بسم الله الرحمن الرحيم


أول شيء مساء الخير للجميع


معليش لاتقولون خميتنا لكن حلمت البارح وأنا أقرأ جريدة الجزيرة (الصفحه الرياضييه) بأن سعود بن تركي وبعد الحاح من الجماهير الهلالية قرر بأنشاء رابطه لمشجعي النادي ووافق الله يطول عمره,



@@ الزعيم ليس له رابطه مشجعين )

نادي الهلال كما يطلق عليه محبيه (الزعيم) أشهر فريق عربي وأسيوي ليس له رابطه مشجعين هل يعقل هذا يا أخوان
جماهير تحضر للملعب لا تتفاعل الا مع الهجمات أو تقوم بالتهكم على اللاعبين أو المدرب , لا تشجيع ولا هم يحزنون
فقط الله يطول بعمره صاحب النداء الشهير (يا هلالالالالالالالالالالالالالالالالالالالالالالالال
الالالال)العنزي وترد عليه الجماهير فقط لا غير وعندما يسكت ويبح حلقه يسكتون الا من بعض المحبين والذي لا يجد مسانده ممن حوله ,كل مشغول يرزز شماغه ويدق حنك بالجوال,وما أدري ليش جايين الأخوان ومتعبين أنفسهم, أنا ما أجيب كلام من نفسي أنا حضرت وشاهدت والله العظيم هذا اللي قاعد يصير,وفي السابق وقبل إن يحصل الهلال على هذا الكم الهائل من البطولات (اللهم زد وبارك) كان هناك رابطه مشجعين للهلال يقوده طيب الذكر (مشقاص) وكانت تتفاعل الجماهير معه بل إن الكثير كانو يذهبون للملعب من أجل المشاركه
وترديد الهازيج مع مشقاص وكاتب هذا المقال أحدهم, وجميعكم يعرف إن الهلال والنهائيات توأمان لايفترقان وتحضر الجماهير وبكثافه هائله ولكن لا يوجد من ينظم تشجيعهم, حتى عرف عند البعض بإن جماهير الهلال جماهير فوز فقط حتى خيل لدينا بإن هذه الصفه صحيحه ,,

@@ تكفى يا سعود@@


إنشاء رابطه للجماهير الهلاليه مطلب ملح جداااااا فلا يعقل إن الزعيم لاتوجد لديه رابطه مشجعين.شاهدو نادي الأتحاد ورابطه مشجعيه والذي يقودها (القرني) صاحب الأهازيج الجميله فتشجيعهم للاتحاد طوال المباراه بل إن البعض يأتي ويستمتع بأهازيجهم وأحقاقا للحق فجماهير الأتحاد من أفضل الجماهير التي تشجع فريقا سوى فاز او خسر,


$$ تكلمت مع أحد المشجعين الهلاليين والذي دائما يحضر مباريات الهلال ودائما يكون في الدرجه الأولى وهو الوحيد اللي يحمس الجماهير الهلاليه مع العنزي وقلت ليه ما تروح لنادي الهلال وتعرض عليهم موضوع أنشاء رابطه مشجعين, ورد علي برد لم أتخيله ,قال يا أخي والله رحت وعرضت عليهم الموضوع وقلت لهم يوجد من زملائي حوالي السبعين شخص وعلى أتم الاستعداد فقط نريد تأمين حافله تقلنا الى الملعب وتأمين بعض مستلزمات التشجيع من طبول وخلافه ولكنه صدم وقال لي بالعباره التاليه ( ما عطوني وجه) فرجاء يا سمو الأمير المبادره بأنشاء هذه الرابطه على الأقل في الرياض حاليا ومن ثم في جده
والدمام وعلى ما أذكر إن أحد أنجال الشيخ فيصل الشهيل هو رئيس رابطه مشجعي الهلال في المنطقه الشرقية التي الأن لاحس ولا خبر عنها,وإنشاء الرابطه لن يكلف الكثير من المال ,بل لو عرضت الفكره وطرحت على أرض الواقع لربما تكفل بها أحد أعضاء الشرف,

والموضوع يا أخوان موضوعكم واللي عنده اي أضافه يتفضل فكلنا يجمعنا حب الهلال ولأجله نطرح أفكارنا لعله يأتي يوم ويصير لنا كلمه ورأئي مسموع مثل الأنديه العالمية اللي في أوربا ’’’’’’’’’

والسلام عليكم ورحمه الله وبركاته

أخوكــــــــــــــــــــــــــــــــــــــــــــــ
ــــــــــــــــــم المحب (جنتل مان ) أبو يزيد

والله ياليت

بعد مهوب لازم رابطه مثل الاتحاد اتي شاقني وهلم جرا

يعني يكون فيها شكل غير اذكر في هالموسم حضرت لمباراة الهلال ومدري مع مين المهم كان فيه جمهور حليو وكان فيه واحـد ماشاء الله عليه دمه خفيف وجرىء ..... المهم كان قبل المباراة يعطينا نكـت وقفشات جديده والجمهور تفاعل معه بشكل غير شكل

يعني كأن يغني اغاني مدري وش تبي .... كان ينكت ... ومعه شلته ..

