمسكين فيهم انديتهم

القحطاني متمسك فيه ناديه وهذا هو مع الأتحاد والشمراني بعد وقبلهم الغنام

يعني لاتحلم الله يطولي بعمرك

أنت مشكلتك مصعب كل شي ياخي هم ليمن شافوا الدراهم راح تضيع علومهم

والله يطول بعمرك بعد ويزوجك بنت الحلال

إقتباس الرسالة الأصلية كتبت بواسطة زين الدين الغنّـام .. ياخوي الكلام سهل .. الأهلي بيفرط في مالك وكذلك الحال مع الأهلي والشباب .. أنا أقدر أتمنى وانت وكل الناس .. لكن التطبيق على ارض الواقع صعب جداً

طيب هم مايبون يوقعون عقد رعايه وأستثمار مع شركة صله مدري موبايلي ب250 مليون ريال لخمس سنوات ؟؟؟

50 مليون ماهي شي مقابل الطموح في كأس العالم للأنديه والمنافسه بالدوري مدتة خمس سنوات قادمه

بس كلامك سليم وين اللي يبي يجي يطبق هالحتسي

و الله فكرة حلوه بس ما عندك أحد

مشكور أخوي

تحيتي .. لك ..

ياخي مالك معاذ لو نشتريه يبغاله فلوس ووقت طويل وبعدين انا متأكد ان الاتحاد مارح ينافسنا لأنه منصور الي بيفاوض وتعرف كره الاهلاويين لمنصور وخصوصا برئاسه المرزوقي
هوساوي ماهو صعب والعمري ماهو صعب لكن الصعب من جد حسن معااذ البلطان ماهو مفرط فيه بسهولة

إقتباس الرسالة الأصلية كتبت بواسطة 3اشق الهلال .والله فكره جيده بس محد لمك اما لو تصير وش بيصر الهلال مو ناقصه اي لاعب في اي خانه

تستهبل ؟؟؟

والله غير يسمون الهلال منتخب الدوري ويطالبون الاتحاد السعودي بأعفاء الهلال من بطولاته والمشاركه بدل المنتخب في البطولات المحليه والقاريه

أنا والله ما ألعب يوم أقول هالحتسي

اه لو يسلموني أدارة الهلال 3 شهور بس والله غير أخلي سلطان ونواف يقولون تعال أمسك الأتحاد السعودي معانا <<< وجه واحد يحب يتخيل كثير

إقتباس الرسالة الأصلية كتبت بواسطة A e u d y و الله فكرة حلوه بس ما عندك أحد مشكور أخوي تحيتي .. لك ..

شرفني مرورك

وشكراً

والله كلامك معقووول اخوي ...

مهب اجيب لي لاعب اهداف تيفا اكثر من اهدافه.. ولا بعد بـ 50 مليووون..

والله كلامك صحيح .. ان شاء الله يجي مالك.. بالتوفيق للزعيم ..

إقتباس الرسالة الأصلية كتبت بواسطة طيار هلالي ياخي مالك معاذ لو نشتريه يبغاله فلوس ووقت طويل وبعدين انا متأكد ان الاتحاد مارح ينافسنا لأنه منصور الي بيفاوض وتعرف كره الاهلاويين لمنصور وخصوصا برئاسه المرزوقي هوساوي ماهو صعب والعمري ماهو صعب لكن الصعب من جد حسن معااذ البلطان ماهو مفرط فيه بسهولة

ياخي والله 20 مليون ريال يعني 3 ملايين يورو تجيب أطلق مهاجم مغربي والا تونسي والا نيجيري .... الخ يعني الدعوه مو موقفه على مالك معاذ

وترى زياد الجزيري لاعب تونس راح للكويت مقابل 4 ملايين يورو مدة 5 سنوات وهو عندي الأغلبيه أطلق من مالك على الأقل أصغر من مالك ب4 سنوات

أما حسن معاذ فيه غيره بالشباب اللي هو الشهيل وتراهم محتاجين محور يعني أعطيهم البرقان مع الصفقه والا بدر الدوسري وراح يوافقون على طول

على العموم أسعدني مرورك

إقتباس الرسالة الأصلية كتبت بواسطة ـيا ـها ـجري والله كلامك معقووول اخوي ... مهب اجيب لي لاعب اهداف تيفا اكثر من اهدافه.. ولا بعد بـ 50 مليووون..

لاحظت ؟؟؟

والله من جد وش راح يقدم لنا باسكال مشعلاني عفواًُ ياخي أنا دايم أغلط بأسم هالاعب زين الادراه ماجابوه كان الحين وقفوا عضويتي يحسبوني مندس وأنكت على الاعب الجديد

هذا مليون يورو وتحس أنها واجد عليه بعد

على العموم شرفني مرورك