الــ س ـــلام علــ ي ــكم ورحـ م ــة الله وبركاته

صبــاح / مساء الخير

في البدايــه
لي معامله عند الإدارة علشان تغيير الإسم إلى زلزال الوله . والإسم اللي في الصور تحت اسمي <<

لي فتره طويله جــداً ما أكتب موضوع في المجلس

قلت أكتب هذا الموضوع حتى لو كان بايخ أهم شي أغثكم .


تدرون إنا دخلنا في اجازة الصيف وتدرون ان الإجازه مخلصــه

يعني بعد بكره دراســـه

فأنا في هذي الإجازه صارت لي رحــــله ولا أي رحــله

فحبيت انكم تشاركوني شعور الرحــله المتعبه ..

قررنا نروح أبها ونرجع في نفس اليوم لأن واحد من الشباب عنده شغله في أبها .

فأقترح علينا مدرس كان يدرس في قريه بعد نجران أنا أتوقع إنها على الحدود

بس ما أدري أي حدود ,, فوافقنا بالإجماع _ ما نعرف الطريق إلى القريه _

أسم القريه _ ما أدري قريه أو مينه بس والله صغيره _ يـــدمــه .من أبها إليها 5 ساعات

يعني الرحلـــه كلـــها حوالي 9 ساعات .

خلصنا الشغل في أبها ورحنا على طوووول إلى نجران .

وأحنا كلنا مواصلين , ما نمنا اليوم اللّي قبله ,,

قالنا المدرس في طريق مختصر من ورى نجران الفرق بينه وبين الطريق من نجران ساعـه .,

مشينا فيه حوالي ثلاث ساعات ومافي الشارع إلا احنا والجبال حولنا مافي حتى طيور .

توقعنــا أنفسنا وصلنا صلالـــه , أو مديــــنه ثانيه من مدن عمان ,

وبعد ما قرب من نهاية هذا الطريق المخيف نلقى نقطــة تفتيش الغرفه حقهم قديييييييييييييييييييييمــه

والجيب حقهم قدييييييم ما أظن انه يمشي كثير .. وما لقينا العسكري _ أتوقع انه شيبه _

مساكين قطاع الطرق اللّي في هذا الخط الناس كلهم خلاص صاروا يمشون الصباح

ما أحد يمشي فيه في الليل ..أنصحهم يغير فترة دوامهم ,

وترون اللّي يبي يشتغل مع قطاع الطرق تراه بيكسب << ما أقصد أحــد.

وفي النهايه وصلنا إلى أقرب قريه بعد مسير حوالي 3 ساعات لحالنا .

وأحنا تعبانين حيل من الخط ومن السهر . _ فاتتنا مناظر روعه ماصورناها لأن ما احد فاضي يصور _

قلنا نبي حمام _ وانتم بالكرامــه _ وندور على الخط ونلقى مسجــد الإمام الحسين بن على ( شيعيه القريــه )

ومكتوب على الجــدار ( دوراة مياه نساء ) -وانتوا بالكرامه- والسهم موجــه إلى دوره مياه الرجال -وانتوا بالكرامه-

اتوقع انه بنقالي اللّي راسم السهم ونمشي عكس السهم نبي حمامات الرجال -وانتوا بالكرامه-

وأفتح الباب والمؤذن يؤذن العصر وكان شيبه , دخلت وعلى طول كأن واحد يتكلم معي

يقول ترى هذي حمامات النساء -وانتوا بالكرامه- , وانا قعدت أفكر الحين يجي الشيبه

وهذي قريه جبليه أكيد مسلحين ويمكن يكون شيعي , وأتذكر فلم سمه ( جرائم الرافضه عبر الأزمنه والعصور )

وأقول اللحين يسون فيني فلم تعذيب ,

وأكيــد شبكــة الزعيم راح تخسر عضو مهم جــداً << هذي زياده ماكانت وقت التفكير

ويقطع حبل التفكير صوت بوري السياره أنا قلت خلاص أكيد جاء المؤذن والشباب يبون يعلموني

وعلى طول أخرج وحتى الباب الخارجي سبته مفتوح ,

ونواصل الخط وأخيـــراً بعد مسير 9 ساعات وصلنا إلى يدمــه .,,

ونجلس حتى العشاء صلينا وأنا كنت جوعان قلت أبي أخرج أشتري أكل

وأخرج إلا كل المحلات مقفله مافي إلا كم محل فاتح والحمد لله من بينها مطعم

والسوق مقفل كله . متعودين على النوم بعد العشاء .,

وأشوف أكثر السيارات اللّي هناك كويتيه

وأشتري لنا أكل ونروح نتعشى , وننام إلى الفجر , ونقوم نفطر ونمشي مروحين

كأننا رحنا ننام هنا بس ونمشي .

أما وقت الرجعــه كنت مروق فصورت لكم كم صوره من الخط ..

لكن جوالي نذل لدرجه كبيره أول ما بغيت أصور علق

فصورت من جوال الخـــيال , علشان كذا جودة الصور مش تمام.





شوفوا الحجاره كيف متراكبــه على بعض سبحان الله




الجبل هذا كأن فيه غار _ أعتذر عن جودة الصوره _




شوفوا شكل الحجر هذا .,,








وهذي الرمال شويه وتغطــي الجبــل




شوفوا المدرجـــات .

خلاص خلصت الصور _ الباقي طلعت ماهي واضحه - ( أجمل المناظر طلعت ماهي واضحه ) ,



ومن زود حبنا في الكوره أول ما وصلنا بعد هذا المشوار 9 ساعات

وصلنا للمعلب على طول قبل ما نروح إلى البيوت .,,

وخلاص انتهت الرحــــــــــله ,
.



ما يستفاد من الرحــله :

1/ إذا كان الريوس عندك مفصول صلحه لأنه بيوهقكـ زي ما وهقني بهذي الرحــله .

2/ لا تصدق الأسهم اللّي على جدران المساجـــد , تأكــد في البدايه من صحة مسار السهم .

3/ لا تسافر سفره طويله وانت ســـهران .

الحمد لله على السلامة