حتى يوم نزلوا اللاعبين يسخنون .. بدأ يحمس الجمهور وصار يقول ..

احلااااا ابو حمد ==> يقصد خميس .. والجمهور تفاعل واخذ يرددخميس .. ثم الجمعان .. ثم شريده ... لان بوقتها لاعبين المنتخب مهوب فيه ...

فاللحظات اللي قبل المباراة راحت سرعه جدا على الجمهور وكان سعيد بتواجد الشخص هـذا ... حتى يوم لعبت المباراة راح يطلع اغاني جديده وخاصه بالهلال صراحه تحمسنا معه وصرنا نشجع

الزبده اني انا واللي معي كنا مبسوطين من فوز الهلال ... وبتواجد شخص اعطى للمباراة نكهه اجمل

يعني الشخص هذا اتوقع انه من المحبين للهلال و المتحمسين له اتوقع لو يعطى مثـلا 50 ألف ريال له ولخمسه او عشره اشخاص معه طوال المـوسم ... اعتقد راح يوافق بل راح يكون مبسوط .. يعني راح يأخذ على اموال و حضور مباريات وتشجيع هلال وينبسط هو وربعه مع جمهور الهلال في اي مباراة ...

حتى ممكن يطور من نفسه ويجيب اشياء جديده ويقدمها للجمهور .....

حاليا اتوقع لو طرحت الفكره للاستاذ ماهر الطويل المتحمس جدا لنادي الهلال ممكن يوافق ويدعم الفـكره هذي ....

تشكرات

الله واكبر ياربطة الاتي ماعندهم الا ياهلال

و الله يا ليت يكون في رابطه للهلال .


نـــــــــتــــــــــمــــــــنـــــــــى

حلمنا كثيراً بتكوين رابطة مشجعي الهلال أو تنظيمها إذا كانت موجودة ؟!! فليس معقولاً لناد مثل الهلال أن يعتمد على زعيق المسكين العنزي الذي بح صوته !! ونحن على أتم الإستعداد لتأليف القصائد ! بشرط أن يلحنها الجمهور بحضوره ومؤازرته فالجمهور هو مربطالفرس لكل ناد هو المحرك للاعب ولعضو الشرف وللإداري وللبطولات كلها !! وهو مورد مهم للنادي متى ماتم استثماره بالشكل الصحيح ! خاصة أن الهلال يحظى بجمهور على كافة المستويات الإجتماعية والثقافية والمادية !! لذا لابد من تفعيل دور الجمهور في كل شيء وليس في الصراخ داخل الملعب فقط ؟!!! وإطلاق العبارات والتعليقات !! يجب أن يكون من مهام الجمهور نشر الوعي في التشجيع بين أفراده والآخرين ! الأمير سعود بن تركي شاب متحمس ورزين وهاديء يأخذ الأمور بروية الكبار في السن وأعتقد أنه يدرس هذا الموضوع مع المعنيين ولدي تفاؤل بأن حلمك يا جنتل سيتحقق وسنقرأ قرار رئيس الهلال عن قريب في هذا الموضوع ! لست قريبة من المصدر ولكن " وحده تريد أن تتفاءل " وش تقولون ؟!!! ( تكفى يارئيس الهلال لا تفشلني أمام المتشائمين !!! فا " المملكة " تنتخي بك !!!!!

هلا والله اخوي العزيز جنتلمان ،،،

بالفعل امر رابطة لجمهور الهـلال ليت يتم ادراجها ولو يتم من الآن التخطيط لها للبدء بقوه في الموسم القادم !!

فاحمد الدوخي في نهائي 1418 يقـول كل ماأخذ الجماهير تشجع وتآزرنا .. يقول تأتينا قوه مضاعفه وحماس اكبر لتقديم كل مالدينا للجمهور ... وبالفعل تم تحقيق كأس خادم الحرمين الشريفين لعام 1418 ..

الشاهد ان جمهور له دور كبير في موآزرة النادي ،، ولعل فكرة اخوي راوؤل الهلال رائعه وجديره بالتطبيق ،،

وأنا معكم في كل اللي قلتوه..

والدليل على ان جماهير (الفصفص) والحكي الماصل..في مباراه الهلال والأقصى الفلسطيني...

حيث ان جماهير الهلال أضعاف جماهير هالفريق المغمور..ألا أن حماسهم وتشجيعهم كأنهم على أرضهم..وأتى بأيجابيياته على الفريق الفلسطيني............





وشكراًًٌُُ

مساكم الله بالخير جميعا

انا ماني معكم صراحه لان الرابطه ازعاج للي رايح يتفرج وويتلذذ بالفن

الازرق ويعيش جو مع الزعيم والشباب الحلوين ماعندهم الا زعيط شاقني

ومعيط شاقني مانبي نصير مثل الاتي كذا تمام بدون ازعاج

. الا الله يجزى الاداره خير اللي الغت الرابطه..........وشكرا