اهلا وسهلا <<بس هذى المقدمه
انا ترددت انى اكتب هالموضوع خفت افشل نفسى بس بعد ما شجعتنى الرابطه(المان) قلت يالله وش بيضر و عشان كذا ابكتب لكم مواقفى مع مبارييات المان
اولا:كان هذا الموقف فى مباراه الميلان و المان يوم خسرنا 3-0 حسبى الله و نعم الوكيل بس المهم
شفت المباراه فى بيت جدتى(مدرى ليش قلت عشان ما افتشل زياده قدام ابوى بتفهمون السالفه فى القصه الثانيه) و خلص الشوط الاول و انا على كل هدف مسويه مناحه و تدخل على جدتى و تقول بسم الله وش فيك (لان شكلى كان يروع تقول احد ميت لها) قلت سجلوا علينا المهم قامت تقرا على و تسمى ما نفع و قالت اصبرى شوى و راحت الا و بعد دقيقتين الا و هى راجعه و معها كاس مويه زمزم و تشربنى المويه و تسمى على و بعدها بشوى بدا الشوط الثانى و قمت اصيح و اصرخ و اسب المهم بعد المباراه رحت نمت من الروعه المهم قمت اليوم الثانى و انا اصيح و مسزيه مناحه حتى و احنا راجعين لبيتنا بس لحد الحين كل ما اشوف مقطع من المباراه اصيح :sad: :sad:


ثانيا:هذى عاد يوم مباراه روما و المان يوم فزنا 7-1 مع كل هدف اصيح و ماما تقول الله يخلف على ان شاء الله يعوضنى بسعود(اخوى الصغير) المهم و بعدين يوم انتهت المبراه قام ابوى يطالعنى و يقول لا انتى مستقبل مريضه نفسيه و طبعا رحت المدرسه مواصله من الحماس


ثالثا : هذا الموقف تكرر مرتين معى و كل المرتين المباريات ما كانت مهمه بس كان وقتها فى الاختبارات النهائيه و من زود التحمس ما درست المادتيين و رحت المدرسه على معرفتى و قالو لى صديقاتى خلى المان ينفعك قلت بينفعنى ان شاء الله و الحمد لله خذت فى الاختبار الاول 24 و الثانى 27 يعنى ما ضرنى


رابعا :و طبعا هذا يصير معى تقريبا كل يوم حتى العائله المصونه صارت تسال ماما تقول متاكده هذى بنت مو ولد لانى اجيهم لابسه بلوزه المان و كل سواليفى على الكوره



اتمنى انى خليتكم تضحكون


تحياتى عاسقه المان